مطلوب حساب المتبقي من المخزون في تاريخ معين

[خالـ(ابوعثمان)ـد]

السلام عليكم ورحمة الله وبركاته

 

اخواني الافاضل في هذا المنتدى العظيم والذي استفدت منه في حياتي العلمية والعملية

 

في البداية احب اشكر كل الذين سيحاولون مساعدتي او الذين لا يستطيعون

 

والموضوع هو اني ارغب في حساب الموجود من المنتجات في تاريخ معين من خلال جدول المشتريات والمبيعات

 

مرفق ملف للمطلوب

Book2.zip

[الصـقر]

اخى الكريم

تفضل المرفق هل هو طلبك 

تقبل تحياتى

Book2.zip

[خالـ(ابوعثمان)ـد]

اشكرك اخي الفاضل (الصقر) على مجهودك الاكثر من رائع

 

بعد التجربة عدد الوحدات يظهر بشكل صحيح ولكن قيمة التكلفة غير صحيحة

[الصـقر]

اخى الحبيب

حضرتك عامل فى الملف المرفق بتاعك ان قيمة التكلفه تساوى اخر قيمة تم شراء بضاعه بها وهذا غير صحيح

علشان تحسب متوسط تكلفه الصنف 

                                        مجموع قيم الكميات اول المده+مجموع قيم الكميات من المشتريات  - مجموع قيم مردودات المشتريات

متوسط تكلفه الصنف    =  ------------------------------------------------------------------------------------------------------------

                                         مجموع الكميات اول المده+مجموع الكميات من المشتريات  - مجموع مردودات المشتريات

 

 

مثال الصنف أ 

 

                       الكمية    سعر الحبه    القيمة

اول المده             5            10          50

مشتريات             6            11          66

مردود مشتريات     2            10          20

---------------------------------------------------

المجموع            9                            96

 

                                                                50 + 66 - 20           96                         

    متوسط التكلفه فى هذه الحاله هى   =        ---------------------  = ------ = 10.66

                                                                          5 + 6 -2        9

 

طبعا حضرتك مش عندك اول المدة ولا عندك مردود مشتريات كله بس شراء وبيع 

حركة الشراء تؤثر على تقيم المحزون أما حركة البيع لا تؤثر على تقيم المخزون 

 

اتمنى ان اكونا وضحت الفكرة 

تقبل تحياتى

[خالـ(ابوعثمان)ـد]

اخي الحبيب (الصقر)

 

نعم ما كتبته ينطبق في حالات كثيرة ولكن حالتي انا هى:

 

سعر المنتج يختلف في كل مره سعر شرائها وبالتالي سعر البيع

 

لذلك اي منتج يتم شراءه ثم بيعه يخرج من سعر التكلفة حتى لا يؤثر على المتوسط

 

فانا احسب المتوسط للكميات الموجوده فعلياً

 

وايضاً لا يوجد مردود مشتريات

تم تعديل أبريل 21, 2015 بواسطه خالـ(ابوعثمان)ـد

[ياسر خليل أبو البراء]

جزيت خيراً أخي الغالي حسام عيسى على هذه المعلومات القيمة

موسوووووووووووعة

[الصـقر]

على فكرة طلب حضرتك كان انك عايز تحسب صافى الكمية وبالفعل المعادله موجوده بالعمود  E  

لكن انا قمت باضافه معادله بالعمود  G ومعملتش اى شئ بالعمود F  وهو الخاص بمتوسط التكلفه 

[الصـقر]

تفضل اخى الحبيب

الملف المرفق بعد تظبيط متوسط التكلفه بناء على مجموع قيم المشتريات/الكميات المشتراه

تقبل تحياتى

Book2.zip

[خالـ(ابوعثمان)ـد]

اشكر لك مجهودك اخي الفاضل وتعاونك الغير مستغرب منك

[ياسر خليل أبو البراء]

الأخ الفاضل خالد

يرجى تحديد أفضل إجابة ليظهر الموضوع مجاب ومنتهي

تقبل تحياتي

[هاني بدر]

السلام عليكم ورحمة الله وبركاته

اسمحوا لي ان اختلف جزئياً مع صديقي العزيز الأستاذ الصقر

فيما يخص تاثير حركة البيع على تقييم المخزون وساقتبس مختصر من رسالة خاصة بيني وبين احد الزملاء بهذا الرد

تقييم المخزون حسب المتوسط المرجح والمتوسط المتحرك طريقتان مختلفتان للتقيم

وفي حالة العمل بطريقة المتوسط المتحرك فسيكون لحركة البيع حسب تاريخ البيع ( او الخروج من المخازن )  تاثير على التقييم ولتوضيح ذلك

لنفترض اني في اول شهر ابريل اشتريت 10 كيلو طماطم باجمالي 40 جنيه

وهنا سعر الكيلو سيكون 4 جنيه ثم في تاريخ 15 ابريل قمت بشراء 10 كيلو ولكن بسعر 60 جنيه

لنفترض الحالتين التالي بيانهم في حالة تعديل مستند

أولا : انني ساقوم بإخراج 5 كيلو في تاريخ 4/4/2015

احسب متوسط التكلفة في هذا التاريخ

ثانيا : لم اخرج من المخزن من الطماطم اى شيئ الا في تاريخ 16/4/2015

احسب المتوسط هنا !!!!

وبالطبع المتوسط اختلف بناء على تاريخ خروج البضاعة

ارجو ان تكون قد وضحت الفكرة

ومرفق فيديو يوضح الية خروج البضائع من المخزن ,وتقييم المخزون في اى تاريخ تختاره

تحياتي

https://youtu.be/AT5bQFMKiQQ

تم تعديل أبريل 21, 2015 بواسطه هاني بدر

[ياسر خليل أبو البراء]

هي الطماطم مزعلاكم كدا .. ارموني بيها وانا راضي .. دي غالية اليومين دول (10 كيلو بسعر 60 جنيه ..مش حرام كدا وقال ايه ممنوع الكلام في السياسة أقصد الكلام في الطماطم)

 

بارك الله فيكم إخواني على ما تقدمونه من معلومات تفيد إخوانكم العاملين بنفس المجال

تقبلوا تحياتي

[الصـقر]

استاذى الحبيب هانى بدر

انا سعيد جدا بدخول حضرتك على خط النقاش الساخن حول هذا الموضوع

اسمح لى وبكل تواضع منى لشخصكم الكربم

حركات فواتير المبيعات ومردودات المبيعات لا تؤثر على متوسط تكلفه المخزون بأى طريقه نهائيا 

طبعا علشان اوصل لحضرتك على اى اساس كتبت الكلام ده لازم لى ساعات علشان اكتب ووضح لحضرتك بالامثله 

المثال اللى حضرتك بتستشهد بيه 

اليك المثالين يوضحون الفرق 

مثال 1 

تاريخ الحركه       نوع الحركة               الكمية      السعر      القيمة
2015-4-1        مشتريات                   10        4         40
2015-4-4       مبيعات                      5          5         25    ( ملحوظه هنا سعر البيع طبقا لسياسة الشركه وادارة المبيعات هى من تقرر السعر وبافتراض هنا انها 5 جنية)
2015-4-4      اذن صرف من المخازن    5          4         20    ( هنا تم عمل سعر التكلفه بناء على المتوسط المرجح قيمة المشتريات 40/ كمية المشتريات 10= 4** يعنى تم تقييم                                                                                                                                                         المخزون  صرفه من المخزن وبسعر المتوسط عند الخروج وليس البيع)
2015-4-15     مشتريات                    10         6        60

-----------------------------------------------------------------------------------------------------------------------------------------------------------

المثال 2 

 

تاريخ الحركه       نوع الحركة               الكمية      السعر      القيمة

2015-4-1        مشتريات                   10        4          40

2015-4-4       مبيعات                      5           5         25    ( ملحوظه هنا سعر البيع طبقا لسياسة الشركه وادارة المبيعات هى من تقرر السعر وبافتراض هنا انها 5 جنية)

2015-4-15     مشتريات                    10         6        60   

2015-4-16      اذن صرف من المخازن   5          5         25    ( هنا تم عمل سعر التكلفه بناء على المتوسط المرجح قيمة المشتريات 100/ كمية المشتريات 20 = 5 ** يعنى تم تقييم المخزون عند                                                                                                                                               صرفه من المخزن وبسعر المتوسط عند الخروج وليس البيع)

هنا اصبح قيمة المخزون 5 بدلا من 4 والسبب فى ذالك هى حركة المشتريات بتاريخ 15-4-2015م التى أثرت على التكلفه 

----------------------------------------------------------------------------------------------------------------------------------------------------------------------------------------------------

 

من المثالين السابقين يتضح لنا ان عملية تقيم تكلفه المخزون مختلفه والسبب هنا هو حركة المشتريات وليس المبيعات 

علشان كدا انا بقول لحضرتك ان عملية البيع ليس لها اى علاقه بتقييم المخزون  لا بطريقه الجرد الدورى ولا طريقه الجرد المستمر

طبعا الكلام فى هذا الموضوع كتير جدا وانا سعيد جدا بالنقاش حول هذه النقطه ودار بينى وبين الاستاذ احمد عبدالناصر والاستاذ الحبيب محمد الريفى نقاش طويل حول هذا الموضوع واتمنى مشاركتهم لنا بالنقاش

[محمد الريفى]

اخى الحبيب الاستاذ هانى  بدر

فكرتك صحيحيه بنسبة 100% ولكن دعنى الفت نظركم الى شيى ووجب على ذكره

ان طرق تقييم المخزون( FIFO .LIFO .WA) نتائجها واحده

فى ظل نظام الجرد الدورى (Periodic Inventory System)

ونظام الجرد المستمر (Perpetual Inventory System)

فيما عدا طريقة المتوسط المرجح تختلف نتائجها فى النظامين لان المتوسط المرجح يستخدم اذا كنت تعمل بالجرد الدورى فقط

واما اذا كنت تعمل بالجرد المستمر فانك لابعد من استعمال المتوسط المتحرك ( متوسط متحرك او جديد ) كما ذكر الاستاذ الفاضل هانى بدر

تقبلوا منى تحياتى

[هاني بدر]

السلام عليكم ورحمة الله وبركاته

تحياتي لجميع الأساتذة الافاضل

عزيزي المشاغب دائماً الأستاذ الصقر

وطبعاً دي المشاغبة الهادفة

في مثالك افترضت ان الكمية 5 كيلو قد خرجت من المخازن !!! وانا أوضحت انني في الحالة الثانية لم اخرج اى شيئ قبل تاريخ 16/4/2015 

وعليه فحساب التكلفة سيختلف

واى كان فانا أرى انه وفقاً لطريقة المتوسط المتحرك

والتي اعتبرها الأكثر قرباً للواقع فانها تستلزم الدقة في التطبيق خاصة في حالات عمل التسويات الجردية والتي قد تتطلب تعديل بعض اذون الصرف في حالات الخطا الغير متعمد من المستخدم وهذه هي نقطة الخلاف والتي ستظهر بدورها تاثير حركة خروج البضائع من المخزن سواء بالبيع او الارتجاع او حتى التحويلات بين المخاز الفرعية والرئيسية

تحياتي لك زميلي الفاضل الأستاذ محمد الريفي واشكر لك تفاعلك في الموضوع

وتحياتي لصديقي المشاغب الصقر

تم تعديل أبريل 21, 2015 بواسطه هاني بدر

[الصـقر]

اخى واستاذى الحبيب

محمد الريفى

كم يشرفنى ويسعدنى مشاركتكم

ولكن اسمح لى بالتعليق على مشاركتكم الكريمه

حضرتك بتقول للاستاذ هانى ان فكرته صحيحه 100% ما هى الفكرة التى تقصدها ؟ هل المقصود ان عمليات البيع تؤثر على تقيم المخزون ؟ أم ماذا 

ثانيا 

 

 

ان طرق تقييم المخزون( FIFO .LIFO .WA) نتائجها واحده

فى ظل نظام الجرد الدورى (Periodic Inventory System)

ونظام الجرد المستمر (Perpetual Inventory System)

فيما عدا طريقة المتوسط المرجح تختلف نتائجها فى النظامين لان المتوسط المرجح يستخدم اذا كنت تعمل بالجرد الدورى فقط

 

 

لو حبينا نطبق مثال الاستاذ هانى السابق بطريقه الجرد الدورى سيكون كالتالى

 

              تكلفة البضاعه المباعه =    ( (مخزون اول المده +المشتريات )- مردودات المشتريات ) -مخزون اخر المده  

مخزون اخر المدة يمكن تقيمه بالقيمة الدفترية من خلال احدى الطرق ( FIFO .LIFO .WA) او القيمة السوقيه  او ايهما اقل 

 

بافتراض انه بالمثال السابق يتم تقييم المخزون بالقيمة الدفترية طبقا للمتوسط المرجح 

مخزون اخر المده = متبقى 15 كيلو * 5 = 75 

مخزون اول المدة = 0

المشتريات = 100

مردود المشتريات = 0

 اذن تكلفه البضاعه المباعه هى ((0+100)-0)-75) = 25

ارجوا من حضرتك لو كنت مخطأ لا تبخل على بتصحيح خطاى فأنا مازلت تلميذكم واريد ان ارتوى من بحر علمكم

تقبلوا تحياتى    

[محمد الريفى]

اخى الحبيب الاستاذ حسام

اقصد ان عمليات البيع تؤثر على تقييم المخزون المتبقى وده التدفق الطبيعى للمخزون

فتكلفة الوحدات المباعه تختلف فى كل حركة جديده

وبالتالى تكلفة الوحدات المتبقية فى المخزون

وهذا ماقصدته تحديا او على الاقل مافهمته من طرحكم للموضوع

تحياتى اليكم جميعا

[هاني بدر]

السلام عليكم ورحمة الله وبركاته

أولا : تحياتي لك زميلي الفاضل الأستاذ الصقر

ثانياً :ٍٍٍٍ أعتقد أن الجرد المستمر يكشف نقاط الضعف أو التقصير أول بأول وبالتالي أيجاد الحلول السريعة الفاعلة . ومشاركتك السابقة

كانت تصب على المتوسط المرجح وانا اتحدث عن المتوسط المتحرك

ثالثاً: حالة المتوسط المتحرك التي اشرت اليها في الاغلب الاعم  يظهر فيها تاثير حركة البيع في حالة الشركات ذات الطابع التصنيعي

يعني في اطار عمل RECIPE

يعني لو ممكن تقول لنا ازاى هتحسب متوسط تكلفة الصنف ( المصنع ) المباع  في اليوم الواحد او في الشهر الواحد

لو توصلت الى نتيجة ستدرك تاثير حركة البيع على متوسط تكلفة الوحدة.

واعتقد ان الخلاف بيننا هو في انني اتحدث عن متوسط تكلفة الوحدة وقت تحركها من المخزن وبين التقييم الكلي للمخزون في تاريخ محدد

تحياتي

تم تعديل أبريل 21, 2015 بواسطه هاني بدر

[الصـقر]

ارجوا من حضرتك ومن الاستاذ هانى مراجعه المشاركه رقم 13 مره اخرى 

لان بصراحه عايز افهم ازاى عمليات البيع او مردوات البيع تؤثر على تكلفه الوحده المباعه 

الاستاذ محمد الريفى فتكلفة الوحدات المباعه تختلف فى كل حركة جديده من المشتريات او مردودات المشتريات فقط وليس للمبيعات او مردودات المبيعات اى تاثير

الاستاذ هانى انا الصراحه مش قادر افهم قصدك من يعني لو ممكن تقول لنا ازاى هتحسب متوسط تكلفة الصنف ( المصنع ) المباع  في اليوم الواحد او في الشهر الواحد  ماذا تعنى حتى اقدر ارد على حضرتك

ما هى العلاقة بين عمليات البييع وحساب تكلفه الصنف المصنع على فكره انا بشتغل فى مصنع يعنى بنقوم بعمليات تصنيع مواد خام وتحويله  الى منتج نهائى  

 

تقبلوا تحياتى

[محمودبك]

السادة الاعضاء والمشرفين                المحترمين

تحياتى وتقديرى واحترامى لاراءكم ومشاركتكم الجميلة

بالنسبة للمتوسط المتحرك تكون اهمية للمنصرف اليومى واحتساب تكلفة البضاعة المباعة 

اماتكلفة رصيد المخزون فالقيمة الاجمالية للرصيد

هذا راى محاسبى

ولكم تحياتى

[هاني بدر]

السلام عليكم ورحمة الله وبركاته

عزيزي المشاغب واسمح لي ان القبك بهذا اللقب الذي والله لا معنى له عندي سوى الطالب المجتهد اللاهث وراء المعلومة بكل مالديه من قوة

نقول تاني

وكي أكون دقيقاً في كلامي انا اتحدث عن المتوسط المتحرك وقلت ان تاثير حركة البيع يظهر حسب تاريخ البيع

ان كنت قلت غير ذلك فارجو المراجعة

. شوف يا عزيزي مع تثبيت المتغيرات الثابتة في المثال وهي شراء البضاعة في التاريخين

في الحالة الأولى وهى خروج البضاعة في تاريخ 4/4/2015

تكلفة خروج الطماطم في هذه الحالة

= 5 كيلو في سعر 4 جنيه اى 20 جنيه وفي تاريخ 17/4/2015 سيكون المخزون الباقي قيمته 80 جنيه ده على افتراض اني لم اخرج بضاعة في 16/4/2015

طيب في الحالة الثانية

تكلفة خروج الطماطم في تاريخ 16/4/2015 وده على افتراض اني اخرجت طماطم في تاريخ 4/4/2015

ستكون في في هذه الحالة

5 كيلو في سعر.3333 5 جنيه اى 26.666 جنيه

وهيكون المخزون المتبقي قيمته 53.34 جنيه تقريباً

لاحظ الفرق لو لم اخرج بضاعة في 4/4/2015

سيكون السعر في هذه الحالة 5 جنيه للكيلو الواحد ويكون رصيد المخزون من الطماطم في تاريخ 17/4/2015 75 جنيه

أتمنى تكون وضحت الفكرة

اما بخصوص موضوع  RECIPE

فادعو من الله عز وجل ان لا يهزمني الوقت كالعادة وافرد لهذا الامر موضوع مستقل باذن الله تعالى

تقبل تحياتي

تم تعديل أبريل 21, 2015 بواسطه هاني بدر

[الصـقر]

استاذى الحبيب استاذ هانى والله كم يسعدنى بتلقيبكم لى المشاغب على فكره مش انت اول واحد تقولها هههههههههههههههههههههههه  

اشكرك من اعماق قلبى وخد راحتك  بس مش قوى يعنى    فى اللى انت عايزه سمينى زى ما تسمينى بس مش لدرجة انى ادبح على العيد الاضحى 

تقبل تحياتى           كفايه عليك كدا لان الاستاذ ياسر خليل هيزعل على الورد اللى بناخده من المنتدى بيعدهم عليا    ايوة زى ما بقولك كدا دا عايز يحاسبنى عليهم 

[هاني بدر]

السلام عليكم ورحمة الله وبركاته

عزيزي الأستاذ الصقر

يشهد الله على ما في قلبي لكل أعضاء ورواد المنتدى

ولا اخفيك سراً انت على الأخص من الناس التي احمل لها مكانة خاصة في قلبي

تقبل تحياتي وشكري المستمر لك وللاستاذ محمد الريفي على موضوعاتكم الشيقة

واعتذر بشدة على اغفالي لزميلنا العزيز الأستاذ ياسر خليل وبصراحة مش خسارة فيه كل ورود الدنيا

والى جولة أخرى من الشغب الفكري الهادف والبناء

 

تحياتي

تم تعديل أبريل 21, 2015 بواسطه هاني بدر

[أبو العاصم]

السيد المفضال هانى بدر

هل تتكرم علينا بمعادلة sumproduct تقوم بحساب المتوسط المتحرك لكل عمليات المخزون بيع وشراء

تعتمد على العديد من الاصناف 

[هاني بدر]

السلام عليكم ورحمة الله وبركلاته

استاذنا الفاضل الأستاذ ابوعاصم

وارجو ان لا أكون قد اخطات في الاسم

بخصوص احتساب المتوسط المتحرك

فانا لا افضل معادلة sumproduct

نظراً لانها تسبب ثقل في الجهاز

وبدلاً منها انا استخدم دالة

sumifs

 

وان كنت افضل ان ترسل ملف فيه البيانات حتى يتم التطبيق عليها

لسبب جوهري هو  اختلاف رؤية المحاسب في تبويب بيانات المخزون

فقد يرى المحاسب ان يفرد عمود خاص لكميات خروج البضاعة وعمود آخر لحركة الدخول

وقد يرى ان تكون حركة الدخول والخروج في عمود واحد مع إعطاء حركة كميات  الخروج إشارة السالب

وقس على ذلك عمود القيمة فقد يرى المحاسب ان يفرد عمود لقيمة حركة الصرف وعمود آخر لقيمة حركة الدخول

 او ان يكون عمود القيمة هو عمود واحد مع إعطاء قيمة خروج البضائع إشارة السالب

 وباذن الله تعالى سوف أقوم بشرح الدالة sumifs

في المشاركة التالية ان لم ترفق ملفاً

تحياتي