الصـقر قام بنشر يناير 20, 2015 مشاركة قام بنشر يناير 20, 2015 بسم الله الرحمن الرحيم الاخوة الاعزاء أقدم لكم اليوم شرح مبسط عن الحلقه التكرارية For next انا هبدأ على طول بالامثله العمليه والتطبيقية حتى يتضح لنا ما معنى الحلقه وفيما تستخدم مثال 1 عدد عشرة صناديق ( كنت عامل رسم عشر صناديق لكن للاسف عند الحفظ طلب تقليل الوجوه التعبيريه) وهو ايه الصناديق دى ؟؟ / هقولك الصناديق دى كنوز وهدايا فيهم صندوق منهم فى ساعه هدية لحبيبى ياسر خليل انا بصراحه مش عارف ايه المناسبة بس اهو هدية وخلاص حبيبنا برضوا ولازم نكرمه معلش يا عم ياسر هنتعب واحد دلوقتى علشان يروح يجيب لك الساعه انتظر شوية وهتيجى لك الساعه لحد عندك انت غالى برضوا ولا ايه صحيح دا واحد صاحبنا قاعد مبسوط لانه بيسمع الماتش و الاهلى جاب جون امه هتنادم عليه ( مش هتنادى عليه ) هتنادم يعنى هيندم على اليوم اللى اتولد فيه طب ليه؟ لان أمه هتقوله روح للصناديق اللى فوق افتح صندوق صندوق وتعالى هههههههه أول شئ هتلاقى وشه عامل كدا زى ابولهب المهم صحبنا ده هيروح ياعينى للصناديق ويفتح العشرصناديق صندوق صندوق ويرجع طبعا لما يرجع هيعمل لامه كدا ويزعق انا عايز افهم انتى قلتى روح ليه ايه الفايده انى افتح الصناديق بس ضيعتى عليا الماتش لو عايزين نطبق الكلام الحلو ده بس بلغه Vba بتاعة عمنا بيل جيتس Sub hossam() For i = 1 To 10 Next End Sub هنا اول سطر الاعلان عن بداية الكود / السطر الثانى عملنا حلقه تكرارية For واسمها i اللى هو بالمثال فوق الصناديق وممكن تسميه اى حرف اخر كيفما يحلو لك وقلنا ان الصناديق تبدأ من اول صندوق الى اخر صندوق وهو 10 / السطر الثالث هو next وهى تعنى التالى صاحبنا هيروح لاول صندوق ويفتحه وبعدها يروح للصندوق الثانى ويفتحه يخلص وبعدها يروح للصندوق الثالث ويفتحه وهكذا والسطر الرابع يعنى نهاية الكود طبعا الكود ده ما فى منه اى فايده ليه يا عم لانك مقلتش له مهمه ينفذها انت بس قلتله لف على الصناديق زى لف التراك كدا ********************************************************************************************* مثال 2 الحاجه وابنها اللى فى المثال الاول هتقوله يابنى روح للصناديق وهات الساعه لعمك ياسر / افتح صندوق صندوق لو لقيت صندوق منهم فى ساعه مكتوب عليها هدية لعمك ياسر هتها وتعالى قالها وافرض لقيت الساعه باول صندوق ارجع ومكملش ههههههههههههههههه ولد زكى امه قالت له لا يا حبيبى افتح برضوا كل الصناديق افتحهم كلهم حتى لو لقيت الساعه فى اول صندوق طبعا صاحبنا هيعمل كدا الغيظ يا عينى هيطق من عينيه لو حبينا بقى نعمل الكلام ده بالبرمجه بالكود يعنى نعمل ايه Sub hossam() For i = 1 To 10 If "لو اى صندوق جواه ساعه " Then "طلع الساعه من الصندوق " End If Next End Sub الجديد هنا اننا استخدمنا قاعدة If يعنى شرط للمأمورية اللى هيقوم بها صاحبنا مش هيروح يفتح فى الصناديق بس ويرجع زى المره الاولى *********************************************************************************************** مثال 3 صاحبنا اللى فوق ده امه قررت انها تريحه وقالت له افتحى الصناديق يا حبيبى ولو لقيت صندوق فى الساعه هاتها وارجع ومتكملش فتح الباقى صاحبنا قال طيب وراح بدأ يفتح فى الصناديق اول صندوق ملقاش الثانى ملقاش الثالث ملقاش الرابع لقى الساعه جابه ورجع وقال يا فكيك مش هكمل فتح الباقى علشان نعمل الكلام ده بالكود هيكون كدا نفس الكود السابق بس اضافه حاجه صغيره جدا Sub hossam() For i = 1 To 10 If "لو اى صندوق جواه ساعه " Then "طلع الساعه من الصندوق " Exit For End If Next End Sub يعنى عندما يتحقق الشرط ارجع واخرج من الحلقه اللى هى For ومتكملش ******************************************************************************************** مثال 4 عايزين نطبق الكلام الحلو ده بس على امثله بالاكسيل فى الامثله السابقه هنستبدل الصناديق بالخلايا من A1:A10 وهيكون الساعه موجوده فى محتوى الخلايا معانا صوره فيها بيانات من الخلية A1 : A 10 لما نطبق الكود دا Sub hossam() For i = 1 To 10 If Cells(i, "A") = "ساعه" Then Cells(i, "B") = "مبروك" End If Next End Sub حته على الهامش cells تكتب هكذا ( العمود , الصف ) cells فى الكود اعلاه الصف هو i والعمود هو A وتم وضعه بين علامتى تنصيص "A" لما نطبق الكود هنلاقى النتيجة كما هو موضح بالصورة ********************************************************************* مثال 5 لو عايزين الكود لما يلاقى ساعه يطلع وميكملش هنضيف زى ما كلنا Exit For ويكون الكود كدا Sub hossam() For i = 1 To 10 If Cells(i, "A") = "ساعه" Then Cells(i, "B") = "مبروك" Exit For End If Next End Sub وهتلاقى النتيجة كما هو بالصورة مبين ********************************************************************************************* مثال 6 من الوضح ان الامثله السابقه الحلقه تبدا من 1 الى 10 أى معلوم بدايتها ونهايتها طيب لو عندى حلقه معلوم بدايتها وغير معلوم نهايتها يعنى العمود A البيانات فيه متغيره وفى ازدياد فى هذه الحاله نستخدم تعريف اخر خليه بها بيانات فى العمود كالتالى nn = Cells(Rows.Count, "A").End(xlUp).Row nn هنا هو تعريف اخر خليه بها بيانات ويتم استخدمها بالكود بعد ذالك بدل من كتابة Cells(Rows.Count, "A").End(xlUp).Row كل مره ( طبعا يمكن تغيرها الى اى حروف انت تحبها وبكدا هيكون الحلقه كالتالى For i = 1 To nn والكود كامل هيكون كدا Sub hossam() nn = Cells(Rows.Count, "A").End(xlUp).Row For i = 1 To nn If Cells(i, "A") = "ساعه" Then Cells(i, "B") = "مبروك" Exit For End If Next End Sub ************************************************************************ مثال 7 كل الشغل اللى معمول ده على ان الحلقه بتعمل على الصفوف طيب انا عايزها تعمل على الاعمده يعنى الشكل زى الصورة دى بفرض انه غير معلوم اخر خليه بها بيانات فى الصف 1 هنعمل تعريف لها كالتالى nn = Cells(1, Columns.Count).End(xlToLeft).Column هو نفس تعريف اخر صف كما قلنا سابقا ولكن بختلاف ترتيب Cells عايزكم انتم تلاحظو الفرق الكود هيكون كالتالى Sub hossam() nn = Cells(1, Columns.Count).End(xlToLeft).Column For i = 1 To nn If Cells(1, i) = "ساعه" Then Cells(2, i) = "مبروك" Exit For End If Next End Sub الاختلاف هنا عن الكود بالمثال هو تعريف nn كما وضحنا سابقا وايضا فى ( Cells(1, i هنا cells الصف ثابت وهو 1 والعمود هو المتغيير i ولو ضغطنا على الزر سيكون نتيجة الكود كالتالى كما هو مبين بالصورة ************************************************************************************************* مثال 8 الصور الذى تم الشرح عليها كلها فى الورقه 1 من الملف يعنى البيانات ونتيجة البيانات كانت بنفس الورقة انا عايز اروح للورقه 2 واعمل زر واعيين عليه الماكرو بس حلقه For هتبحث عن البيانات بالورقه 1 هنعمل ايه امر بسيط جدا هنستخدم With وطبعا هنقفلها ب End With Sub hossam() With Sheet1 nn = Cells(1, Columns.Count).End(xlToLeft).Column For i = 1 To nn If .Cells(1, i) = "ساعه" Then [A1] = "مبروك" Exit For End If Next End With End Sub طبعا هو نفس الكود اللى بالمثال 7 والجديد هو استخدمنا With Sheet1 فى بداية الكود وقفلناه قبل نهاية الكود ب End With وقلنا لو تحقق الشرط خلى الخليه A1 = "مبروك" كما هو موضح بالصورتين صورة الورقه 1 اللى بها البيانات صورة الورقه 2 عند الضغط على الزر وظهور مبروك بالخلية A1 ********************************************************************************************** تعبت الولد معك يا عم ياسر المهم الحمد لله الولد نجح بالمهمه وجاب لك الساعه ودلوقتى بيتفرج على الماتش والاهلى جاب جون تانى والفرحه مش سيعاه *************************************************************************** أتمنى يارب أكون وفقت بالشرح ويكون سهل للاخوة الجدد المهتمين بالتعلم VBA يمكنكم شرح افضل من هذا على الرابط من اعمال الاخ الحبيب ياسرخليل حلقات افتح الباب يا عبدالتواب http://www.officena.net/ib/index.php?showtopic=56941= وايضا يمكنكم متابعه الرابط التالى للاخ الحبيب محمود الشريف http://www.officena.net/ib/index.php?showtopic=56000&hl= كما يوجد ايضا العديد من الشروحات التى تتناول الحلقه التكرارية For next يمكنكم البحث عنها داخل المنتدى تقبلوا تحياتى واتمنى لك التوفيق 6 رابط هذا التعليق شارك More sharing options...
محمد لطفى قام بنشر يناير 20, 2015 مشاركة قام بنشر يناير 20, 2015 عال عال عال عال رابط هذا التعليق شارك More sharing options...
ياسر خليل أبو البراء قام بنشر يناير 20, 2015 مشاركة قام بنشر يناير 20, 2015 بسم الله ما شاء الله ..شرح في منتهى الجمال والروعة ربنا يبارك فيك يا مستر حسام ومشكور على الساعة الهدية (بس الساعة دي 60 دقيقة ؟ ولا ساعة الحظ متتعوضش) ملحوزة صغيرة : في المثال رقم 7 صحح عندك ..عشان تجيب العمود لازم فيه حاجة كمان تتغير ركز واعرف الخلطة فين : nn = Cells(1, Columns.Count).End(xlToLeft).Column ركز واصحى فيه ناااااس مراقبينك !! تقبل تحياتي 1 رابط هذا التعليق شارك More sharing options...
ibn_egypt قام بنشر يناير 20, 2015 مشاركة قام بنشر يناير 20, 2015 ما شاء الله ... أخي حسام حلقة رائعة واسلوب شيق وممتع في توصيل المعلومة مجهود كبير من استاذ قدير تحياتى 1 رابط هذا التعليق شارك More sharing options...
الصـقر قام بنشر يناير 20, 2015 الكاتب مشاركة قام بنشر يناير 20, 2015 اخى محمد لطفى شكرا على مرورك العطر وتقبل تحياتى رابط هذا التعليق شارك More sharing options...
الصـقر قام بنشر يناير 20, 2015 الكاتب مشاركة قام بنشر يناير 20, 2015 يا كبير انتى تعبتنى انا والولد حرام عليك وكمان علشان حظى السئ النور قطع ههههههههههههههههههه اللى عمرها ما حصلت هنا ورجعت عملت الشرح تانى وجيت احفظ قالى انت مستخدم وجوه تعبيريه كتير ده غير التنسيقات والالوان والاهتمام بالشكل بقالى يا كبير 3 ساعات ارحمنى لازم طبعا اكون مش مركز (بس انا مطمن انى ورايا اساتذه كبار وعمالقه ) يصوبوا لنا ما غفلنا عنه بالخطأ تقبل تحياتى ورمرورك العطر 1 رابط هذا التعليق شارك More sharing options...
الصـقر قام بنشر يناير 20, 2015 الكاتب مشاركة قام بنشر يناير 20, 2015 اخى الحبيب والغالى الاستاذ احمد شكرا يا غالى على مرورك العطر عايزك تشرح لنا حاجه حلوه من علمك الغزيز عايز اتعلم منك واستفيض متبخلش علينا تقبل تحياتى 1 رابط هذا التعليق شارك More sharing options...
محمد الريفى قام بنشر يناير 20, 2015 مشاركة قام بنشر يناير 20, 2015 ماشاء الله عليك يااستاذ حسام شرح فى منتهى الروعه والبساطه يدخل على طول فى المخ من غير اى مقدمات وطبعا الشكر موصول لصاحب الهمه العاليه اللى دايما انت ياحسام بتهاديه استاذى الحبيب ياسر خليل تقبل منى تحياتى 2 رابط هذا التعليق شارك More sharing options...
ibn_egypt قام بنشر يناير 20, 2015 مشاركة قام بنشر يناير 20, 2015 اخى الحبيب والغالى الاستاذ احمد شكرا يا غالى على مرورك العطر عايزك تشرح لنا حاجه حلوه من علمك الغزيز عايز اتعلم منك واستفيض متبخلش علينا تقبل تحياتى حبيبي أ.حسام والله في أكثر من موضوع في دماغي وكلهم في منتهي الأهمية .. والقصة مش بخل ابدا لكن انت عارف نظام شغلى، والموضوعات اللى من النوعية دي محتاجة تحضير كويس حتى يتم تجميع كل ما يخص الموضوع بإذن الله هحاول جاهدا في الايام القادمة انى انزل بيهم موضوع موضوع تحياتي 1 رابط هذا التعليق شارك More sharing options...
الصـقر قام بنشر يناير 20, 2015 الكاتب مشاركة قام بنشر يناير 20, 2015 اخى الحبيب استاذى محمد الريفى هذا ما تعلمته منكم وما العبد الا قطره فى بحر علمكم شكرا على كلماتك الطيبه ومرورك العطر تقبل تحياتى 1 رابط هذا التعليق شارك More sharing options...
الجموعي قام بنشر يناير 20, 2015 مشاركة قام بنشر يناير 20, 2015 اخى الحبيب وأستاذي الغالي / حسام شرح ممتاز للحلقة التكرارية أفدتني كثيرا زادك الله علما ونورا وجعله فى ميزان حسناتك تحياتي 1 رابط هذا التعليق شارك More sharing options...
الصـقر قام بنشر يناير 20, 2015 الكاتب مشاركة قام بنشر يناير 20, 2015 اخى وحبيبى الجموعى أسعدنى مرورك الكريم جزيت خيرا على دعائك ولك بمثل ما دعوة به تقبل تحياتى رابط هذا التعليق شارك More sharing options...
سيف الدين حسام قام بنشر يناير 20, 2015 مشاركة قام بنشر يناير 20, 2015 أستاذنا حســـــام عيســـى مجهود عظيم جزيت كل الخير عليه - أن شــاء الله سوف أطبق هذا الدرس الأن 1 رابط هذا التعليق شارك More sharing options...
الصـقر قام بنشر يناير 20, 2015 الكاتب مشاركة قام بنشر يناير 20, 2015 اخى وحبيبى سيف الدين حسام يالا ورينى الهمه عايزك تصطاد المعلومه وتستنتج ازاى نجبر المستخدم على عدم تكرار سند القبض تقبل تحياتى رابط هذا التعليق شارك More sharing options...
عبدالله المجرب قام بنشر يناير 20, 2015 مشاركة قام بنشر يناير 20, 2015 الاخ الفاضل حسام شرح جميل وامثلة مفيدة للعلم فقد كان باب فهمي لكتابة الأكواد هو شرح الاستاذ معتصم محمد للحلقة التكرارية وكانت بداية الدخول لعالم الاكواد ا رابط هذا التعليق شارك More sharing options...
ابو تراب قام بنشر يناير 21, 2015 مشاركة قام بنشر يناير 21, 2015 ماشاء الله تبارك الله شرح ولا اروع ... فعلا السهل الممتنع جزاك الله خيرا استاذ حسام عن كل حرف كتبت 1 رابط هذا التعليق شارك More sharing options...
الصـقر قام بنشر يناير 21, 2015 الكاتب مشاركة قام بنشر يناير 21, 2015 استاذى الحبيب عبدالله المجرب مرورك هو الاجمل فهذا ما تعلمته منكم وللعلم ان سبب دخولى عالم الاكواد كنت على اليوتيوب بالصدفه وبدون بحث لقيت فيديو عن الترحيل لحضرتك كان الرابط التالى عجبنى الشرح جدا وكان مفيد ومن هنا كانت الانطلاقه الى عالم البرمجه والاكواد فجزاك الله خيرا وايضا مدونة محمود حموده أكن لها كل الفضل وكم اتمنى ان يكون بيننا لنتعلم منه وبعد هاتين كانت الانطلاقه للاشتراك بالمنتديات والبحث عن كتب بالنت تقبل تحياتى رابط هذا التعليق شارك More sharing options...
الصـقر قام بنشر يناير 21, 2015 الكاتب مشاركة قام بنشر يناير 21, 2015 اخى واستاذى اسد المنتدى ابوتراب سعدنى مرورك جدا وكلماتك وسام على صدرى وشهادة اعتز بها تقبل تحياتى رابط هذا التعليق شارك More sharing options...
mohamedrizk85 قام بنشر يناير 21, 2015 مشاركة قام بنشر يناير 21, 2015 جزاك الله خير شرح رائع ومبسط 1 رابط هذا التعليق شارك More sharing options...
inas aly قام بنشر يناير 24, 2015 مشاركة قام بنشر يناير 24, 2015 جزاك الله خيرا شرح رائع ومبسط 1 رابط هذا التعليق شارك More sharing options...
الصـقر قام بنشر مارس 8, 2015 الكاتب مشاركة قام بنشر مارس 8, 2015 الاخوة الكرام هذا رابط اخر به شرح افضل من ذالك وبالفيديو للعلامه معتصم محمد http://www.officena.net/ib/index.php?showtopic=37735&hl= تقبلوا تحياتى رابط هذا التعليق شارك More sharing options...
أبو إيمان قام بنشر مارس 8, 2015 مشاركة قام بنشر مارس 8, 2015 جزاكم الله خيرا رابط هذا التعليق شارك More sharing options...
KHMB قام بنشر مارس 8, 2015 مشاركة قام بنشر مارس 8, 2015 السلام عليكم ورحمة الله اخي الاستاذ حسام كل موضوع احسن من الاخر فكلها إفاده وقل ماتوجد شخص يقول ذلك جزاكم الله خير رابط هذا التعليق شارك More sharing options...
نايف - م قام بنشر مارس 8, 2015 مشاركة قام بنشر مارس 8, 2015 شرح ممتاز - بسيط و واضح شكرا رابط هذا التعليق شارك More sharing options...
الصـقر قام بنشر سبتمبر 21, 2015 الكاتب مشاركة قام بنشر سبتمبر 21, 2015 لاحياء الاعمال السابقه ليستفيد منها الاخوة الجدد رابط هذا التعليق شارك More sharing options...
الردود الموصى بها
Join the conversation
You can post now and register later. If you have an account, sign in now to post with your account.