دالة معرفة UDF لتوليد أرقام عشوائية غير مكررة (فريدة)

[ياسر خليل أبو البراء]

السلام عليكم ورحمة الله وبركاته

طبعاً فيه ناس أول ما شافت العنوان ، دخلت على الموضوع عشان تعرف مين (فريدة) اللي بتكلم عنها ...

فريدة دي مش فريدة اللي ف بالكم يا أحباب !! فريدة بمعنى غير مكررة ..

الدالة التي أقدمها لكم اليوم دالة تقوم بتوليد (ومحدش يعلق عليها ..فريدة دي مش داية ..ولا حتى دكتورة نسا) ...الدالة تولد أرقام عشوائية ..

واحد فتك هيقولي طيب ما فيه دالة اسمها Randbetween بتعمل اللي بتقول عليه وبتولد أرقام عشوائية بين رقمين ..

الكلام صحيح ، لكن عيب الدالة دي ، اللي عملتها مايكروسوفت إنها بتولد أرقام عشوائية لكن الأرقام بتتكرر !! ..كان ممكن يضيفوا ليها إضافة ...بس مخدوش بالهم

المهم الدالة بتاعتنا النهاردة ..بتعمل نفس الكلام ، لكن مع اختلاف إن الأرقام بتكون غير مكررة (فريدة) ..كدا إنتو عرفتو فريدة ..

بس عشان نقدر نستخدم الدالة لازم نتعامل معاها بشكل مختلف غير اللي اتعودنا عليه ، إحنا اتعودنا نكتب المعادلة ونسحب ..هنا الوضع (لا أقصد وضع الجنين) أقصد وضع كتابة المعادلة مختلف تماما عما تعودنا ..

في المرفق شرح لكيفية تطبيق الدالة

أترككم مع الملف ، كما أترككم في رعاية الله وأمنه ..

تقبلوا تحيات فريدة (دي واحدة والله ولا أعرفها)

إلى لقاء ..دمتم بود

Random Integers Without Repetition UDF Function.rar

[Yasser Fathi Albanna]

بجد أعمالك كلها مبهرة وجميلة جدا جدا

سلمت يمينك أخى الفاضل ياسر

تقبل خالص تحياتى وتقديرى

[سليم حاصبيا]

دالة رائعة و الأروع من وضعها 

[أبو محمد عباس]

السلام عليكم ورحمة الله وبركاته

الاستاذ والاخ الحبيب ياسر خليل

اعمالكم في قمة الروعة والاروع اسلوب العرض المشوق

انا جربتها في36 صف  لثمان اعمدة حسب المواد للترقيم السري للدفاتر الامتحانية

وكانت تتغير جميع الاعمدة بمجرد ان اغير في خليه واحدة من اي عمود

عمل يستحق التقدير والاحترام كشخصكم الكريم

تقبلوا وافر احترامي وتقديري

[ابو جودى]

رائعة جداً

استاذ / ياسر خليل

بارك الله فيك و زادك علما

[ياسر خليل أبو البراء]

الأخوة الكرام

الأخ ياسر البنا

الأخ سليم حاصبيا

الأخ أبو محمد عباس

الأخ عمرو طلبة

بارك الله فيكم إخواني على مروركم العطر ، وزادت سعادتي بالاستفادة العملية منها ، أرجو الله أن يجمع بيننا في الفردوس الأعلى من الجنة ..

تقبلوا تحياتي