طريقة سهلة ومجربة لمشاركة قاعدة البيانات علي الانترنت بدلا من الشبكة الداخليه

[اشرف]

بسم الله الرحمن الرحيم

السلام عليكم اخواني الكرام الموضوع كيف يعامل مجموعة مستخدمين مع قاعدة البيانات من خلال الانترنت بدلا من الشبكة المحلية ( الداخلية ) لتباعد المسافات بين المستخدمين

الفكرة سهلة كنا بنجمع الاجهزة علي الشبكة المحلية عن طريق وسيط وهو اسلاك بتربط الاجهزة ببعضها خلاص بيقي عايزين وسيط غير الاسلاك

الوسيط هو موقع  وله برنامج هننزله عنوان الموقع   

https://my.zerotier.com/login

صفحة تحميل البرنامج

https://www.zerotier.com/download/

1 – نحمل البرنامج من صفحة التحميل

 

2 – نسطب البرنامج زي اي برنامج

نسيب البرنامج بقي كدة خلاص نروح الموقع ونسجل فيه

ندوس علي المربع الاصفر دي الصورة

طبعا احنا عضو جديد ندوس علي  ريجستر  زي الصورة   

                                     1                                                                          2

اذهب الي الايميل بتاعك وفعل العضوية

بعد ما تفعل العضوية هيدخلك علي الصفحة دي دوس علي نتوورك زي الصورة

من اول هنا بقي يبدأ الجد ركز مع الصور

 

اتبع الارقام الموجودة علي الصورة ونفذ الموجود بها وتوصل لرقم 3 وتضغط كما هو موضح بالصورة هيدخلك علي الصورة اللي جاية  -- دي صفحة اعدادات الشبكة بتاعتك اتبع ما جاء بالصورة

انسخ الرقم وضعه كما في الصورة القادمة

 

كدة شبكتك تمام وجاهزة للشغل

بس فيه سؤال هو كل واحد من المستخدمين هيعمل الدوشه دي كلها ؟؟؟

الاجابة : لا طبعا دي انت بس علشان انت صاحب الشبكة

اما المستخدمين يعني الاجهزة التانية يا دوب هيسطب البرنامج ويحط الرقم اللي انت اديتهوله

وهو بالنسبة للشبكة دي اللي عملناها دلوقت 885033839097d605

وكل شبكة طبعا ارقامها بتختلف عن غيرها

أي واحد هيسطب البرنامج ويضيف الرقم ده في مكانه مثل الصورة وانا اقبله من عندي يبقي مشترك معايا علي الشبكة وممكن احذفه واضيف غيره يعني الاضافة والحذف براحتك

سؤال تاني

هو كام جهاز ممكن يشتركوا في الشبكة بتاعتي ؟

طبعا لان حضرتك عضو مجاني عندهم لك تضيف لغاية 100 جهار بعد كدة بفلوس  طبعا انت مش محتاج  كل ده المشاريع الصغيرة اللي عندنا يا دوب من 3 : 10 اجهزة يعني انت تبعنا في ابو بلاش

-------------------------------------------------------------------------------------------------------------------------------------------------------------

كدة اللي فاضل نجهز قاعدة البيانات   ونقسمها   ونشيرها

نفتح قاعدة البيانات بتاعتنا

حدد مكان التقسيم في جهازك وخلاص اتقسمت اصبحت جزء باسم قاعدة البيانات لو اسمها مثلا ( اشرف ) والجزء الثاني

اشرف ) وهو ده اللي فيه الجداول ده هو اللي هيتشير فقط  _be (

يفضل اعدادات الشير – شوف يا باشا دي سهلة بس ركز مع الصور

في جهازك روح علي

Control Panel

Network and Internet

Network and Sharing Center

Advanced sharing settings

تلاقيها بالشكل ده

يفضل ازاي نشير قاعدة البيانات

اول حاجة نضع جزء الجداول في مجلد ونسميه اي حاجة ثم نضغط كليك يمين علي المجلد ونختار

Give access to

Specific people

 

 

 

بكدة يبقي احنا شيرنا الملف اللي فيه الجداول نعطي بقي نسخة من الجزء الثاني من قاعدة البيانات للاحهزة المراد ضمها للشبكة وكل مستخدم يعدل مسار الجداول المرتبطة علي مكان الشير في جهازك اللي يعتبر سيرفر

للتجربة انا مشير نموذج علي جهازي اللي عايز يجرب

اولا يحمل البرنامج ويسطبه كما في الصور اعلاه

ويضع الرقم

885033839097d605

وانا ان شاء الله هقبل اضافته للشبكة اللي عملناها دي ولما اقبله جهازي هيظهر عنده باسم اشرف 

ويحمل النموذج من الموضوع هنا  ونتواصل مع بعض علي القاعدة دي عن بعد و يمكن من بلاد مختلفة لتوضيح الفكرة

ولمعرفة سرعة استجابة القاعدة في التعامل

وذلك بعد العاشرة مساء بتوقيت القاهرة او لما تلاقيني متواجد بالموقع ولمدة يومين فقط للتجربة بعدها ساغلق الشبكة 

 

ملاحظة : الجهاز اللي متشيره عليه الجداول يعتبر زي سيرفر يعني لو مغلق او النت مفصول فلا يمكن التواصل

انتهي الموضوع اتمني ان يعجبكم

اسف علي الاطالة لكن كان لازم التفصيل احتراما وتقديرا لطلب الاساتذة 

(  حلبي - Barna - أحمد الفلاحجى - الأمير هشام )

واي استفسارات انا معاكم ان شاء الله

 

اشرف.accdb

تم تعديل يونيو 1, 2020 بواسطه اشرف

[أبوبسمله]

اخى واستاذى العزيز @اشرف جزاك الله خيرا عالشرح الوافى والبسيط

قمت بالتحميل وادخال الرمز وتم انزال المرفق للتجربه معك

فى انتظار القبول

[اشرف]

السلام عليكم اخي احمد شرفني مرورك

تم  وظهر جهازك عندي

 

تم تعديل مايو 31, 2020 بواسطه اشرف

[أبوبسمله]

2 دقائق مضت, اشرف said:

السلام عليكم اخي احمد شرفني مرورك

تم لو ظهر جهازي عندك عرفني

 

وعليكم السلام اخى اشرف

اين سيظهر الى الان لم يتم الربط ؟

شوف الصوره دى اخى @اشرف

[اشرف]

ظهر عندي هذا الجهاز

[أبوبسمله]

ايوه ظهر عندى تمام فى النتورك

تم الاتصال واضافه سجل

[اشرف]

اضف سجل جديد به بيانات وراي

[أبوبسمله]

2 دقائق مضت, اشرف said:

اضف سجل جديد به بيانات وراي

تم اضافه السجل اخى اشرف

[اشرف]

تابع ردي عليك في قاعدة البيانات كدة شغالة تمام بين بني سويف ودمياط 

اخبار السرعة في التعامل ايه

 

[أبوبسمله]

2 دقائق مضت, اشرف said:

تابع ردي عليك في قاعدة البيانات كدة شغالة تمام بين بني سويف ودمياط 

اخبار السرعة في التعامل ايه

 

رائع والشكر لله ثم لك السرعه معقوله بالنسبه لى مع النت السلحفه بمصر ههههههههههههه

جزاك الله خيرا 💐

[الحلبي]

ما شاء الله يبدو انى حضرت متأخرا 

عموما بارك الله فيك استاذ / اشرف وعدت ووفيت بوعدك 

باقى لى ان اجرب معك ومع الاستاذ / احمد ابو بسملة 

ولان مشغول بعض الشئ سوف اجرب غدا ان شاء الله

[اشرف]

44 دقائق مضت, حلبي said:

ما شاء الله يبدو انى حضرت متأخرا 

عموما بارك الله فيك استاذ / اشرف وعدت ووفيت بوعدك 

باقى لى ان اجرب معك ومع الاستاذ / احمد ابو بسملة 

ولان مشغول بعض الشئ سوف اجرب غدا ان شاء الله

تشرف وتنور في اي وقت لقد شرفتنا بمرورك الكريم

[الأمير هشام]

اجرب و ابلغ حضرتك

[الحلبي]

استاذنا / @اشرف

انا قمت بعمل جميع الخطواط السابقة واليك صورة اخر شئ وصلت اليه ومرة واحدة توقفت مش عارف اروح فين او اعمل ايه 

ماذا افعل بعد ذلك ارجو التوضيح لى  

[اشرف]

6 ساعات مضت, حلبي said:

استاذنا / @اشرف

انا قمت بعمل جميع الخطواط السابقة واليك صورة اخر شئ وصلت اليه ومرة واحدة توقفت مش عارف اروح فين او اعمل ايه 

ماذا افعل بعد ذلك ارجو التوضيح لى  

السلام عليكم اخي الفاضل حلبي

اسف علي التاخر في الرد ولكن الانترنت عندي كان مفصول طول النهار يا دوب لسه جاي حالا

حضرتك نزلت البرنامج وسطبته علي جهازك 

شغله هتلاقي ايقونته تحت جنب الساعة دوس عليها وواضغط علي join network

واتبع ما في الصور دي وعرفني لو فيه حاجة

 

 

 

[الحلبي]

استاذى الفاضل / @اشرف

فتحت البرنامج وظهرت ايقونة البرنامج بجانب الساعة وضغطت عليها وفعلا ظهرت  join network وادخلت الرقم الخاص بى ولكن لم تظهر معى الصفحة التالية التى بها خمس خطواط والتى بها الرسالة

وقمت بعمل ذلك اكثر من خمسة او ست مرات ولم تفتح معى الصفحة التالية

[اشرف]

استاذنا الفاضل حلبي

بعد ما دخلت الرقم وعملت علامة الصح في الثلاث خانات وضغطت علي join

تسظهر لك رسالة في الجنب اليمين من الشاشة فيها  yes - no وضغطت yes

خلاص سيب ده وروح علي صفحة النت بتاعه zero tier 

اللي انت باعت صورتها انزل لاسف الصفحة هتلاقي جهازك ظهر فيها اعمل علامة صح في المربع وهتلاقي جهازي برضوا موجود انا حطيت الرقم بتاعك اعمل صح برضوا 

 

[عفرنس]

الاستاذ @اشرف استفسار .. 

الموقع الذي تستخدمه Zerotir ماذا عنه من ناحية الأمان .. 

لأن البيانات الموجودة في قاعدة البيانات اللي تبعي تكون حساسة .. 

يا ليت تفصل لنا .. 

[اشرف]

8 دقائق مضت, فايز.. said:

الاستاذ @اشرف استفسار .. 

الموقع الذي تستخدمه Zerotir ماذا عنه من ناحية الأمان .. 

لأن البيانات الموجودة في قاعدة البيانات اللي تبعي تكون حساسة .. 

يا ليت تفصل لنا .. 

 اخونا فايز..

ما دمت اتبعت الصور وعملت الاعدادات علي بريفت PRIVATE محدش هيدخل علي بياناتك غير اللي انت بعتلهم الرقم بس ووافقت عليهم بعلامة الصح 

اما الموقع هو بس علشان يعمل شبكة قاعدة البيانات عندك انت مش عندهم

تم تعديل يونيو 3, 2020 بواسطه اشرف

[الحلبي]

انا متاسف جدا لم تظهر الرسالة فى الجنب اليمين او الشمال

 

 

[الحلبي]

هل حضرتك ترى جهازى الان بعد ما قمت بالاضافة

[اشرف]

5 دقائق مضت, حلبي said:

هل حضرتك ترى جهازى الان بعد ما قمت بالاضافة

لا

يمكن فيه عندك مشكلة في نسخة الويندوز لان اخونا الفلاحجي ظهر بمجرد اضافته للرقم

تم تعديل يونيو 3, 2020 بواسطه اشرف

[الحلبي]

عموما انى اتاسف لك للمرة الثانية لانى شغلت معى وتعبتك

وسوف احاول وان وصلت لحل سوف اخبرك 

واشكرك على المواصلة وجهدك معى جزاك الله كل خير

[اشرف]

11 دقائق مضت, حلبي said:

عموما انى اتاسف لك للمرة الثانية لانى شغلت معى وتعبتك

وسوف احاول وان وصلت لحل سوف اخبرك 

واشكرك على المواصلة وجهدك معى جزاك الله كل خير

اخي الفاضل 

مفيش تعب ولا اي حاجة انت عارف احنا ف حظر يعني قاعد ف البيت مبعملش حاجة يعني فاضي تماما 

[الحلبي]

اشكرك 

معلش اعذرنى هل الرقم الذى ادخله  فى join network  هو الرقم 159924d630065361