محتاج حل مشكلة ربط ملفين ومشاركتهم على الشبكة

[AhmedSaeed01]

السلام عليكم ورحمة الله 

قمت بربط عدد من الملفات موجودين فى فولدر واحد وعملت اتصال بينهم ولما بشير الفولدر بحيث كل مستخدم يفتح الفولدر الخاص به. واجهت مشكلة فى التحديث يعنى لما بضيف بيانات على الشيت الاساسى بحيث يظهر لكل المستخدمين، التحديث مش بيظهر فى وقتها لازم المستخدم اللى فاتح ملف فرعى يقفل الملف ويفتحه تانى علشان تظهر البيانات الجديدة. وأحيانا ببقى مضطر اقفل الشيت الرئيسى. جربت كل الاعدادات والربط اللى معمول هو انى نسخت نطاق معين فى الشيت الاساسى ووضعته فى الملفات الفرعية عن طريق لصق ارتباط. ومن تبويب اتصال حددت اتصال بملف موجود على هذا الكمبيوتر واخترت الملف الرئيسى وورقة العمل اللى فيها البيانات. وفى الشيت الفرعي عملت كده. وكمان عملت اكتر من اختيار ان الملف يكون على جهاز كل مستخدم وحدد فى الاتصال ان الملف موجود على الشبكة. وعملت تحديث فى الخلفية وتحديث عند فتح الملف وتحديث كل دقيقة، بردو مافيش حاجه نافعه لازم اقفل الملف الفؤعى وارجع افتحه علشان تظهر التغيير اللى تمت ويحدث الربط. مع العلم انى لما بفتح الملفين مع بعض التحديث بيتم عادى فى نفس اللحظة لكن لو الملف الرئيسى مفتوح على جهاز وملف فرعى مفتوح على جهاز لازم الجهاز الفؤعى يقفل الملف الخاص بيه ويرجع يفتحه علشان يشوف البيانات الجديدة. اسف على الإطالة وأرجو يكون فيه حل للمشكلة. 

شكراً لحضراتكم وجزاكم الله خير