سلسلة دروس الترحيل عبر فورم

[عبدالله باقشير]

السلام عليكم

الشكر واصل لجميع المشاركين

الاخ / ابو هاجر المصري --------------حفظه الله

اريدك ان ترى هذا الموضوع :

http://www.officena.net/ib/index.php?showtopic=26690

وفيه كيفية تجميع عناصر الفورم في متغير جدول

للتحكم في العناصر كسلسلة متتالية

[أبو هاجر المصري]

أشكرك اخي خبور على الرد

لكن تظل المشكلة في اني معنديش تكست انا موجود عندي تكستات وكومبوبوكسات وغيره يعني باختصار غير اللي الشرح قائم عليه

الشرح قائم على ان الجميع تكست وبترتيب ارقامه علاوة على نقله لنفس الصفحة

انا عايز اعرف ايه فكرة الترحيل

عايز ارحل كومبوبوكس برقم معين الى الصفحة وكومبوبوكس تاني الى الصفحة

انا رحلت آه على صفحة معينة دي مفيهاش مشاكل

لكن اكواد الترحيل بصراحة عايز افهمها

او ترسلوا لنا كتاب عن طريقه نعرف عملية الترحيل كيف تتم تحديدا

وجزاكم الله كل خير

[أبو هاجر المصري]

خلاص باختصار يا عم خبور خلينا نجرب في الملف بتاعي

يعني حذفت طبعا الاسماء منه وعدلت شوية يمكن قوائم منسدلة لا تعمل او شئ

عموما عملت للملف فورم لكن تعبان خالص ومحاولتش احسنه لمشكلة الترحيل اصلا

لكن اريد ان أعمل فورم ادخال يكون فيه التالي :

1- يتم الترحيل الى صفحة القيود .

2- رقم القيد لا يتغير فقط للعرض في الفورم .

3- بحث في الفورم ( عن رقم القيد او تاريخ معين او ما بين تاريخين او اسم حساب او مبلغ معين )

4- تعديل وإضافة ... اي انه زر جديد للإضافة أو التعديل على قيد سابق

وجزاك الله خيرا

وكده هتعلم الترحيل على ما اعتقد يعني

________1.rar

[الجزيرة]

أخي القدير الكريم عبد الله

كم نعجر عن الشكر لما تقدمه لنا من روائع متجدده ومبتكره

فقط نسأل الله العزيز الحكيم أن يمتعك بالصحة والعافية وصلاح الذرية

أخوك / أبو عبدالله

[عبدالله باقشير]

السلام عليكم

الاخ ابوهاجر ----------حفظه الله

اخي لامشكلة اطلاقا في نوع العنصر ان كان تاكست اوغيره

عليك ان تسمي العنصر ما شئت ملحوقا برقم التسلسل

علشان تستخدم هذا التسلسل في الترحيل

مثلا سمي العنصر الاول kh_1

العنصر الثاني kh_2

وهكذا لباقي العناصر

انظر الى المرفق فيه توضيح ما ذكر

مع الترحيل الى اليومية

=======================

اخي ابوعبدالله ----------حفظه الله

تقبل تحياتي وشكري

____________.rar

تم تعديل فبراير 9, 2009 بواسطه خبور خير

[أبو هاجر المصري]

عارف يا استاذ خبور ايه المشكلة فعلا

ان الواحد بيتعلم من غير معلم يعني عايز اعرف كل حاجة لوحدي

اهو موضوع تسمية الاوبجيكت اصلا مكنتش عارفها

يعني اقدر اسمي تكستات وكومبوبوكس باي اسم دي مكنتش عارفها خالص

علشان كده بأكد على ان مواضيع الفيجوال بيسيك وعلاقته بالاكسيل لازم واحد فيكم يا اساتذة يا كبار يشرحه او يعمله في ملف لوجه الله ويتاح للجميع ده يفرق كتير

اما بخصوص الملف اتعلمت منه كتير وأدى الغرض كالعادة وتسلم ايديك يا استاذ (( خبور كل الخير ))

وجزاك الله كل خير ان شاء الله

[أبو هاجر المصري]

السلام عليكم أخي خبور

مش عارف ليه لما طبقت على شغلي ممشيش الحال كويس

عامة بيقف تنفيذ الترحيل وبيعلم على myco في المعادلة التالية

[كود] .Cells(ENDROW, R + 2).Value = Me.Controls(Myco®).Value

[/كود]

عايز اعرف دي تعني ايه وليه المشكلة دي عندي

وشكرا لك استاذنا الفاضل

تم تعديل فبراير 10, 2009 بواسطه أبو هاجر المصري

[أبو هاجر المصري]

المشكلة كبيرة جدا ؟؟؟

طبعا مش القصد خالص بس للرفع

ههههههههههههه

هي غلاسة بغلاسة وشكلي بقى بايخ بس عايز تخلص مني خلصني وخلاص

تم تعديل فبراير 10, 2009 بواسطه أبو هاجر المصري

[أبو هاجر المصري]

إممممممممممممم

طب اي حد فاضي وعارف الطريقة يرد طيب

[عبدالله باقشير]

هل استخدمت تعريف المتغير ؟؟؟؟؟؟؟؟؟؟؟؟؟؟

Dim Myco(1 To 7)

في اول صف لموديل الفورم =============================== مثل ما استخدمته انا في ملفي

Dim Myco(1 To 7)
Private Sub CommandButton1_Click()
Dim R As Integer, ENDROW As Integer
With ورقة2
    ENDROW = .Range("C" & .Rows.Count).End(xlUp).Row + 1
    For R = 1 To 7
        .Cells(ENDROW, R + 2).Value = Me.Controls(Myco(R)).Value
    Next R
End With
MsgBox "تم الترحيل"
End Sub
Private Sub CommandButton2_Click()
End
End Sub

Private Sub UserForm_Activate()
For R = 1 To 7
    Myco(R) = "Kh_" & R
Next
End Sub

[أبو هاجر المصري]

غلبت في المحاولة

المسميات نفس اللي انت مسميها والشيت خليته نفس الاسم وكل شئ والكود من اوله لاخره والسطر اللي بتقول عليه في الاول وكل شئ

لكن الخطأ تغير بعد كتابة السطر الاول واصبح كالتالي :

run time error 438

ما هي المشكلة اذن

[عبدالله باقشير]

السلام عليكم

طيب ارسل ملفك هنا او على ايميلي الملحق بالتوقيع

لنرى اين تكمن المشكلة

[أبو هاجر المصري]

هو لما انا نقلت الفورم كامل على ملفي اشتغل

بس لما حاولا انا اعمله مشتغلش

على العموم تشكر جدا يا استاذنا ربنا يخليك يارب

بس اطلب طلب كتييييييييييييييييييييييير طلبته منك

تشرح الترحيل والاكواد اللي فيه

عارف ان وقتك ضيق بس لاني عايز افهم الترحيل بالكود او اسألك حتى على اكواد معينة حتى ولو على الماسنجر

انا بشتكيك لنفسك