بعض التعديلات فى اكسيل 2010

[عمرو مجدي]

السلام عليكم ورحمة الله وبركاته

اوفيس 2010 جميل جدا هو اسهل فى التعامل كمان من 2007

يعنى عندك فى الاكسيل لما كنا بناخد كوبى من اى شيت اكسيل تانى وبقى عايزين نعمل بست اسبيشيال كنا بندوس بست اسبشيال تظهرلنا ويندو صغيره فيها الاوبشنز اللى احنا عايزينه نختارة وندوس اوك, لكن دلوقتى هتلاقيها جاهزة قدامك اول ما تدوس كليك يمين هتلاقى لو انتا عايز تنسخها على انها رقم او على انها معادله وبقيت الاختيارات كمان, ومش كده وبس لا هتلاقيها كمان بمجرد انك تقف عليها بس هيعرضهالك فى على الشكل اللى هتبقى عليه.

والجديد كمان انك ممكن تاخد اللى انتا عايز كوبى وتنسخه على انه صورة ولينك كمان يعنى لو عدلت فى الاصل تتعدل معاك فى المكان الجديد.

وفى حاجه فى الورد والاكسيل تخليك تعمل سكرين شوت من على اى حاجه انتا فاتحها يعنى برنامج او صفحة نت او حتى سطح المكتب واول لما تختار سكرين شوت ينقلك على طول للصفحه اللى هتاخد منها الصورة ويديلك الخيارات ان انتا تختار الجزء اللى انتا عايزه من الشاشه وبشكل سهل جدا.

دى شوية حاجات بسيطه عن البرنامج عجبتنى وحبيت انقلها للافاده

يعنى من الاخر البرنامج جامد اخر حاجه وسهل كمان اخر حاجه

ونصحتى الكل يجربه لانه يستحق التجربه انا شغال بيه بقالى شهر تقريبا وعجبنى جدا

[دغيدى]

الأخ / meroo troubles

السلام عليكم ورحمة الله وبركاته

تحية طيبة وبعد

برجاء المزيد من الملاحظات لتعم المنفعة

** برجاء أن تدلى على رابط سهل لتنزيل أوفيس 2010 لأننى لم أتمكن من تنزيله من موقعنا الوليد

تقبل تحياتى

** جمال دغيدى **

[a7mad7assan]

السلام عليكم ورحمة الله ارجو ان تكونو جميعا بخير حال ارجو افدتي بالاتي

كيف يتم التحكم في صفحة الطباعة بسرعة في اكسل 2010 وايضا كيف اظهر المسطرة و الهوامش وشكرا

[بدوي من الصحراء]

مشكور يا الطيب

هناك سوال محيرني في 2007

كيف يمكنني وزن صفحة الطباعة لكي يظهر الجدول تمتام في الطباعة