مساعدة فى قائمة منسدلة بالمعادلات تتغير حسب محتوى خلية ( تطوير لكود الاستاذ ياسر خليل)

[عادل ابوزيد]

اساتذتى الكرام

للاستفادة تم طرح الموضوع فى موضوع جديد للاستفادة حيث تم عمل المطلوب بالاكواد للاستاذ ياسر خليل وتم تطوير لشمل الخليتين وليس خليه واحدة ( الخليه الاساسية ثم الخلية المراد تغيير محتوياتها )

Product List For Each Clientمعدل.rar

[ibn_egypt]

أخى الفاضل أ.عادل

 

جزاك الله خيراً لمشاركتنا هذا الملف الرائع ... شكرا لك والشكر موصول للأستاذ القدير ياسر خليل لهذا الكود الرائع

 

تحياتى وتقديري لكما  

[عادل ابوزيد]

استاذى العزيز الغالى ابن مصر الغالى

لا شكر على واجب انما هى بضاعتكم وردت اليكم .. وفى انتظار الحل بالمعادلات

انار الله لك بصيرتك وقلبك وهداكم الله وايانا لما ينفع الناس

[ibn_egypt]

استاذى العزيز الغالى ابن مصر الغالى

لا شكر على واجب انما هى بضاعتكم وردت اليكم .. وفى انتظار الحل بالمعادلات

انار الله لك بصيرتك وقلبك وهداكم الله وايانا لما ينفع الناس

حبيبي أ.عادل

 

معادلات ايه بس .. انا من الناس اللى بتكره شغل المعادلات جدا جدا وبحس ان الكود اسهل وأفضل .. عامة كان فيه ملف عندي من فترة فيه القصة دي وانا حاولت انفذ زيه في شغلك طلع بالشكل ده .. طالعه كويسه جدا بس فيه ( صفر بيطلع كده لو بعض الخلايا فارغة ) .. عامة ننتظر اللمسة الأخيرة من أساتذة المعادلات أ.جمال عبد السميع أو أ.سليم

 

تحياتي  

List+Equations.rar

[ياسر خليل أبو البراء]

أنا أوافق أخي الغالي بن مصر الرأي

يعني عشان الشغلانة بتاعتك فيه أعمدة مساعدة ونطاقات وشغل معادلات .. الكود أخف وأسهل ..

ويلا يا أستاذ عادل زيادة الخير خيرين

[عادل ابوزيد]

للرفع

[الخالدي]

السلام عليكم ورحمة الله وبركاته

الحل المرفق بمعادلات صفيف

في امان الله

Product List For Each Clientبالمعادلات.rar

[ياسر خليل أبو البراء]

بارك الله فيك أخي الحبيب وأستاذي الكبير الخالدي

هذا ملف متواضع لا يقارن بملفك طبعا كنت قد أعددته بالمعادلات (ابسط يا أخ عادل . عندك حلول بالمعادلات وبالأكواد ..عشان متقولش حارمينك من حاجة بس)

الأسماء والماركة بدون فراغات وبدون تكرار وبدون أصفار ..

Product List For Each Client Formulas YK.rar

[عادل ابوزيد]

الاستاذ الكبير المحترم الفاضل الخالدى

وحشتنا فتواجدك معنا قليل ولكن باعمالك تظل دائماً معنا فدائما بستمتع باعمالك .. جعلها الله فى ميزان حسناتك ونفعك بها فى الدنيا والاخرة

الاستاذ الكبير اوى العزيز ياسر خليل

قمة فى الجمال والروعة اعمالك دروس نسير بها فى دروبنا زادك الله من علمه وفضله واحسانه وبارك الله لك وفيك .. عندى استفسار الدالة _xlfn.IFERROR لا تتفق مع اصدار 2003 فهل من بديل

[ياسر خليل أبو البراء]

يا حاج عادل .. أنا عامل مقاطعة لـ 2003 من سنة 2007 ، أعتقد إنك لازم تحدث نفسك .. فيه كام أوفيس نزل عليه : 2007 و 2010 و 2013 وقريب أكيد هينزل إصدار جديد ..

خليك مع الجديد أفضل .. أنا نفسي أعرف سر تمسكنا بـ 2003 .......!! حاجة تجنن

[عادل ابوزيد]

يا استاذى اجعلنا الوسيلة التى تصل بها الرحم ولا تقاطع 2003 .. ده راجل كبير ولا تقاطعه

2003 له عزيز عندى جددددددددددددددا .. قولى ليه ..... ما سمعتش بتقول ليه ... ماشى

فى سنة 2004 وبحد الله تم انجاز البرنامج الاول لى وكان و مازال التحدى الكبير لى شخصيا قولى لماذا ؟ فهذا البرنامج يعد وبلا فخر اقوى برنامج تم تصميمه لانجاز الاعمال فيما يتعلق بعملى وده اللى جعلنا متمسك به وخايف جدددددددددددا من تغيير الاصدار ... اصدقاء كتير حاولوا يقنعونى ولكن حرصى على شغلى ( الزايد ) ماخلينى لا املك هذه الجراءة للتطوير .. بالاضافة انى نفسياً مش متعود على شكل الاصدارات الاحدث رغم انها ممكن تكون سهله اكثر بس هى عملية نفسية وانا عارف كده كويس وطبعاً البرنامج بتاعى رابطنى فى هذا الاصدار ... صعبت عليك صح .. انا عارف انه صح .. يااللاه رد على سؤال لو سمحت ايه بديل الداله  _xlfn.IFERROR فى اصدار 2003 اعتقد انها ifiserr

لو صح ممكن تطبقها على الملف

[ياسر خليل أبو البراء]

جرب الملف التالي (مش عارف ايه ظروفك معاك ..جرب وأخبرني بالنتيجة)

Product List For Each Client Formulas YK.rar

تم تعديل ديسمبر 10, 2014 بواسطه YasserKhalil

[الخالدي]

السلام عليكم ورحمة الله وبركاته

بارك الله فيك اخي الاستاذ / ياسر خليل

جزاك الله خيرا على الحل الرائع بالمعادلات والاكواد

وايضا الشكر لأخي الفاضل الاستاذ / عادل ابوزيد

وجزاك الله خيرا وتقبل الله منا ومنكم صالح الاعمال

ولإثراء الموضوع

معادلات الملف المرفق تقوم بالترتيب الابجدي للأسماء وبدون فرغات او تكرار

في امان الله

Product List For Each Clientبالمعادلات مرتب ابجديا.rar

[عادل ابوزيد]

استاذى الكريم النشيط ياسر خليل

تلميذك حاول تطبيق المعادلة على 2003 برجاء تصحيح الخطأ

استاذى الكبير الراااااااااااااااااااائع الخالدى

تلميذك حاول معالجة ظهور الصفر برجاء النصيحه

تتغذى الابدان بالغذاء وتتغذى العقول بعلمكم الغزير افاض الله عليكم بعلمه ونوره

Product List For Each Client Formulas YKبعد تعديل المعادلة.rar

Product List For Each Clientبالمعادلات مرتب ابجديا_بدون_صفر.rar