برنامج بسيط -ربط الفيجوال بيسك بالاكسيل رائع وتوفير الحماية

[ياسر العربى]

بسم الله الرحمن الرحيم

ارجوا من الاخوة والاساتذة الكرام تجربة هذا الملف واخباري بالنتيجة هل يعمل بدون مشاكل ام يوجد مشاكل بالملف

البرنامج لمراقبة حركة الاصناف  من صرف واستلام 

والرصيد النهائي لكل صنف

 

مصمم بالفيجوال بيسك وقمت بتحويل المعادلات لتعمل مع الفيجوال

طبعا شوية معادلات محدودة ليس  الا

كل ما احتاجه هو الالمام بمعظم دوال ومعادلات الاكسيل برمجيا

حتى اتعامل بها مع الفيجوال بيسك

طبعا للجماعه اللي بتقول الحماية علي معادلاتي وشغلي اظن كدا بقت محمية كويس 

ملف الاكسيل ليس الا قاعدة بيانات فقط

وكل معادلاتنا داخل الملف التنفيذي للفيجوال

اينعم اعرف بعض طرق لاعادة سورس كود البرنامج ولكن يوجد برامج تشفير كتيررررر لحماية الملف من هذه المواضيع

ارجو ان يعمل البرنامج بنجاح معاكوا وميحرجنيش معاكو

ارجو التقييم

اخوكم    ياسر العربي

vb6-excel.rar

[أنس دروبي]

السلام علكيم 

أخي وحبيبي ياسر العربي بارك الله فيك على البرنامج القيم والمتميزيعمل بنجاح عندي 

ويندوز 8.1 اصدار 64 bit  ونسخة اوفيس 2010 32bit 

ولكن اخي أذا كانت هذه البرامج تقوم ببرمجتها لكي تكون منتج لك تقوم بتسويقه 

تحتاج الى تعديلات في تصميم الواجهات والايقونات لكي تكون مواكب العصر في مجال التصميم والصور 

أثبتت دراسة علمية حديثة أن البرنامج عندما يكون متناسق الالوان مع بعض ككل يكون المستخدم قادر على التعامل معه بشكل افضل

كثير مننا نقوم بتثبيت برامج كبيرة في مجالها ولكن عند فتحها لاتأتي لنا المزاج والنفسية للتعامل معها وذلك من تعقيدها ولعدم تناسق الالوان والايقونات والتصميم ككل وهو يعتبر قيم جداً في مجاله

بارك الله فيك مرة أخرى هذا رأيي المتواضع ليس الإ لاأفرضه عليك وإنما نسعى أن تكون البرامج  العربية في المستوى الاحترافي والأفضل حول العالم 

 

[ياسر خليل أبو البراء]

أخي الحبيب ياسر العربي

بسم الله ما شاء الله ...رائع بحق

إحنا كدا مضطرين نقعد على المصطبة بتاعتك عشان نتعلم منك الفيجوال بيسك 6 .. يا ريت إذا كان وقتك يسمح ، تبدأ دورة فيها بس تبدأ من قبل البداية ..

تقبل وافر تقديري واحترامي

[بكار للأبد]

استاذ بحق وتملك خبرة رهيبة - ادامها الله عليك وزادك في العلم بسطة

[ياسر العربى]

 

هههههههههههههههههههههه

اولا اعتذر 

للاخ انس اني جيت ارد  عليه محمد ابني

خلاني اعمل فيه تقرير ههههههه

ياريت الموضوع ميكنشي في ضرر

 

المهم

الاخ الغالي انس دروبي شاكر مرورك الكريم

والبرنامج دا ما هو الا مثال بسيط تم انشائه في وقت قصير

وربنا يكرمنا وابقي ملم بمعادلات  ودوال الاكسيل

حتى اتعامل مع الفيجوال بيسك بحريه كبيره

ولانشاء برامج يعتمد عليها

وموضوع اللمسات دا

هوريك التاتش المصري

اخي الغالي ابو البراء

ياعم احنا  بس نطول نقعد قدام عتبة بيتكوا بس

وشكرا حبيبي

وربنا يكرمني وابقي ملم بالموضوع دا حتى افيد الجميع باذن الله

 

 

[ياسر العربى]

استاذ بحق وتملك خبرة رهيبة - ادامها الله عليك وزادك في العلم بسطة

مشكوررررر حبيبي الغالي

زادك الله من علمه ونفعك وايانا العلم والعمل الصالح

[إبراهيم ابوليله]

اخى ياسر العربى

الفكره جميله جدا

وزى مقال اخونا ياسر خليل

عايزين موضوع مستقل

للاستفاده

تقبل تحياتى

[أسامة البراوى]

السلام عليكم

موضوع ربط الاكسل بالفيجيوال موضوع جميل.

بس انا ليا وجهة نظر من خلال خبرتى فى التعامل مع الموضوع ده وهو ان الإكسل ليس هو الحل الامثل للتعامل مع الفيجيوال كقاعدة بيانات فهناك العديد من قواعد البيانات اسهل منه فى التعامل واقربها الى منتدياتنا هنا هو الأكسيس ويمكن الاستعانة فى تلك المرحلة بالاكسل كمستعرض جيد للتقارير وده كنت عملته قبل كده فى برنامج خاص قاعدة بياناته أكسس وتقاريره على الإكسل والورد بصراحة التعامل مع الفيجوال وبخاصة فى المواضيع اللى بتتعامل مع بيانات كتيره وكذلك تعدد المستخدمين فى نفس الوقت اريح بكتير.

وانا بتراودنى نفس الفكرة اللى طرحها الأستاذ العزيز ياسر ابوالبراء ولكنها فكرة قسم جديد هنا فى المنتدى للفيجوال دوت نت (مستقل عن الاكسل) وحاليا مايكروسوفت منزلة الاصدار 2015 مجانى لكن القسم ده طبعا محتاج متخصصين ومحترفين لمساعدتنا فيه الا إذا بدأنا كلنا مع بعض نتعلم ونزود بعض .... على فكره كل اللى عنده فكرة عن الفورم والبرمجة فى الاكسل ممكن يبدأ بسهولة لانها نفس الفكرة لكن الجديد هو عندما نتعامل مع البيانات هنحتاج شوية أكسس وشوية SQL ,

وكمان لما ها يبقى القسم مستقل هايكمل بزيارات خبراء من قسم الاكسس يساعدونا ونتعلم كلنا    

 

لو موافقين على القسم ده خلونا نرفع للادرة رغبتنا فى فتحه ونبدأ مع بعض نتعلم ونتعاون فى تنمية مهاراتنا مع بعض واظن انه هيكون مفيد للجميع.

 

تم تعديل أكتوبر 22, 2015 بواسطه أسامة البراوى

[ياسر العربى]

اخي الغالي اوافقك الرأي في ربط الفيجوال بالاكسيل ليس بكفاءة الاكسس والاس كيو ال ولكن نحن في قسم الاكسيل الا يحتاج من يستخدم الاكسيل لمعرفة الربط بالفيجوال خصوصا ان ملف الاكسيل اقل حماية لمعادلاتك واكوادك  ولحماية ملف نحوله لملف تنفيذي وكلام كدا ملوش اي تلاتين لازمة   اما اذا نفذنا مثل المثال المرفق  فهو أمن من ملف اكسيل به كل شغلنا  اما بخصوص قسم خاص بالفيجوال فا دا اقتراح  في محله  وياريت  يكون قسم رئيسي   ويسمي لغات البرمجه  ويندرج تحته  فيجوال بيسك ٦ ودوت نت   وسي  وربنا يكرمنا ونمشي خطوة خطوة مع بعضينا  ولما نتقن الفيجوال نزود بقيت لغات البرمجه   بس لغةالبرمجه المعنيه الان هي الفيجوال بيسك٦ حيث هي الاقرب  من برمجه الاكسيل vba  

 

[صلاح الدين المصلح]

بارك الله فيكم على الأفكار الجميلة والمبدعة.

[عبد العزيز البسكري]

السّلام عليكم و رحمة الله و بركاته

و ربّ الكعبة أوّل مرّة أشوف هذه التّحفة الفنيّة

كيف فاتتني .. فعلاً .. لا أعرف

عمل رائع  يفتح الشهيّة فعلاً لتعلم مثل هذه الكنوز

بارك الله فيك .. جزاك الله خيرًا و زادك من علمه و فضله

كم أتمنى تعلّم هذا ..

فائق إحتراماتي و إعجاباتي

 

 

 

[محمد عبد الناصر]

ما شاء الله شغل رائع
لو ممكن حضرتك تعمل لينا قرص للفجيوال بيزك تعليم للمبتدئين لان دورت على دروس كتير مش فاهم اى حاجه

 

[ا بو سليمان]

يا سلام عليكم   ارغب بدروس خصوصيه  لتعلم الفيجول بيسك

[ا بو سليمان]

في ٢٢‏/١٠‏/٢٠١٥ at 01:19, أسامة البراوى said:

السلام عليكم

موضوع ربط الاكسل بالفيجيوال موضوع جميل.

بس انا ليا وجهة نظر من خلال خبرتى فى التعامل مع الموضوع ده وهو ان الإكسل ليس هو الحل الامثل للتعامل مع الفيجيوال كقاعدة بيانات فهناك العديد من قواعد البيانات اسهل منه فى التعامل واقربها الى منتدياتنا هنا هو الأكسيس ويمكن الاستعانة فى تلك المرحلة بالاكسل كمستعرض جيد للتقارير وده كنت عملته قبل كده فى برنامج خاص قاعدة بياناته أكسس وتقاريره على الإكسل والورد بصراحة التعامل مع الفيجوال وبخاصة فى المواضيع اللى بتتعامل مع بيانات كتيره وكذلك تعدد المستخدمين فى نفس الوقت اريح بكتير.

وانا بتراودنى نفس الفكرة اللى طرحها الأستاذ العزيز ياسر ابوالبراء ولكنها فكرة قسم جديد هنا فى المنتدى للفيجوال دوت نت (مستقل عن الاكسل) وحاليا مايكروسوفت منزلة الاصدار 2015 مجانى لكن القسم ده طبعا محتاج متخصصين ومحترفين لمساعدتنا فيه الا إذا بدأنا كلنا مع بعض نتعلم ونزود بعض .... على فكره كل اللى عنده فكرة عن الفورم والبرمجة فى الاكسل ممكن يبدأ بسهولة لانها نفس الفكرة لكن الجديد هو عندما نتعامل مع البيانات هنحتاج شوية أكسس وشوية SQL ,

وكمان لما ها يبقى القسم مستقل هايكمل بزيارات خبراء من قسم الاكسس يساعدونا ونتعلم كلنا    

 

لو موافقين على القسم ده خلونا نرفع للادرة رغبتنا فى فتحه ونبدأ مع بعض نتعلم ونتعاون فى تنمية مهاراتنا مع بعض واظن انه هيكون مفيد للجميع.

 

يا سلام عليكم   نبغي نتعلم  ...من العباقرة  هنا ...

[ابوحمزه المصرى]

السلام عليكم ورحمة الله وبركاته .. اضم صوتى اليكم فى هذا الاقتراح الذى سينقلنا جميعاً الى الافضل بإذن الله تعالى

[ياسر العربى]

2 ساعات مضت, ا بو سليمان said:

يا سلام عليكم   نبغي نتعلم  ...من العباقرة  هنا ...

 

22 دقائق مضت, صلاح المصرى said:

السلام عليكم ورحمة الله وبركاته .. اضم صوتى اليكم فى هذا الاقتراح الذى سينقلنا جميعاً الى الافضل بإذن الله تعالى

اخواني بالفعل موجود الشرح داخل سلسة دروس الفيجوال

http://www.officena.net/ib/topic/65629-سلسلة-دروس-الفيجوال-بيسك-6-والاكسيل-من-علي-مصطبة-ياسر-العربي/

اذا انتهيتوا من هذا الشرح باذن الله نقدم جديد

[أبوبسمله]

تسلم يا ابو اسيل على الشغل ده

وجزاك الله كل خير على كل ما تقدمه لنا نعم ضع لنا جديد بالمسطبه علشان نتابعك معك ياغالى

وربنا يبارك لك فى اهلك ومالك ووقتك وعملك ورزقك من حيث لاتحتسب

تقبل تحياتى يا ابواسيل

 

[عبد العزيز البسكري]

السّلام عليكم و رحمة الله و بركاته

بارك الله فيك أخي الحبيب الغالي " ياسر العربي "

أنهينا مراجعة السلسلة يا أبا أسيل .. و ننتظر بشوق  .. جديدك .. بإذن الله

خالص تحياتي

 

[ياسر العربى]

20 دقائق مضت, أحمد الفلاحجى said:

تسلم يا ابو اسيل على الشغل ده

وجزاك الله كل خير على كل ما تقدمه لنا نعم ضع لنا جديد بالمسطبه علشان نتابعك معك ياغالى

وربنا يبارك لك فى اهلك ومالك ووقتك وعملك ورزقك من حيث لاتحتسب

تقبل تحياتى يا ابواسيل

 

حبيبي احمد باذن الله في اقرب فرصة اضع دروس جديدة وهي في النية باذن الله

14 دقائق مضت, عبد العزيز البسكري said:

السّلام عليكم و رحمة الله و بركاته

بارك الله فيك أخي الحبيب الغالي " ياسر العربي "

أنهينا مراجعة السلسلة يا أبا أسيل .. و ننتظر بشوق  .. جديدك .. بإذن الله

خالص تحياتي

 

حبيبي عبد العزيز  انت بقيت معلم في الحاجات دي مش محتاج لينا واخد بالك

على العموم انت معانا ولو في جديد اديك هتستفاد مفيش اديك بتراجع

[أبوبسمله]

وانا فى انتظار على احر من الجمر

بس متنسناش علشان مبردش واخد انفلوسه و واعيط ههههههههه حبيبى يا ابواسيل

جزاك الله كل خير حبيب قلبى