استبدال داله vlookup بالاكواد

[وائل الاسيوطي]

اخواني السلام عليكم ورحمه الله

الملف المرفق به معادلان vlookup   كنت اود المساعده   في الاستغناء عنها بالاكواد

وشاكر لكم مقدما

كود لداله vlookup.rar

[ياسر العربى]

الشكر لله مقدما

ونبقي نشوف الملف بعدين بقي

[وائل الاسيوطي]

هههههههههههه

اهو دمك الخفيف اللي محببني فيك ياعم ياسر

اللهم ادم علينا حبنا فيك ولك

[ياسر العربى]

ربنا يديم المحبة بينا ياغالي 

وربنا ميحرمكوش مني ابدا 

[وائل الاسيوطي]

اللهم امين

[ياسر العربى]

ايه رأيك ياريس

عملتلك الموضوع علي اول نطاق

هو موضوع تحويل المعادلات دا كل لما يكون كتيرررر ومحتاج تحول هتلاقي قليل اللي وقته فاضي يقعد يبص وبيحلق في الملف

فالافضل تعرض مثال بسيط لطريقة تحويل الدالة لكود وانت تقوم بالتطبيق علي المثال 

ولكن لو عجبتك فكرتي اكمل معاك عادي حبيبي

كود لداله vlookup.rar

تم تعديل ديسمبر 10, 2015 بواسطه ياسر العربى

[وائل الاسيوطي]

تسلم ايدك ياعم ياسر

فكره بسيطه وجميله بس انا لاحظت انها تقلت الملف انت ايه رأيك

[ياسر العربى]

نوعا ما ولكن تقل وقت الطلب ولا تقل الملف علي طول

بمعني ان التقل يحدث وقت طلب البيانات فقط غير كدا العمليه ايزي خالص

وربنا يسهل لو لقيت طريقة تانيه ابقي ارفقها ليك يامعلم

 

[وائل الاسيوطي]

ياريت لان الملف الأصلي مش ناقص تقل خالص دا وصل حجمه لوحده 10 ميجا فانا قلت اقلل عدد المعادلات اللي فيه علشان الحجم يقل شويه والحسابات تسرع نوعا ما

[ياسر العربى]

اخي هذا طبيعي للملف وعند وضع كود بديل للمعادلات سيتم تقليص ما كانت تشغله المعادلات من مساحه وذاكرة

وميزة الكود انه لا يحمل علي الملف اطلاقا الا عند الطلب فقط وهذه احدى الميزات التى تذكر له

فكون الملف يثقل اثناء الطلب فدا شئ عادي مهما جبت اكواد ستظل لحظة التحميل  موجودة بالكود لانه يقوم بعمل وظيفة المعادلة ووضع الناتج بالخلايا المحددة 

بمعني لابد من تحميل الملف عند طلب الكود حسب كم المعلومات المعالجة عن طريقه

وشكرا