موضوع خاص بالردود والاستفسارات واسئله اختبارات على شروحات الفورم (سلسلة علمنى كيف اصطاد )

[الصـقر]

الاخوة الكرام

بحمد الله تعالى وفضله قطعاً شوطاُ كبير فى شروحات الفورم على الرابط التالى

http://www.officena.net/ib/topic/64037-سلسلة-علمنى-كيف-اصطاد-الفورم-forms/

والان فى صورة عباره عن أسئله للاختبار 

ارجوا من المهتمين بالموضوع الاجابه عليها حتى يتثنى لنا معرفه هل الشروحات كافيه ؟ هل هى مبسطه ؟  هل يوجد متابعين للموضوع ؟ ما هو مدى الاستفاده مما يقدم ؟

وكمان الفائده الاهم هو انك تشتغل بنفسك وتقوم بالتطبيق على ما قرأته علشان تثبت المعلومه 

وبعدين الاختبار اوبن بوك ههههههههههههه يعنى نظام تعليم حديث  

وكل واحد مذاكرته فى دماغه و مسطردته فى ايده  و سندوتشاته فى كيسه و مطوته فى جيبه اللى يقولك غششنى قطعه  

ومحدش يبص فى ورقة زميله  

ترسل الاجابات على ص ب منتدى اوفيسنا قسم الاكسيل تسلم ليد العضو الصقر والفائز له رحلة عمره 

(((( اتمنى بجد لو واحد بس اهتم بالموضوع وجاوب صح وقتها هحس انى الشروحات دى لها قيمة وهكمل حتى لو كان واحد بس مستفيد  والا يأما أنا فشلت فى الشرح أو ان الموضوع مش ذو اهميه وكدا يبقى اعتذر لكم لما سببته من ازعاج فى هذه الشروحات وراح اطلب من الاداره حذف الموضوع ))))

دلوقتى هنوزع ورقة الاسئله وعايز الحل بالطرقتين

1- من خلال الخصائص اثناء التصميم

2- من خلال الاكواد عند فتح الفورم

قم بعمل ملف اكسيل جديد وفى الشيت 1 اكتب البيانات كما هى بالعمود D و E  ثم قم بتصميم فورم كما هو مبين بالصورة بنفس التنسيق وابدأ الشغل

فهل من مشمرون ؟؟؟

اتمنى لكم التوفيق وتقبلوا تحياتى جميعا 

 

 

 

 

تم تعديل أكتوبر 12, 2015 بواسطه الصـقر

[محمد حسن المحمد]

السلام عليكم

هي محاولة مني فاعذرني على تقصيري

بقي أن أجعل هذه الكمبوبوكس مقفلة ولأن دوامي يكاد ينتهي آثرت تقديمه على هذه الحال..وكذلك كود العميل..

هي محاولة بدائية تحبو كالطفل الرضيع.

والسلام عليكم.eagle

[الصـقر]

استاذى الحبيب / ابويوسف

جزاكم الله خيرا فهذا ليس بغريب عليك فأنت دائما وابدا قدوة لنا وصحاب همه عاليه فهى همة الرجال 

اشكرك مره تانية من اعماق قلبى

ولكن اسمح لى بتصحيح الواجب يا غالى انا معنديش رحمه  

يوجد عشر اسئله كل سؤال بدرجه 

المطلوب 1:- الدرجة نصف ( صحيح 50% )  لماذا

دا سطر الكود الخاص بالتنسيق للتاريخ

TextBox1.Text = Format(TextBox1.Text, " yyyy mmm ddd")

وطبقا للطلب اللى بالصورة يكون كالتالى 

TextBox1.Text = Format(TextBox1.Text, " ddd mmm yyyy")

لاحظ الفرق بنفسك

المطلوب 2:- الدرجة 0 ( لم يتم تنفيذه)

لماذا لم تقم بعمل حماية على التكست بوكس ؟؟

المطلوب 3:- الدرجة 1 ( صحيح 100% )

المطلوب 4 :- الدرجة 1 ( صحيح 100% )

المطلوب 5 :- الدرجة 1 ( صحيح 100% )

المطلوب 6 :- الدرجة 1 ( صحيح 100% )

المطلوب 7:- الدرجة 0 ( لم يتم تنفيذه)

المطلوب 8:- الدرجة 0 ( لم يتم تنفيذه)

المطلوب 9:- الدرجة 0 ( لم يتم تنفيذه)

المطلوب 10:- الدرجة 0 ( لم يتم تنفيذه)

ملحوظه صغيره هو حضرتك عامل ليه فى الخاصيه  ControlSource الخلية d2 ما الفائده منها ( انت عارف دى هتسبب مشكله فين ؟ )

الدرجة النهائيه يا ابويوسف هى  4.5 ( اربعه ونصف فقط )

منتظرك تكمل بكره الباقى هنتظرك ضرورى 

تقبل تحياتى واحترامى وتقديرى لشخصك الكريم 

تم تعديل أكتوبر 12, 2015 بواسطه الصـقر

[عبد العزيز البسكري]

السّلام عليكم و رحمة الله و بركاته

بارك الله فيك أستاذنا القدير " الصّقر " على السلسلة الموسوعة القيّمة .. جزاك الله خيرًا و زادها بميزان حسناتك .. لمسات علميّة بسيطة في طرحها فائقة الجودة في محتواها .. زادك الله من علمه و فضله .. ألف تحية تقدير واحترام للأستاذ العزيز المحترم محمد حسن المحمّد .. محاولة طيبّة منك سيّدي الكريم تشكر عليها ..

فقط كملاحظة أستاذي الفاضل " الصّقر " بالنسبة لموضوع الكومبوبوكس بسلسلة "علّمني كيف أصطاد" أرجو أن تنّونا بما أنعم الله عليك في هذه الجزئيّة الخاصّة ب :ROWSOURCE

قمت بعمل كومبوبوكس لإظهار قائمة اسمية وزر أمر بالشيت 1 .. فكانت النتيجة حسب الصورة الآتية :

طيّب .. نقلتُ زر الأمر إلى الشيت 3 فكانت النتيجة بكومبوبوكس فارغة : 

لو تكرمت أستاذنا القدير فضلاً لا أمرًا أن تكمل لنا الدواء الناقص بهذه الوصفة بكيفية إضافة اسم الشيت بهذا الكود للتمييز بين الشيتات ليكتمل الموضوع بأذهاننا على أكمل وجه :

لو كان الأمر من نافذة الخصائص ..فهذا أمر بسيط لأنّ اسم الشيت سيكون مكتوب :

فائق احتراماتي

 

 

 

 

 

 

تم تعديل أكتوبر 12, 2015 بواسطه عبد العزيز البسكري

[الصـقر]

الاخ الحبيب والغالى / عبدالعزيز البسكرى

يا غالى انت مش بس تسال انت تأمر 

بخصوص طلبك متستعجلش على رزقك لو رجعت للموضوع بتا الشرح ستجد التالى 

اقتباس من المشاركة

كما قلنا من قبل ان ComboBox هو عباره عن وعاء يتم تعبئته ببيانات محدده لتظهر للمستخدم ليختار منها اثناء العمل على الفورم

أن شاء الله هيتم تناول الموضوع على خمس مراحل

1- كيفية انشاء ComboBox على الفورم  اثناء عملية التصميم

2- التعرف على خصائص ComboBox  من شاشة الخصائص اثناء عملية التصميم

3-وقت تنفيذ الكود الخاص بالـ ComboBox 

4-التعامل مع الـ ComboBox  فى لغة البرمجه 

5-معرفة مهارات تعبئة وتغذية ComboBox  باكثر من طريقه التقليديه والاحترافيه منها 

6-كيفية اجبار المستخدم على الاختيار من الـ  ComboBox 

وبحمد الله تم شرح المرحله 1 و 2 و 3 و 4  وباقى 5 و 6

 5-معرفة مهارات تعبئة وتغذية ComboBox  باكثر من طريقه التقليديه والاحترافيه منها  ( اللى هى طلبك وان شاء الله هنعرف اكتر من طريقه تقليدية واحترافيه )

ولكن عموما اليك الحل انت غالى وليك معزه عندى 

ComboBox1.RowSource = "feuil1!h4:h23"

فقط يتم كتابة اسم الشيت متبوع بعلامة التعجب ثم كتابة المدى المطلوب

 

وبعدين تعالى هنا هو فين الواجب بتاعك 

 

تقبل منى وافر الاحترام والتقدير

 

[ياسر العربى]

 

الوقت خلص ولا لسه فيه وقت للاختبار انا سلمت ورقتي تحت اهي 

 

 

 

 يارب انجح 

ياسر العربي

 

test1010.rar

[الصـقر]

الاخ الحبيب / ياسر العربى

مشكور على الاهتمام اسال الله تعالى ان يزيدك من علمه وفضله

واسمح لى بتصحيح الواجب يا كبير

يوجد عشر اسئله كل سؤال بدرجه 

المطلوب 1:- الدرجة 1 ( صحيح 100% )

المطلوب 2:-  الدرجة 1 ( صحيح 100% )

المطلوب 3:- الدرجة 1 ( صحيح 100% )

المطلوب 4 :- الدرجة 1 ( صحيح 100% )

المطلوب 5 :- الدرجة 1 ( صحيح 100% )

المطلوب 6 :- الدرجة 0 ( لم يتم تنفيذه) لية معملتش الخاصيه اللى بتعمل الدوائر البيضه الصغيره على اليسار  ؟؟

المطلوب 7:- الدرجة 0 ( لم يتم تنفيذه) لية معملتش عرض الاعمده فى الكمبوبوكس مناسب لعرض الليست أى نعم هى مظبوطه بس ده لان عرض الكمبوبوكس نفسة 168 وانت عامل                 عرض العمود الاول 100 والثانى 50 فمجموع الاتنين اقل من عرض الكمبوبوكس نفسة وهو 168 لذالك لا يوجد مشكله لكن لو كان عرض الكمبوبوكس مثلا 120 كدا                   هيكون الليست غير ظاهر كله وهيكون فى اسكرول بار ؟؟؟؟

المطلوب 8:- الدرجة 1 ( صحيح 100% )

المطلوب 9:- الدرجة 1 ( صحيح 100% )

المطلوب 10:- الدرجة 1 ( صحيح 100% )

 

الدرجة النهائيه يا عم ياسر هى  8 ( ثمانيه فقط )  ( ملحوظه المفروض تكون الدرجه 4 ليه ياباشا علشان ابويوسف جاوب تقريبا نصف الاسئله فله الاسبقيه فى الاجابه دا غير ان سؤال بتاع تنسيق التاريخ انا جاوبته فوق لابويوسف  مش قلتلك انت وقعت فى ايد اللى مابيرحمش  )

منتظرك تكمل الباقى المطلوب 6 و 7 وهديك عشرة من عشرة

تقبل تحياتى واحترامى وتقديرى لشخصك الكريم 

تم تعديل أكتوبر 13, 2015 بواسطه الصـقر

[محمد حسن المحمد]

السلام عليكم ورحمة الله وبركاته

الأخ ياسر العربي ...جزاك الله خيراً ...خليك عربي ...يا ياسر 

بها الحالة طلعتوني خارج قوس

الله يسامحكم...ودمي من  دمكم....إن كان بقي عندنا دم لأنه دمنا انسكب من زمان يعطر تربتنا... فأنا مسلم عربي...شو رأيك؟

تقبلوا تحياتي

[الصـقر]

استاذى الفاضل والاب الحنون والله مش تزعل منى ولا من الاخ ياسر  القصد مش كدا كلنا اخوة فى الاسلام وفى العروبه 

وشرف لى انا شخصيا معرف رجال مثلك فى زمن قل فى الرجال الغيور على دينه ووطنه وعروبته واهله فأنت نعم الاخ والاب والصاحب 

تقبل اسفنا واعتذارنا عما بدر منا من غير قصد فى لحظه كانت روح المداعبه هى المسيطره

• تقبل تحياتى واحترامى وتقديرى 

[ياسر العربى]

ماشي ياعم انا هنجح بمجهودي بس خليك فاكر ان انت جيت علي اخوك شوية 

بطالب بتصحيح الورقة مرة اخرى

test1010.rar

محمد حسن المحمد اخي واستاذي   ارجو منك تقبل اعتذارنا لان بيت القصيد من هذا الكلام الهزار  ليس الا وكلنا طبعا عرب اخوه  بالاصل وبالدم الله يسامحهم ظلمة الشعوب   ويشرفني انا شخصيا التعرف بحضرتك وتقبل مرة اخرى اعتذاري

 

 ايه ياعم الصقر كدا تغلطنا في استاذنا الغالي انا بقولك بيني وبينك تيجي تصيتنا  هههههههههههههههههههههه

عندي اعتراف صغير انا غشيت من ورقة اللي جمبي

تم تعديل أكتوبر 13, 2015 بواسطه ياسر العربى

[عبد العزيز البسكري]

السّلام عليكم و رحمة الله و بركاته

بارك الله فيك أستاذنا القدير "الصّقر" .. جزاك الله خيرًا و زادها بميزان حسناتك و زادك من علمه و فضله .. كلمات طّيبة من إنسان أكثر من طيّب .. الله وحده يشهد مدى حبّي لك في الله سيّدي المحترم ..

تمام التمام تمّ فهم و عمل المطلوب .. تشكر يا غالي ..أمّا الواجب بكل صراحة كنت بدأت فيه على عُجالة .. فداهمني وقت العمل .. رجعت مساءً فوجدت الأخ و الأب العزيز على قلوبنا .. أستاذنا الفاضل محمّد حسن المحمد .. قد قام بالواجب بأحسن وجه ..فقلت في نفسي .. خلاصْ .. لا كلام و لا إجابة لي .. على الأقل بالنسبة لي أنا شخصيًّا بعد كلام و إجابة محمد حسن المحمد ..

بارك الله فيك و لك .. وجعل كل حرف ممّا تقدّمه بألف حسنة .. مع فائق إحتراماتي يا صقر المنتدى .

[محمد حسن المحمد]

السّلام عليكم و رحمة الله و بركاته

أنتم إخوتي الكرام وأحبائي ..لا زعل ولا شيء ولكن مجرد ثقل دم على أخينا ياسر المصري(العربي)

ولا حاجة لأي اعتذار ...

أقدم محاولة أخرى غير مكتملة لأنني ما عرفت كيف أخلي التيكست بوك يكتب الرقم من الكومبوبوكس...

يسعد أوقاتكم إخوتي الأحبة الصقر وعبد العزيز وياسر العربي

سامحني أخي ياسر فقد استعرت بعض المعلومات من ملفك وإن شاء الله يرجعولك ..

أخي الصقر لا تجعلني أنتظر علمني كيف أكتب الرقم من الكومبوبوكس إلى التيكست...ولك الأجر والثواب.

والسلام عليكم.

 

Eagle.rar

[الصـقر]

يا عم ياسر انت اللى ورطنى وزعلت منى الغالى والحبيب الى قلبى ابويوسف

ولكن انا اعرف قلب ابويوسف فهو الكريم المسامح واللم يسامحنا لنكونن من الندامين وعند ربنا من الخاسرين 

وبخصوص الواجب بجد برافو عليك انت وابويوسف جزاكم الله خيرا وزادكم من فضله وعلمه 

الاخ الحبيب عبدالعزيز البسكرى احبك الله الذى احببتنى فيه اسال الله تعالى ان يديم محبتنا ويجمعنا بالجنة على سرر متقابلين 

ولكن انا منتظر منك الواجب عايز اشوف اجابتك وتجرب الحل بنفسك 

تقبلوا منى جميعا كل المحبة والاحترام والتقدير

تم تعديل أكتوبر 13, 2015 بواسطه الصـقر

[محمد حسن المحمد]

السّلام عليكم و رحمة الله و بركاته

بارك الله فيك أستاذنا القدير "الصّقر" .. جزاك الله خيرًا و زادها بميزان حسناتك و زادك من علمه و فضله .. كلمات طّيبة من إنسان أكثر من طيّب .. الله وحده يشهد مدى حبّي لك في الله سيّدي المحترم ..

تمام التمام تمّ فهم و عمل المطلوب .. تشكر يا غالي ..أمّا الواجب بكل صراحة كنت بدأت فيه على عُجالة .. فداهمني وقت العمل .. رجعت مساءً فوجدت الأخ و الأب العزيز على قلوبنا .. أستاذنا الفاضل محمّد حسن المحمد .. قد قام بالواجب بأحسن وجه ..فقلت في نفسي .. خلاصْ .. لا كلام و لا إجابة لي .. على الأقل بالنسبة لي أنا شخصيًّا بعد كلام و إجابة محمد حسن المحمد ..

بارك الله فيك و لك .. وجعل كل حرف ممّا تقدّمه بألف حسنة .. مع فائق إحتراماتي يا صقر المنتدى .

السلام عليكم.

أخجلت تواضعنا أخي عبد العزيز ...نحن من بعدكم...الله يرفع قدرك أخي الحبيب ...فكلكم بمثابة أبنائي فأسرتي اتسعت على مستوى أرض العرب....أحبكم في الله...

[الصـقر]

استاذى الفاضل ابويوسف

راجع هذه الجزئية من الشرح تعرف كيف يتم كتابه الكود فى التكست بوكس عند الاختيار من الكمبوبوكس 

اقتباس من الشرح

8- الخاصيه ( Row Source ):-

هذه الخاصيه هى اولى الطرق التقليدية لتعبئة الكمبوبوكس بالبيانات 

مثال عام على الخاصيه ( Bound Column) و الخاصيه (   Column Count) و الخاصيه ( Row Source ) 

لدينا شيت به بيانات افتراضيه كما هو ظاهر بالصوره التالية

وعندى فورم بصممه شاهد الصورة

 

أنا دلوقتى عايز اظهر اسماء العملاء من الخلية A2 : A5 فى الكمبوبوكس اللى فى الفورم  

من شاشة الخصائص اروح للخاصيه    Row Source  واكتب المدى A2:A5

شاهد الصورة

شاهد النتيجة عن تشغيل الفورم

طيب لو عايزين نظهر عدد 2 عمود بمعنى اظعر عمود اسماء العملاء وايضا عمود كود العميل

اذن لازم اغير المدى فى الخاصيه  Row Source  واكتب المدى A2:B5

وايضا لازم احدد عدد الاعمده فى الكمبوبوكس يكون 2 من الخاصيه Column Count

شاهد الصورة

ستجد النتيجة عند تشغيل الفورم

طبعا عند الاختيار من الكمبوبوكس سيظهر اسم العميل (اللى هى تعتبر العمود رقم واحد فى الكمبوبوكس ) فى الكمبوبوكس وتختفى قائمة العملاء

فلو انا عايز عند الاختيار ايضا يظهر كود العميل فى التكست بوكس رقم 1 ( اللى هو باللون الاصفر فوق) 

اذن لازم نروح للخاصيه Bound Column واكتب 2 ( أى العمود رقم 2 هو القيمة التى ستظهر فى التكست بوكس رقم 1 )

شاهد الصورة

باقى خطوة تانية وهى عمل كود فى حدث تغيير الكمبوبوكس كالتالى

Private Sub ComboBox1_Change()
TextBox1.Value = ComboBox1.Value
End Sub

هذا الكود كتبنا فيه ان التكست بوكس 1 يساوى الكمبوبوكس ( واحد هيقولى مش الكمبوبوكس فى عمودين اذن التكست بوكس هيكون اى عمود عند الاختيار هقوله ان الخاصيه Bound Column كتبنا فيها العمود رقم  2 اذن القيمة التى ستظهر فى التكست بوكس 1 هى العمود 2 )

وبكدا عند التشغيل الفورم والاختيار من الكمبوبوكس سيظهر قيمة العمود رقم 1 وهو اسم العميل فى الكمبوبوكس 

وسيظهر قيمة العمود رقم 2 وهو كود العميل فى التكست بوكس 1 ( بناء على تحديد الخاصيه Bound Column كتبنا فيها العمود رقم  2 وايضا الكود بحدث تغيير الكمبوبوكس )

وعند تشغيل الفورم واختيار من الكمبوبوكس شاهد النتيجة

كدا اخدنا مثال عملى على الثلاث خصائص وهما

 الخاصيه ( Bound Column) و الخاصيه (   Column Count) و الخاصيه ( Row Source ) 

 

هذه هى الجزئيه الخاصه بالشرح المتعلقه بهذه النقطة راجعها مره تانية وجرب على ملف الواجب شوف هتقدر تنفذها او لا انا بنتظارك انا كل اللى عملته هو انى نسخت الشرح المتعلقه بالموضوع من الدرس

تقبل تحياتى

 

 

تم تعديل أكتوبر 13, 2015 بواسطه الصـقر

[ياسر العربى]

استاذي الغالي محمد حسن المحمد  تفضل طلبك هنا

 

سبقتني اخي ياصقر كنت عاوز اعمل الواجب مع استاذي الكريم 

تم تعديل أكتوبر 13, 2015 بواسطه ياسر العربى

[محمد حسن المحمد]

السلام عليكم

إليك الحل ولن أستطيع أكثر من ذلك فهذا مستوى إدراكي

تقبل تحياتي.

Eagle.rar

[الصـقر]

استاذى الحبيب ابويوسف ما شاء الله عليك تمام يا غالى برافو برافو برافو

هذا هو المطلوب فعلا 

انتظروا قريبا باقى شروحات الكمبوبوكس فى درس مهارات تعبئة الكمبوبوكس بالبيانات بطرق مختلفه واحترافيه

 

[ياسر العربى]

  استاذي محمد حسن المحمد  خليك معايا في نفس اللجنة عشان نسلك امورنا مع بعضينا عشان المراقب دا مش  بسيب اللجنة وواقف لينا في الحلق 

منتظر بتحدي اي اختبارات 

 شكرا للجميع علي تعاونكم وتفانيكم في ايصال المعلومة  لنا بطريقة مبسطة وسهلة 

[الصـقر]

الاخ الحبيب ياسر متخفش باقى التحدى مستمر راجع الاختبار ستجد ان المطلوب طريقتين

          الطريقه الاولى : هى عمل العشر اسئله من شاشة الخصائص اثناء التصميم ( وهذا بارك الله فيكم تم على اكمل وجه )

الطريقه الثانية : هى عمل العشر اسئله من خلال الاكواد ( يعنى مثلا حدث فتح الفورم )  يالا ورينى الهمه يا كبير 

وبعدين ابويوسف لو جنبك مش بس فى لجنتك المراقب واقف لك بالمرصاد وخليك فى ورقتك 

 

[ياسر العربى]

ههههههههههههههههه جينا للتعب ووجع الدماغ  هنقعد بقي نكتب الاكواد كلها 

ايدك معايا ياستاذ  محمد حسن المحمد        او اي حد ياجماعه صاحبكو مزنوق في كام كود وربنا يسترها

 

[ياسر العربى]

وها هي الاكواد ويارب مكنشي نسيت حاجه

اللي عاوز يغش معنديش مانع

الورقة اهي بس قبل ما المراقب يجي

aseel.rar

[محمد حسن المحمد]

السلام عليكم ورحمة الله وبركاته

إخوتي الكرام الصقر وياسر العربي...على هذا العمل الطيب ...وهذا الامتحان الذي أثبت متابعة من قبل الإخوة الكرام عبد العزيز البسكري وياسر العربي وإبراهيم أبو ليلة

ولا أنسى شكر أخي ياسر على هذه الهدية القيمة التي جاءت في حينها.....كما أهنئكم بقدوم عام هجري جديد نرجو الله أن يحمل لنا في طياته السعادة والفرج ورد كيد الظالمين...آمين

والسلام عليكم.

[الصـقر]

الاخ الحبيب / ياسر العربى

مشكور على الاهتمام اسال الله تعالى ان يزيدك من علمه وفضله

لى بعض الملاحظات وجب التنويه عليها احنا عايزين شغل محترفين

1 -هذا السطر تم وضعه فى حدث فتح الفورم فما الفائده منه ؟؟؟ مالوش لازمه  و اهميته فى حدث تحديث التكست بوكس 2 وبالفعل السطر موجود 

TextBox1.Text = Format(TextBox1.Text, " dddd mmmmyyyy")

2 -باقى اخر مطلوب وهو عند الاختيار من الكمبوبوكس يظهر كود العميل فى التكست بوكس 2 ( هو حاليا شغال بس من شاشة الخصائص مش من الاكواد فى حدث الفورم يالا ضيفلى السطر الخاص بذالك فى الاكواد 

 

3- انت واضع هذا الكود وانا ارى انه ما له لازمه هو كود صحيح عند وضع مؤشر الماوس تظهر القائمة ولكن انا مطلبتش ده راجع المطلوب رقم 8 وهو بمجرد الوقوف فى الكمبوبوكس اى وضع مؤشر الماوس داخل الكمبوبوكس يظهر القائمة وذالك تم من خلال الخاصيه Style

Private Sub ComboBox1_MouseMove(ByVal Button As Integer, ByVal Shift As Integer, ByVal X As Single, ByVal Y As Single)
'ComboBox1.DropDown
End Sub

بجد رائع ومجهود تشكر عليه 

انا عايز حد من الاخوة غيرك يعملها ولكن مع الخاصيه With

فين الهمه يا شباب

تقبل تحياتى واحترامى وتقديرى لشخصك الكريم 

تم تعديل أكتوبر 14, 2015 بواسطه الصـقر

[ياسر العربى]

اخواتي محمد حسن محمد والصقر  ولكل اعضاء المنتدي الكرام 

  كل عام  وانتم  والامة الاسلامية  بخير

ثانيا اخي الصقر انا بحاول احط المطلوب فقط 

TextBox1.Text = Format(TextBox1.Text, " dddd mmmmyyyy")

انا قلت اضيفه في الاتنين عشان انت بتقعد تدور علي اي  حاجه عشان تغلطنا شوفت التلميذ اللي عارف اجابة السؤال بكذا طريقة بيحطهم كلهم وانت نقي بقي ههههه

وبصراحه انا معظم الحاجات دي انا مرجعتش الدرس اساسا  فهي كدا استنتاجية مني 

بشوفها في الخصائص واكتبها كود دي سهلة مش صعبة

جاري عمل مثال احترافي باذن الله