نجوم المشاركات

بسم الله الرحمن الرحيم الاخوة الاعزاء أقدم لكم اليوم شرح مبسط عن الحلقه التكرارية For next انا هبدأ على طول بالامثله العمليه والتطبيقية حتى يتضح لنا ما معنى الحلقه وفيما تستخدم مثال 1 عدد عشرة صناديق ( كنت عامل رسم عشر صناديق لكن للاسف عند الحفظ طلب تقليل الوجوه التعبيريه) وهو ايه الصناديق دى ؟؟ / هقولك الصناديق دى كنوز وهدايا فيهم صندوق منهم فى ساعه هدية لحبيبى ياسر خليل انا بصراحه مش عارف ايه المناسبة بس اهو هدية وخلاص حبيبنا برضوا ولازم نكرمه معلش يا عم ياسر هنتعب واحد دلوقتى علشان يروح يجيب لك الساعه انتظر شوية وهتيجى لك الساعه لحد عندك انت غالى برضوا ولا ايه صحيح دا واحد صاحبنا قاعد مبسوط لانه بيسمع الماتش و الاهلى جاب جون امه هتنادم عليه ( مش هتنادى عليه ) هتنادم يعنى هيندم على اليوم اللى اتولد فيه طب ليه؟ لان أمه هتقوله روح للصناديق اللى فوق افتح صندوق صندوق وتعالى هههههههه أول شئ هتلاقى وشه عامل كدا زى ابولهب المهم صحبنا ده هيروح ياعينى للصناديق ويفتح العشرصناديق صندوق صندوق ويرجع طبعا لما يرجع هيعمل لامه كدا ويزعق انا عايز افهم انتى قلتى روح ليه ايه الفايده انى افتح الصناديق بس ضيعتى عليا الماتش لو عايزين نطبق الكلام الحلو ده بس بلغه Vba بتاعة عمنا بيل جيتس Sub hossam() For i = 1 To 10 Next End Sub هنا اول سطر الاعلان عن بداية الكود / السطر الثانى عملنا حلقه تكرارية For واسمها i اللى هو بالمثال فوق الصناديق وممكن تسميه اى حرف اخر كيفما يحلو لك وقلنا ان الصناديق تبدأ من اول صندوق الى اخر صندوق وهو 10 / السطر الثالث هو next وهى تعنى التالى صاحبنا هيروح لاول صندوق ويفتحه وبعدها يروح للصندوق الثانى ويفتحه يخلص وبعدها يروح للصندوق الثالث ويفتحه وهكذا والسطر الرابع يعنى نهاية الكود طبعا الكود ده ما فى منه اى فايده ليه يا عم لانك مقلتش له مهمه ينفذها انت بس قلتله لف على الصناديق زى لف التراك كدا ********************************************************************************************* مثال 2 الحاجه وابنها اللى فى المثال الاول هتقوله يابنى روح للصناديق وهات الساعه لعمك ياسر / افتح صندوق صندوق لو لقيت صندوق منهم فى ساعه مكتوب عليها هدية لعمك ياسر هتها وتعالى قالها وافرض لقيت الساعه باول صندوق ارجع ومكملش ههههههههههههههههه ولد زكى امه قالت له لا يا حبيبى افتح برضوا كل الصناديق افتحهم كلهم حتى لو لقيت الساعه فى اول صندوق طبعا صاحبنا هيعمل كدا الغيظ يا عينى هيطق من عينيه لو حبينا بقى نعمل الكلام ده بالبرمجه بالكود يعنى نعمل ايه Sub hossam() For i = 1 To 10 If "لو اى صندوق جواه ساعه " Then "طلع الساعه من الصندوق " End If Next End Sub الجديد هنا اننا استخدمنا قاعدة If يعنى شرط للمأمورية اللى هيقوم بها صاحبنا مش هيروح يفتح فى الصناديق بس ويرجع زى المره الاولى *********************************************************************************************** مثال 3 صاحبنا اللى فوق ده امه قررت انها تريحه وقالت له افتحى الصناديق يا حبيبى ولو لقيت صندوق فى الساعه هاتها وارجع ومتكملش فتح الباقى صاحبنا قال طيب وراح بدأ يفتح فى الصناديق اول صندوق ملقاش الثانى ملقاش الثالث ملقاش الرابع لقى الساعه جابه ورجع وقال يا فكيك مش هكمل فتح الباقى علشان نعمل الكلام ده بالكود هيكون كدا نفس الكود السابق بس اضافه حاجه صغيره جدا Sub hossam() For i = 1 To 10 If "لو اى صندوق جواه ساعه " Then "طلع الساعه من الصندوق " Exit For End If Next End Sub يعنى عندما يتحقق الشرط ارجع واخرج من الحلقه اللى هى For ومتكملش ******************************************************************************************** مثال 4 عايزين نطبق الكلام الحلو ده بس على امثله بالاكسيل فى الامثله السابقه هنستبدل الصناديق بالخلايا من A1:A10 وهيكون الساعه موجوده فى محتوى الخلايا معانا صوره فيها بيانات من الخلية A1 : A 10 لما نطبق الكود دا Sub hossam() For i = 1 To 10 If Cells(i, "A") = "ساعه" Then Cells(i, "B") = "مبروك" End If Next End Sub حته على الهامش cells تكتب هكذا ( العمود , الصف ) cells فى الكود اعلاه الصف هو i والعمود هو A وتم وضعه بين علامتى تنصيص "A" لما نطبق الكود هنلاقى النتيجة كما هو موضح بالصورة ********************************************************************* مثال 5 لو عايزين الكود لما يلاقى ساعه يطلع وميكملش هنضيف زى ما كلنا Exit For ويكون الكود كدا Sub hossam() For i = 1 To 10 If Cells(i, "A") = "ساعه" Then Cells(i, "B") = "مبروك" Exit For End If Next End Sub وهتلاقى النتيجة كما هو بالصورة مبين ********************************************************************************************* مثال 6 من الوضح ان الامثله السابقه الحلقه تبدا من 1 الى 10 أى معلوم بدايتها ونهايتها طيب لو عندى حلقه معلوم بدايتها وغير معلوم نهايتها يعنى العمود A البيانات فيه متغيره وفى ازدياد فى هذه الحاله نستخدم تعريف اخر خليه بها بيانات فى العمود كالتالى nn = Cells(Rows.Count, "A").End(xlUp).Row nn هنا هو تعريف اخر خليه بها بيانات ويتم استخدمها بالكود بعد ذالك بدل من كتابة Cells(Rows.Count, "A").End(xlUp).Row كل مره ( طبعا يمكن تغيرها الى اى حروف انت تحبها وبكدا هيكون الحلقه كالتالى For i = 1 To nn والكود كامل هيكون كدا Sub hossam() nn = Cells(Rows.Count, "A").End(xlUp).Row For i = 1 To nn If Cells(i, "A") = "ساعه" Then Cells(i, "B") = "مبروك" Exit For End If Next End Sub ************************************************************************ مثال 7 كل الشغل اللى معمول ده على ان الحلقه بتعمل على الصفوف طيب انا عايزها تعمل على الاعمده يعنى الشكل زى الصورة دى بفرض انه غير معلوم اخر خليه بها بيانات فى الصف 1 هنعمل تعريف لها كالتالى nn = Cells(1, Columns.Count).End(xlToLeft).Column هو نفس تعريف اخر صف كما قلنا سابقا ولكن بختلاف ترتيب Cells عايزكم انتم تلاحظو الفرق الكود هيكون كالتالى Sub hossam() nn = Cells(1, Columns.Count).End(xlToLeft).Column For i = 1 To nn If Cells(1, i) = "ساعه" Then Cells(2, i) = "مبروك" Exit For End If Next End Sub الاختلاف هنا عن الكود بالمثال هو تعريف nn كما وضحنا سابقا وايضا فى ( Cells(1, i هنا cells الصف ثابت وهو 1 والعمود هو المتغيير i ولو ضغطنا على الزر سيكون نتيجة الكود كالتالى كما هو مبين بالصورة ************************************************************************************************* مثال 8 الصور الذى تم الشرح عليها كلها فى الورقه 1 من الملف يعنى البيانات ونتيجة البيانات كانت بنفس الورقة انا عايز اروح للورقه 2 واعمل زر واعيين عليه الماكرو بس حلقه For هتبحث عن البيانات بالورقه 1 هنعمل ايه امر بسيط جدا هنستخدم With وطبعا هنقفلها ب End With Sub hossam() With Sheet1 nn = Cells(1, Columns.Count).End(xlToLeft).Column For i = 1 To nn If .Cells(1, i) = "ساعه" Then [A1] = "مبروك" Exit For End If Next End With End Sub طبعا هو نفس الكود اللى بالمثال 7 والجديد هو استخدمنا With Sheet1 فى بداية الكود وقفلناه قبل نهاية الكود ب End With وقلنا لو تحقق الشرط خلى الخليه A1 = "مبروك" كما هو موضح بالصورتين صورة الورقه 1 اللى بها البيانات صورة الورقه 2 عند الضغط على الزر وظهور مبروك بالخلية A1 ********************************************************************************************** تعبت الولد معك يا عم ياسر المهم الحمد لله الولد نجح بالمهمه وجاب لك الساعه ودلوقتى بيتفرج على الماتش والاهلى جاب جون تانى والفرحه مش سيعاه *************************************************************************** أتمنى يارب أكون وفقت بالشرح ويكون سهل للاخوة الجدد المهتمين بالتعلم VBA يمكنكم شرح افضل من هذا على الرابط من اعمال الاخ الحبيب ياسرخليل حلقات افتح الباب يا عبدالتواب http://www.officena.net/ib/index.php?showtopic=56941= وايضا يمكنكم متابعه الرابط التالى للاخ الحبيب محمود الشريف http://www.officena.net/ib/index.php?showtopic=56000&hl= كما يوجد ايضا العديد من الشروحات التى تتناول الحلقه التكرارية For next يمكنكم البحث عنها داخل المنتدى تقبلوا تحياتى واتمنى لك التوفيق

أشكرك يا أخي الحبيب على كلماتك المشجعة ، آملاً من الله عزوجل أن ينفع بهذا العمل جموع المسلمين .. وأرجو من الله أن تكون في ميزان حسناتنا جميعا من ساهم ولو بكود ولو بكلمة تشجيع .. ولو بإرشاد الناس إلى البحث في المكتبة .. المكتبة مهمة جداً لأنها تقوم بلم شمل الأكواد المبعثرة في كل مكان ، والإتيان بهذه الأكواد يجعل من البحث أمر يسير وسهل ، ومع الوقت أعتقد أنها ستكون الملاذ الأول للبحث قبل البحث في المنتدى أو البحث في المواقع المختلفة .. أو على الأقل ستكون الشرارة الأولى للبحث تقبل تحياتي أخي الحبيب أ إ

أخى وأستاذي الفاضل أ.ياسر والله أبدا لم أنساها وأعترف أنى مقصر في هذا الموضوع ولكن الله وحده يعلم ضغط العمل الذي عندي ... ان شاء الله سأحاول جاهدا تخصيص وقت كل يوم ولو لكود واحد ومن يتهمك أنه موضوع شخصي لك وفقط فهو انسان مريض والأفضل له أن يذهب للعلاج فأنت لم تنسب أى شئ لنفسك والموضوع متاح للجميع ولم يتم تسمية الأكواد باسم أصحابها، أرمى وراء ظهرك كلام أصحاب النفوس المريضة ودع عنك الإحباط "تفائلوا بالخير تجدوه" ستجدنا دائما معك وبجانبك في أى عمل خيري لا نريد به الا وجه الله تعالى .. جعل الله عملك في ميزان حسناتك وبارك الله لك في أهلك وصحتك ومالك تحياتي

ماشاء الله عليك يااستاذ حسام شرح فى منتهى الروعه والبساطه يدخل على طول فى المخ من غير اى مقدمات وطبعا الشكر موصول لصاحب الهمه العاليه اللى دايما انت ياحسام بتهاديه استاذى الحبيب ياسر خليل تقبل منى تحياتى

أخى الفاضل بخصوص التاريخ الميلادي استخدم هذه المعادلة .. وعلى افتراض ان التاريخ موجود بالخلية A1 =DATE(YEAR(A1)+2,MONTH(A1),DAY(A1)) وللتاريخ الهجري استخدم هذه المعادلة .. على افتراض ان التاريخ موجود بالخلية D1 حيث أن رقم 24 في هذه المعادلة يمثل عدد الأشهر المراد اضافتها على التاريخ =CONCATENATE(MID($D1,1,2),"/",TEXT(IF(MOD(MID($D1,4,2)+24,12),MOD(MID($D1,4,2)+24,12),12),"00"),"/",MID($D1,7,4)+INT((MID($D1,4,2)+24-1)/12)) مرفق الملف للتوضيح تحياتي Add_Years.rar

بسم الله الرحمن الرحيم مطلوب من احبابنا في الله ان يدعو الله ان يعيد للمنتدى العظيم بأهله العالم العلامه والبحر الفهامة الاخ عبد الله باقشير سالما غانما يارب العالمين ولاننس السؤال عن المحترم الاستاذ الكبير عبد الله المجرب وأن يعيده الله سالما غانما للمنتدى واهل المنتدى وحتى لاأنسى احد من المحترمين اقول كل من غاب عن المنتدى وكانت له بصمة في تعليم الاخوة وأن يطمئننا الله عليهم آمين

تهنئة للاستاذ عبدالرحمن هاشم على التميز الف مبروك

السلام عليكم اخواني في المنتدى اقدم لكم هذا الملف للتفتيش عن كلمة او رقم او حتى حرف ضمن نطاق معين راجياَ من اخي ياسر ان يضمه الى مكتبته الغرّاء find.rar

السلام عليكم ورحمة الله تعالى وبركاته اخواني في المنتدى اقدم لكم هذا الملف الترحيل بواسطة خاصية TAG الفكرة في الفورم عمل ترقيم لكل مربع نص او كمبوبوكس بترتيب الاعمدة باستخدام TAG التكست بوكس الاول بياناته يتم ترحيلها للعمود 1 إذن يحمل التاج 1 التانى بياناته يتم ترحيلها للعمود 2 إذن يحمل التاج 2 التالث بياناته يتم ترحيلها للعمود 5 إذن يحمل التاج 5 الكمبوبوكس الأول بياناته يتم ترحيلها للعمود 3 إذن يحمل التاج 3 التانى بياناته يتم ترحيلها للعمود 4 إذن يحمل التاج 4 لاحظ الصورة التالية اتمنى ان اكون وفقت في ايصال المعلومة خالص تحياتي الترحيل بواسطة خاصية tag.rar

جرب أخي الحبيب المرفق التالي Get Data.rar

معليش اخي اسير الشروق حبة حبة! انت عايز مثلا تطبيق امر معين على مجموعة من العناصر مرة واجدة ! مش لازم تكتب اسم كل عنصر داخل الكود ؟ صح والا لا ؟ معنى اخر مثلا 3 كمبو بكس تريد اخفاؤهم بدون ذكر اسم كل عنصر على حده ؟؟ بالتوفيق

بعد إذن أخى الجموعي كان من الممكن فتح موضوع جديد لطريقة الترحيل هذه ولكن حتى يكون هذا الموضوع مرجعا لكل من يريد تعلم الترحيل بأبسط الطرق مهما كانت عدد العناصر داخل الفورم لديه .. فالطريقة الأولى طريقة استخدام التاج للعناصر داخل الفورم سواء ال TextBoxes أو الكمبوبوكس Combobox أو غيرها وتفضل الأستاذ الجموعي بشرحها وأرفق المثال عليها الطريقة الثانية هي طريقة توحيد مسميات العناصر داخل الفورم ومراعاة ترتيبها ... كما في الصورة التالية مرفق ملفين .. الأول للفورم بالاسماء الموجودة بالصورة ... والثاني تم تغيير الاسماء الى اسمي حتى أوضح أنك تستطيع تغيير الأسماء كما تريد ولكن مع مراعاة ترتيبها تحياتي مثال-الترحيل.rar

السلام عليكم. انا عاجز عن شكري لك ولكل اعضاء منتدى اوفيسنا وكل من اراد ان يساهم في مساعدتي وبارك الله فيكم.مبدئيا العمل بديع ورائع ساحاول تجريبه . وشكرا مرة اخرى.

اخى الفاضل الجموعي موضوع رائع وتعتبر من أسهل الطرق في ترحيل البيانات من الفورم الى الشيت جزاك الله كل خير وجعل عملك في ميزان حسناتك تحياتي

لا فرق .. حيث ستستغني عنها لا حقا .. تفضل من هنا http://www.officena.net/ib/index.php?showtopic=58494

سأكتب موضوع او درس جديد انشاء الله عن كيفية تحويل الاستعلامات الاجرائية الى جملة SQL داخل الكود او الوحدة النمطية اما النسخة الاحتياطية فالمنتدى مليء بموضوعات حول هذا الخصوص ( ابحث لتحترف ) واما تصفير القاعدة فهي عبارة عن استعلامات حذف لجداول يتم اختيارها وهي الجداول التي تحتوي على البيانات المتغيرة للطالب بمعنى اننا نستثني من الحذف جدول الااسماء وما يتبعه من جداول فرعية ثابته او شبه ثابتة كجدول الحالات الخاصة

نعم .. هذه طريقة وايضا : اخذ نسخة قبل تصفير قاعدة البيانات للسنة الجديدة من البيانات المتغيرة والطلاب المتخرجين بحيث يمكن الرجوع الى نسخ الاعوام السابقة عند الحاجة نعم .. شكرا استاذ سمير

اخى العزيز .... ارفق ملفك وانا تحت امرك

جرب هذا المرفق InputBox Char DK.rar

بارك الله فيك أخي على الكلام الطيب وشكرا على الدعاء زادك الله بالمثل من علمه

هل هذا ما تقصده مزارع.rar

اخى وحبيبى الجموعى رائع رائع رائع زادك الله من علمه تقبل تحياتى

اسمحو لي بالمداخلة هنا ولو كانت متاخرة الافضل في مثل هكذا حالات هو وضع الصف بجدول مستقل . وعند الانتقال الى صف جديد يدرج كسجل جديد . وطبعا ممكن تاريخ الترحيل وبيانات اضافية . وهنا يمكن معرفة الصف الحالي للطالب بانه اخر سجل . ولا داعي لحذف بيانات ثابتة وليست متغيرة . هذه المداخلة ابو الاء بمناسبة الترقية !! ههههه! بالتوفيق

أستاذنا حســـــام عيســـى مجهود عظيم جزيت كل الخير عليه - أن شــاء الله سوف أطبق هذا الدرس الأن

اخى الحبيب استاذى محمد الريفى هذا ما تعلمته منكم وما العبد الا قطره فى بحر علمكم شكرا على كلماتك الطيبه ومرورك العطر تقبل تحياتى

حبيبي أ.حسام والله في أكثر من موضوع في دماغي وكلهم في منتهي الأهمية .. والقصة مش بخل ابدا لكن انت عارف نظام شغلى، والموضوعات اللى من النوعية دي محتاجة تحضير كويس حتى يتم تجميع كل ما يخص الموضوع بإذن الله هحاول جاهدا في الايام القادمة انى انزل بيهم موضوع موضوع تحياتي

اخى الحبيب والغالى الاستاذ احمد شكرا يا غالى على مرورك العطر عايزك تشرح لنا حاجه حلوه من علمك الغزيز عايز اتعلم منك واستفيض متبخلش علينا تقبل تحياتى

ما شاء الله ... أخي حسام حلقة رائعة واسلوب شيق وممتع في توصيل المعلومة مجهود كبير من استاذ قدير تحياتى

بسم الله ما شاء الله ..شرح في منتهى الجمال والروعة ربنا يبارك فيك يا مستر حسام ومشكور على الساعة الهدية (بس الساعة دي 60 دقيقة ؟ ولا ساعة الحظ متتعوضش) ملحوزة صغيرة : في المثال رقم 7 صحح عندك ..عشان تجيب العمود لازم فيه حاجة كمان تتغير ركز واعرف الخلطة فين : nn = Cells(1, Columns.Count).End(xlToLeft).Column ركز واصحى فيه ناااااس مراقبينك !! تقبل تحياتي

الاستاذ الفاضل الصقر .. اولا احب ان احييك على روحك الرائعة و همتك العالية كما اشكرك على توضيح الطريقة التي تحسب بها شركتكم الموقرة و احب ان اوضح ان كلا الطريقتين هما صحيحتين و يعتمد الامر على سياسة الشركة في المرفق تحليل بسيط للمعادلتين حيث نحاول ان نجيب على السؤال التالي: اي المعدلتين تصب في مصلحة الشركة و ايها لصالح المندوبين؟ نتيجة التحليل معادلة السيد جمال لصالح الشركة بينما معادلة السيد الصقر لصالح المندوبين. رأيي المتواضع في المسألة: اميل الى معادلة شركتكم و ذلك ان الغرض الاساسي لها هو تشجيع المندوبين على بذل اقصى مهاراتهم لزيادة نسبة المبيعات. كما اميل لمعادلة الاستاذ جمال عند استخدامها من جانب الشركات الخدمية التي تتعامل مع المواطنين. فمثلا شركة الكهرباء تعتمد في حساب الفواتير على معادلة السيد جمال و ذلك لتقليل نسبة الزيادة في الفاواتير و من ثم تشجيع المواطنين على الدفع. توضيح بعض الفروقات من الرسم البياني نجد ان كلا المعادلتين تتطابق من 0 الى حاجز 250 الف. من ال 250 الف الى 350 الف تستمر نسبة الزيادة الى ان تصل لذروتها 6% من حاجز 350 الف نجد ان الفرق في القيمة ثابت و لايتغيير بينما نسبة الزيادة في انحدار. مرفق ملف لتوضيح هذا و الله اعلم commission.zip

بارك الله فيك استاذ / ابو خليل تمت اضافة بسيطة وهى ترجيل بيانات الصف السادس إلى جدول اخر فى نفس قاعدة البيانات قبل حذف الصف السادس ملحوظة سوف يتم ترحيل كل صف الى الصف الأعلى دون شرط النجاح لذا يجب ان يضاف شرط نجاح الطالب student7.rar

جرب اضغط على مشاركة المصنف ثم أزل علامة الصح

أخي الحبيب ابن مصر بارك الله فيك دايما سداد ورانا ..ربنا يحميك من كل سوء

http://www.officena.net/ib/index.php?showtopic=45722 اقوى عمل بالمنتدى الرائع تحياتى

استاذى الفاضل جمال عبدالسميع المعادله رائعه وفكرتها اروع ولكن اسمح لى انا فهمت سؤال الاخ احمد بدر على التالى 1- الشريحه الاولى من 0 الى 100000 يتم حساب العموله *2% ( مثال لو حقق المندوب مبيعات مثلا 90000 يتم الضرب فى 2% 2- الشريحه الثانية من 100001 الى 250000 يتم احتساب العموله *2.5% ( مثال لو حقق المندوب مبيعات مثلا 180000 يتم ضرب 100000*2% لانها تقع بالشريحه الاولى +80000*2.5% لانها تقع بالشريحه الثانية 3- الشريحه الثالثه من 250000 فما فوق يتم احتساب العموله *3% مثال لو حقق المندوب مبيعات مثلا 300000 وهو المثال المذكور فى المشاركه السابقه يتم ضرب 100000*2% لانها تقع بالشريحه الاولى +150000*2.5% لانها تقع بالشريحه الثانية +50000*3% لانها تقع فى الشريحه الثالثه وعلى فكره ده اللى انا فهمته من سؤال السائل ودا النظام اللى متبع بالشركة التى اعمل بها ففى هذه الحاله المعادله الثانية والثالثه لا تفى بالغرض ويجب ادخال IF معها لكن الحمد لله السائل عمل لايك على مشاركة حضرتك افضل اجابه اذن هذا هو مبتغاه والخطا عندى لم افهم مقصده من السؤال تقبلوا تحياتى

السلام عليكم أخي العزيز تفضل المرفق به ماطلبت خزينة تجربة.rar

الف الف مبروك على الترقية المستحقة نسأل الله لاخينا الاستاذ عبد الرحمن التوفيق و السداد

لم اكن اريد ان ترفع ملف الاكسس الان بل اريد شرحا تفصيليا عن نظام محطة الوقود هذه و كيف تعمل ثم بعد ذلك نفكر كيف حول تلك الطبيعة الى قاعدة بيانات

السلام عليكم ورحمة الله وبركاته بحثت ابي شرح واضح بالاكسل عن اللي ابي اسويه اللي ابي اسويه كا التالي ابي احدد اكثر من تاريخ بالانتهاء مثلا الخلية الاولى الاسماء فامثلا الاسم محمد الخلية الثانية بكتب فيها تاريخ انتهاء المهمه لشخص اخر اسمه مثلا ياسر : فامثلا تاريخ انتهاء المهم حددتها 25/01/2015 وتاريخ مهمه لشخص آخر واسمه : ثامر : تاريخ انتهاء المهمه 11/02/2015 وتاريخ مهمه لشخص ايضاً آخر واسمه : ياسيمن : وتاريخ الانتهاء 25/04/2015 ابي الاكسل يعطيني تنبيه تلقائي ويحول الخلية الى لون مثلاً الاحمر في الوقت الذي ينتهي تلقائي و قبل ماينتهي ايضاً مثلاً باسبوع يعطني تنبيه تلقائي كيف اسوي هذه الحركه بالاكسل وشكرا

مبارك على الترقية اتمنى لك التميز دائما

الف مبروووووووووووووووووك ترقيه مستحقه انسان على خلق بارك الله فيكم

تهانينا القلبية للأخ العزبز والكريم / عبد الرحمن هاشم

بارك الله فيك اخى الحبيب اسلام الشيمى صاحب الذوق الرفيع والاخلاق العاليه اشكرك على كلماتك الطيبه

الاستاذ عبدالرحمن هاشم الف مبروك على التميز دائما فى رقى وتقدم ان شاء الله

السلام عليكم أخي الحبيب / أبو آلاء هون عليك تذكر أن المنتدي للجميع للتعلم والتعليم - الهدف الأسمي والأخ عندما غير أو بدل ، هو أو غيره لايحتاج لإذن حيث أنك وضعت البرنامج لنفس الغرض وقد رأينا ردك علي الأخ الفاضل (عبد الفتاح كيرة) يسأل في المشاركة رقم 3 أعتقد في الموضوع الأصلي ترد عليه "استاذى الحبيب - البرنامج كله تحت امرك عدل فيه كيفما تشاء وارجوا منك عمل اللازم ليستفيد الجميع" هذه هي الروح المطلوبة ولكننا نعتب علي الأخ الذي حذف اسمك ووضع اسمه بدون داعي ولم ينوه حتي إلي مصمم البرنامج الأصلي فليست هذه أخلاقنا في المنتدي رجاء إخواني ألا ينزع الشيطان بينكما وليكن هدفنا كما كان دائما نشر العلم لوجه الله فقط

حسب قوانين المنتدى سيحول الموضوع الى قسم الاعلان يمكن لم عنده القدرة مراسلتك على الخاص تذكير : الموقع لا يتحمل أي مسئولية

جرب الملف المرفق SUM In Worksheet_Change.rar

بسم الله الرحمن الرحيم ولدي العزيز محمد السلام عليكم و رحمة الله تعالى و بركاته قرأت موضوعك و أحسست بمعاناتك إحساس الأب بمعاناة أبنائه ، لكن بني الحياة بحر و نحن بها قشة تتقادف بنا أمواجه ، هذا فيض من غيض ، فكن مؤمنا بقدراتك و لا تأبه إلى الآخرين فالناس معادن و كل يحركه ضميره و أصحاب الضمائر الغائبة كثيرون يتربصون و يتصديدون الفرص بغية تصدر المشهد ، لكن عندنا في المغرب مثال مفاده أن من يرتدي كسوة غيره كالعريان ، ولدي و حبيبي في الله هذا موقف من المواقف التي ستتعرض لها في مسيرة حياتك مرات عديدة تشبت بالله و كن قويا و اجعل من مثل هذه المواقف مصدرا لقوتك و لا تجعل منه مصدرا لضعفك فأنت صاحب العمل سواء انتحله غيرك أم لم ينتحله ، فلماذا تأبه بعمل خسيس مثل هذا كن قويا بإيمانك و اجعل أعمالك هبة لله فمن شكر شكره الله و من منَ سيمن عليه الله و يكفيك فخرا أن يرضى الله على عملك .

السلام عليكم ورحمة الله اخي الشنقيطي عندي ملف جاهز لشيكات الأهلي + الراجحي تميز + ساب + الأمريكي + تجيير الشيكات بحث عن اي جزء من اسم العميل عند ادخال بيانات العميل او ايضاحات الشيك + حفظ البيانات + بحث خلال فترة سوف اوافيك به اليوم ان شاء الله

asalamu aalaykom wa rahmatu lahi taala wa barakatuh yucharifuni katiran an ocharika fi hada almuntada lima laho min ahamiya kabira jidan.lida wa bikhtisar in samahtom,uridu minkom an tufiduni bimaelumate aan MICROSOFT ACCESS.lida urido tarha su aL. in amkan arad."kayfa yumkin tasyir maktaba fijamiaatin ma bil MICROSOFT ACCESS.khassatan bima yussama Formulaire(barnamaj)wakayfiyat elbaht bil recherche al kutube"