فكرة البرنامج اللي محتاجها تتلخص في نقطتين :
الأولي :
نفترض انك عندك 4 تاكسيات و مشغلهم و عايز تعملهم حصالة كل سيارة تسدد من دخلها اشتراك شهري ثابت فيها و ليكن 500 جنيه .
بكده هيكون عندك 2000 جنيه كل شهر ثابتين هيدخلوا الحصالة دا غير الباقي اللي ممكن يتبقي من الشهر اللي قبله سواء بالموجب او بالسالب .
و طبعا كل سيارة هيكون ليها اصلاحات كل شهر و هتجيب فواتير و بالتالي عايزين ندخل الفواتير دي و نخصمها من الحصالة .
و فى النهاية المهم ان يكون في تقرير يعرفك كل سيارة صرفت قد ايه الشهر ده من خلال مجموع فواتير الاصلاحات اللي هيجيبها السائق .
و ايضا الأهم تقرير شامل كل شهر بمجموع مصاريف التاكسيات الأربعة و ايضا الباقي فى الحصالة بعد خصم مجموع المصروفات و في نفس الوقت يضم اضافة الباقي على الشهر الجديد و هكذا .
الثانية :
عايز اقارن بين استهلاك التاكسيات من البنزين و بالتالي من خلال قراءة العدادات كل اسبوع ، و بالتالي حساب تقديري لتكلفة استهلاك البنزين لكل تاكسي .
و مقارنتها باستهلاكها الفعلي من خلال الفواتير اللي هيجيبها السائقين .
و برده هكون عايز تقرير لكل تاكسي منفصل و تقرير مجمع لكل التاكسيات.
ملحوظة هما دول اصعب نقطتين فى البرنامج ، الباقي انا ممكن اتعامل معاه ، و ربنا يسهل ان شاءالله .