access lover

البرنامج جميل ... بس ليه عليه شوية ملحوظات على قد فهمي من مراجعه البرنامج واختباره: 1 - انا عن نفسي بعتبر من الغلط ان يتم تسميه الجداول و الإستعلامات و الفورم واي اوبجيكت بالعربي لأنها بتعمل صعوبة كبيرة في كتابة اي كود لرخامه انك تكتب انجليزي وبعدين تكتب عربي وبعدين انجليزي فا دي بتزود الأخطاء ... فدي نصيحه من اخوكم الصغير بلاش تسميه اي اوبجيكت بالعربي. 2 - في بناء الجداول ليه كررت في جدول زي التوريد او الصرف اسم العميل وكوده موجود او اسم المنتج وكوده موجود طالما دخلت كود استعمله في العلاقات مينفعش تفضل ماشي بكل الداتا دي متكررة طول مانا ماشي بدخل عمليات في قاعده البيانات ده كده اسمه تكرار ومستعملتش العلاقات صح. 3- في المنصرف مبيسمحش ان اصرف اكتر من المخزون ده جميل بس بيسيبني اكمل بعد الرساله . المفروض يروح للخليه دي ويشيل القيمة المدخله دي علشان ميعملش قيمه بالسالب بعد كده .. لأن بعد الرسالة دخلتها وكملت عادي. 4- من الحجات الخطيرة ان مفيش اقفال حقيقي يعني المفروض الإقفال يروح يرصد وياخد الرصيد يحطه في جدول لأن ده طبعا عامل تأثير على كشف حساب حركه الصنف ... لأن طالما مفيش اقفال فلو عملت بحث بتاريخ بعد تاريخ ادخال عندي مش هيظهرلي الرصيد الحقيقي يعني نشرح مثال: لو صنف دخلتله 100 قطعه رصيد افتتاحي في 1-1-2007 ودخلت حركه وارد 300 قطعه في 3-4-2007 ودخلت حركه منصرف 200 قطعه في 5-5-2007 لو على البرنامج عملت بحث عن حركه صنف من تاريخ 1-4-2007 الى 5-5-2007 هيظهر عندي رصيد =100 مع ان المفروض يظهر 200 لأن فيه رصيد قبل كده ولو الى قبل كده حركات برضوا مش هيظهر فده يعتبر عيب خطير في البرنامج. 5- اني ادخل سعر التكلفه في تكويد الصنف مش منطقى لأن سعر الوارد متغير علشان يديني قيمه مخزوني فعلى مش تقريبي ..و علشان تقرير رصيد الصنف النهائي تكون سليمه لازم يتحسب بالسعر المتحرك .. يعني السعر يدخل مع القيود زي مبدخل التكلفه علشان اعمل عليه التقييم وبعدين احسب سعر متحرك يكون كالتالي: لو اشتريت كميه 100 بسعر 10 جنية = 1000 جنية واشتريت كمية 50 بسعر 8 جنية = 400 جنية يبقى المفروض السعر المتحرك :( 1000 + 400 )/ 150 = 9.3 ده المفروض سعر التكلفة المتحرك والمفروض يتغير مع كل اضافه علشان يديني قيمه المخزون كام بس كده معلش اذا كنت رخم وطلعت حجات كده بس بجد لأن عجبني مجهودك جدا وخسارة انه يقف عند حجات صغيرة وانا عارف دي النسخه اللإولى بس انشاء الله تبقى النسخه التانيه احسن واحسن وانا متأكد انها هتكون هايله ... انا كان نفسي اتفرج عليها تاني الصراحه بس مش عايز يشتغل بيقول اني خلصت عدد مرات الفتح.. بس خير انشاء الله الجديد يبقى اكتر شوية.. جزاكم الله خيرا وبالتوفيق دايما وليد

في المثال المرفق مثال للجدوا المشكله في في الجداول جدول اسمه priceلما تشوفوه هتلاقي قي خانتين خانه للتاريخ وخانه للقيم المطلوب كود او استعلام يعمل زي بحث على التواريخ الناقصه بين تاريخين ويضيف قيمه ال open في التواريخ الى اضافت يعني مثلا عندي تاريخ 1-1-2000 والقيمه الى معاه مش موجوده والتاريخ الى بعده 20-1-2000 و القيمه التابعه في التاريخ ده 10 مثلا عايزين نضيف سجل بكل تاريخ ناقص بين التاريخين دول مع اضافة القيمة الى هيا 10 دي في التواريخ الي اضيفتوهكذا على طول الجدول هو رخم شوية بس حاسس انه تحدي لأي واحد بيخب اكسييس شكرا وفي انتظار مشاركاتكم case.rar

عزيزي ايو حمزة الحل بسيط اعمل ملف الإكسل واعمل الجدول [اسامي الحقول في اول صف زي ماتحب وبعدين روح على الأكسيس و click right في الجداول واختار link table واختار الملف وكده تبقى ربطت الملف ويبقى زي اي جدول اشتغل عليه عادي اعمل فورم يققرى ويضيف في الجدول ده واي تعديل هاتعمله هايرمي في الملف ده بس بشرط ميكونش مفتوح وانته شغال عليه من الأكسيس ... اتمني يكون الحل ده هو المطلوب

استاذي عقيل جزاك الله خيرا على برنامجك الظريف جدا ... ولكن فعلا انا جربت و زودت التارخ بعد انتهاء المده اضفت الرقم مرة اخرى فأضاف لي 15 يوم جديده لأن الرقم هو هو ... هل في حل ليها ... وهل ممكن تضيف ان ممكن اختار اذا كان احب اربطه بال C او ال D درايف مثلا او بأي removable drive كأن اوصل فلاش درايف و اخليه يعمل عمل الدنجل يعني من غيره البرنامج لايعمل يجب وضع الفلاش درايف ليعمل البرنامج وهكذا ممكن احط على الفلاش المده و يجب تفعيلها من برنامجك. يعني دي فكرة ممكن تضيفها لتفيد انشاء الله لأني شفتها في برامج انجليزيه ولكننا نفسنا نعمل حاجه عربي جميله انشاء الله يستفيد منها الجميع. وشكرا مرة اخرى ..