M.Abd Allah

السلام عليكم ورحمه الله وبركاته عباقرة واساتذه وعمالقة اكسس اتمني من الله ان يوفقكم جميعا لما فيه الخير والصلاح بالمناسبه انا عارف ان الموضوع ليس بجديد علي الكثير منكم وبالفعل يستخدمه الكثير والكثير منا في عمله علي بعض الاكواد او التصاميم واصلا الهدف من فتحي موضوع جديد هو توصيل رساله للجميع وانا اولكم دون تقليل لاحد الهدف من اي مجموعه او منتدي او مشاركه دائما ما تكون استفاده وليس استعراض قوى او عضلات او مبارزه او مشاحنه فالذكاء الاصطناعي الان اصبح يدخل فكافه الجوانب ( انا شخصيا استخدمته كثيرا في تصميم قواعد بيانات كامله من الالف للياء - واستخدمته علي نطاق واسع بدايه من تصميم الجداول والاستعلامات حتي إني خليته يصمملي تصاميم النماذج والتقارير ويعطيني اكواد ودوال كامله تصمم عني ) كنتم دائما حريصين علي افاده الكثير مننا بالافكار والطرق وكان المنتدي ملئ بالكثير من الاستشارات والمواضيع حتي ان كل ساعه كان بينزل منشور او اتنين سواء من سائل او من احد الخبراء لو كان احد حتي غاب عن الموقع كان بيبقي فيه بوست للاطمئنان عليه ( هو غاب ليه يا جماعه لعل المانع خير وهكذا ) دلوقتي كما اري ولعلكم ترون جميعا المشاركات قليله وحتي الظاهر منها استعراضات ( وياريتها منافسات سويه انت كويس وانا كويس وده كويس بس ناقصنا كذا او ممكن نعمل كذا احسن وانت تضيف كذا وانا اضيف كذا ) وهكذا راجعو أنفسكم وحاولو ترجعوا الي ما كنتم عليه يرحمنا ويرحمكم الله وعشان كده انا فتحت الموضوع الجديد ( وده حق ليا كعضو فالمنتدي ) واعتقد اني حطيته في مكانه الصحيح عشان لو اتحذف الموضوع او اتنقل الي مكان اخر انا عايز اعرف ايه توقعاتكم لقواعد بيانات اكسس بالمرحله القادمه بناء علي الذكاء الاصطناعي والتطور التكنولوجي القائم واسف علي الاطاله

ليس بغريب عليك جراح اكسس فعلا وعملاق في افكارك الله ينور عليك يا دك

حبيبي يا بروف انت ربنا يعلم من الأشخاص اللي اعتز بيهم انا بخير ماشي الحال اللي قولته دا فعلا من قلبي وقليل عليك انت تستاهل كل خير لانك فعلا انسان

اعتقد أن اللقب الجديد مش هيضيف للبروف شئ جديد لأنه من يزين الألقاب مجدا الف الف مبروك يا بروف دائما موفق

الله ينور عليك يا مايسترو ايه الابداع ده

الله ينور عليك يا هندسه شغل عمالقه بصحيح 🌹🌹🌹

السلام عليكم ورحمه الله وبركاته الله ينور عليك يا مايسترو شغل عالي جدا جدا وشرح وافي كافي ايه الحلاوه دي روعاتك يا ابو جودي

الجراح جراح برضو شغل عالي جدا يا دكتره ايه الحلاوه دي

ليه بتقول كده يا ابو جودي ربنا يعلم اني مش بجامل واسأل عني البروف فادي أو الجراح موسي وجودك اضافه لاي ملف حتي لو عملت فيه ليبل انا شهادتي فيك هتكون مجروحه يا استاذ محمد ☺️☺️☺️

شكرا لاهتمامك يا هندسه 😊

خد راحتك يا كبير

لا يصح الا الصحيح وبعدين هو اصلا مبيقولكش عالجروب برضو غير كده 🤣🤣 انا ريحتكم مني فتره فالجروب وهنا اعتقد كده مبسوطين من غيري

بالظبط يا مايسترو

انا فعلا مش فاكر والله هو بتاع مين هو حد كان جايبه فاضي بدون اكواد عالجروب وعملتله ساعتها اكواد لكن تصميمه عجبني فخدته ( عشان كده انا قولت إن بعض التصاميم مش بتاعتي ) وعجبتني من ملفات ناس

حبيبي يا جراحنا بس البروف هو الاسطوره فادي 🤣🤣🤣 اللقب ده بتاعه

دا عيب فني مني لأن كل حاجه كانت شغاله ويادوب قبل مرفعه بعشر دقائق غيرت فى العناوين واسماء وبعض كلمات رسائل فى اكواد ال vba فواضح أني لغيت أو غيرت فى حاجات دون قصد والله لكون المسميات كانت خاصه بمجال معين اسف كلمه المرور اعتقدت أنها هتبان في الصوره المرفقه وتم تضمينها فى تعديل وطبعا شرف ليا كل ملاحظات ويقدر اي حد مبتدأ فى الاكسس يعدل عليه ويظبطها حبيبي يا عبقري تسلم لذوقك

🤣🤣 حبيبي يا بروف لكن مستغربتش من وجودي كعضو هنا يجي حوالي ٤ سنين بدون اي مشاركات 🤪🤪🤪

اللهم امين احنا وانتم والناس كلها إن شاءالله تسلم يا بروف دا من ذوقك مجامله طيبه منك انت اسطوره ودائما بنتعلم منك بس الحقيقه إن ده مش اول مشروع ليا دا تقريبا المشروع رقم ٨ ولكن كل برامجي لا تنطبق علي القطاعات المدنيه وده تقريبا اول واحد يبقي مشابه لحاجه قولت اطرحها لعل حد يستفاد بيها ☺️☺️

السلام عليكم ورحمه الله وبركاته اضع بين ايديكم هديه متواضعه صدقه جاريه على روح والدى ( برجاء قراءه الفاتحه ) الانتهاء من برنامج اداره وتوزيع النوبتجيات والاجازات ينفع لكافه الانشطه المدنيه العسكريه التى تعتمد على نوبتجيات او ورديات - متابعه الاجازات بدقه ( يحسبلك المتبقي من العرضيات والسنويات وما الي ذلك ) ورفض تسجيلها فى حاله كون الموظف نوبتجي - توزيع النوبتجيات اتوماتيك لكل القوه حسب النوبتجيه المكلف بها ( استثناء الاجازات من التوزيع ودرجهم فالدور بمجرد انتهاء الاجازات ) - عرض تقارير مفصله ( سواء اجازات - نوبتجيات لكل موظف ) - حجم البرنامج لا يتعدي ١٠ ميجا ويعمل علي كافه انظمه اوفيس بدايه من اوفيس ٢٠١٠ - يضع التقارير والنوبتجيات تلقائي في مجلدات بجانب البرنامج ( تقارير شهريه - نوبتجيات موظفبن - اجازات موظفين - نوبتجيات يوميه ) - يصلح لكافه الاغراض المدنيه التي تعمل علي ورديات مختلفه أو توزيع عماله علي اماكن عمل ومواقع مختلفه ( سواء شركات أمن - شركات نظافه - خدمات بتروليه - مصانع ...الخ ) -😎😎 البرنامج مجاني بكل اكواده وتصميماته ومتاح للتعديل صدقه جاريه على روح والدى الله يرحمه فضلا وليس امرا الدعاء له كلمه المرور 1510 ملحوظه تم الاستعانه بتصميم بعض قواعد البيانات ( تصاميم فقط ) لكن كل اكواد البرنامج هي من تصميمي إن شاءالله نوبتجيات.rar

شغال عالي يا باشمهندسه الله ينور 🌹🌹🌹

رائع الله ينور عليك🌹🌹🌹🌹

هتعدل الداله فقط بالشكل التالي Public Function HandleKeyDown(KeyCode As Integer, Shift As Integer) As Integer If (Shift And acShiftMask) > 0 Then ' إذا كان مفتاح Shift مضغوطًا Select Case KeyCode Case vbKeyC ' إذا كان المفتاح المضغوط هو C MsgBox "Shift + C تم الضغط على" HandleKeyDown = 0 ' لمنع إدخال بيانات في الحقل الحالي Exit Function End Select ElseIf (Shift And acCtrlMask) > 0 Then ' إذا كان مفتاح Ctrl مضغوطًا Select Case KeyCode Case vbKeyB ' إذا كان المفتاح المضغوط هو B MsgBox "Ctrl + B تم الضغط على" HandleKeyDown = 0 ' لمنع إدخال بيانات في الحقل الحالي Exit Function End Select Else Select Case KeyCode Case 115 ' F4 Form_Form1.k1.SetFocus HandleKeyDown = 0 ' لمنع إدخال بيانات في الحقل الحالي Case 114 ' F3 Form_Form1.k5.SetFocus HandleKeyDown = 0 ' لمنع إدخال بيانات في الحقل الحالي Case Else HandleKeyDown = KeyCode ' لإعادة KeyCode الأصلي لتمكين إدخال البيانات في الحقل End Select End If End Function بقيت التكست بوكس كما هي

الله ينور شغل عالي يا استاذه

انت اي حاجه بتعملها بتبقي جامده يا بروف 😉 😉 ولا اقولك يا MPV بروف ☺️ ☺️ انت مش فنان انت دائما مبدع لو عملت نموذج فاضي حتي هيكون اختراع 🙄🙄 انا مش بحسد انا بقر بس 🤣🤣

الحمد لله ان حضرتك اكتشفت الغلط فين جل من لا يسهو ( محدش فينا كبني ادمين مبيغلطش ) ☺️☺️ اما بالنسبه لسعه صدرى دي كانت عشان انت راجل محترم فكان حقك اني لازم ارد عليك قدام من الاول حاولت اساعد ومش عيب اني لما اوصل لنقطه اني مش فاهم السؤال او المشكله اسيب الطريق لغيري يكمل لأن موجود كتير جدا من هو افضل مني ( انا مجرد هاوي ) 🥱🥱🥱 بالنسبه لأفضل اجابه دي فدي والله لم تعد تعنيني علي الاطلاق 🤓 انا بجتهد لنفسي ( بحب اتحدي نفسي في صعوبات الاكسس ) تحياتي لشخصك