edkawy

الاخ الكريم / بن علية بارك الله فيك على مجهودك و جعله الله فى ميزان حسناتك والله الملف اللى حضرتك عاملة ممتاز بس المشكلة انى مش عارف استخدمة , يعنى انا حاولت اضيف اسماء عملاء جديدة و بيانات مختلفة لعملاء اسماؤها موجودة اصلا فى الملف ولكن كشف الحساب بيجيب العمليات القديمة بس و مش بيجيب العمليات الجديدة و مش عارف اية السبب . بصراحة ان امكن حضرتك تشوف الملف المرفق اللى عاملة الاخ ياسر( حسابات جديدة - ياسر 1) هو اسهل فى الاستخدام بالنسبة ليا لان اسماء العملاء مش مكررة فى خانة كشف الحساب و لما بحب اضيف او اعدل اى بيانات فى صفحة البيانات بتتغير اتوماتيك فى صفحة كشف الحساب بس شكل وتصميم كشف الحساب فى الملف بتاعك افضل لان اسماء العميل مش متكررة و دى ميزة مهمة جدا ومطلوبى فى الكشف. اللى الشغل عندى محتاجة هو مزيج من الطريقتين , نفس تصميم الملف الاصلى اللى حضرتك اشتغلت علية مع نفس طريقة الاخ / ياسر بمعنى تانى المفروض الملف يكون : ** سهل الاستخدام فى اضافة و حذف اى بيانات ** كشف الحساب يكون بدون ظهور اسم العميل فى جميع الصفوف ( الحركات اليومية ) ويكتفى فقط باسم العميل الظاهر فى اعلى الكشف. **ان كشف الحساب ياخد اتوماتيك جميع الحركات اليومية للعميل سواء ان كانت كتيرة او قليلة او سواء كانت بين فترتين من تاريخ كذا الى كذا . ** فى نهاية الكشف ( او فى بداية الكشف ) يكون اجمالى التعاملات للعميل من( واصل الية / واصل منة / رصيد العميل) واضحة ومطابقة للبيانات انا عارف ان الطلبات دى كتيرة بس ارجوة المعذرة لانى حاولت ياما و معرفتش اوصل لحل . بارك الله فيكم جميعا و جزاكم الله خير سلام عليكم حسابات جديدة - ياسر 1.rar

الاخ ياسر / عفوا للخطا الغير مقصود الملف مرفق جزاك الله خير حسابات جديدة - ياسر 1.rar

حسابات جديدة - ياسر 1.rarالاخ الكريم ياسر / بارك الله فيك انا اخدت الملف اللى حضرتك عدلت فية و حاولت انى اجهزة للشغل زى ما هو مرفق عندى بس فى مشكلة فى دالة vlookup انها بتشتغل مع اسماء و اسماء مبتشتغلش معاها مثلا اسم عادل عادل الدالة شغالة تمام بس مع اسم احمد احمد فية معلومات الدالة مش بتظهرها . مش عارف اية السبب . ؟ وفى بردة مثال مع اسم احمد احمد مثلا اكتر من 70 صف ( 70 حركة يومية ) واللى انا فهمتو ان لازم صفحة كشف الحساب تكون متظبطة بعدد صفوف اكتر من صفوف اسم العميل المطلوب اننا نطلع كشف حسابة ولو مكنش دة معمول , فى الحالة دى الكشف هيظهر لحد اخر الصفوف الفاضية فى الكشف ( هيا مش فاضية هيا فيها المعادلات ) مش ممكن حل للمشكلة دى عشان اطمن ان الصفوف اللى موجودة فى الكشف هيا فعلا كل الصفوف الموجودة فى صفحة بيانات الخاصة بالعميل ؟؟؟ يارب تكون الاسئلة واضحة وبارك الله فيك مقدما على مجهودك سلام عليكم

بارك الله فيك يا اخ ياسر على اهتمامك بالموضوع بس بصراحة المعادلات الموجودة فى الملف صعبة جدا عليا ياريت لو فى طريقة شرح ازاى اوفق المعادلات دى فى الملف يتاعى سلام

السلام عليكم يا اخوانى الرجاء المساعدة فى الملف المرفق و بارك الله فيكم مقدما المطلوب هو عمل كشف حساب للعميل بمجرد انى اختار الاسم من خانة اسم العميل فى شيت كشف الحساب البيانات الخاصة بالعميل زى رقم الهاتف و العنوان بتظهر اتوماتيك باستخدام دالة VLOOKUP من المعلومات الموجودة فى صفحة العملاء والموردين بس المشكلة انى حاولت اربط بين خانات بيانات الكشف و خانات البيانات المشابهة لها الموجودة فى شيت الداتا بس مش عارف . انا شفت نفش الفكرة موجودة فى المنتدى لما بحثت على طريقة عمل كشف الحساب بس لقيت ان معظم الطرق بتعتمد على استخدام اكواد للاصناف و ادخال فواتير الرجاء لو ممكن اى حد يساعدنى فى الملف المرفق و لة جزيل الشكر مقدما سلام عليكم حسابات جديدة.rar

الاخ الكريم هشام بارك الله فيك هو المطلوب جزاك الله خير

السلام عليكميا اخوانى يا جماعة انا عندى الملف المرفق كمثال و يحتوى على اعداد كثيرة من الخلايا تحتوى على ارقام كثيرة والمطلوب لو امكن معادلة او كود انى اضيف الحروف المطلوبة منى ( متغيرة ) فى بداية الخلية مع الاحتفاظ بقيمة الخلية زى ما هى ويكون التعديل بردة فى نفس الخلية/ العمود مش فى عمود تانى زى ما انا عامل فى المثال ارجو ان السؤال يكون واضح وبارك الله فيكم مقدما محمد New Microsoft Excel Worksheet.rar

الاخ الكريم عبد الله جزاك الله خير بارك الله فى جميع الاخوة اللى تفضلو بالمساعدة و جزاكم الله خير السلام عليكم

الاخ الكريم عبد الله بارك الله فيك , هو دة المطلوب اذا ممكن اعرف من حضرتك الطريقة لتغيير الارقام عشان استخدمها فى المستقبل؟ جزاكم الله خير

الاخوة الاعزاء بارك الله فيكم جميعا انا استعلمت النموذج المرفق من الاخ Mahmoudfoxform و الملف الاصلى مرفق المشكلة اللى عاوز مساعدتكم فيها هيا ظهور ارقام الهاتف بالعربى فى نافذة البحث مع انها مكتوبة بالانجليزى فى الملف و مع ظهورها بالعربى بيكون رقم الهاتف غير صحيح ارجو التكرم بالمساعدة ازاى الارقام تظهر بالانجليزى بنفس التسلسل اللى موجود اصلا بارك الله فيكم new data.rar

الاخ الكريم عبد الله بارك الله فيكم و فى القائمين على هذا الموقع الحمد لله الملف اشتغل معايابس فى طلب اخير لية الارقام بتظهر فى البحث بالعربى مع انها مكتوبة بالانجليزى سامحنى على الاسئلة بس ارجو الرد لو عندك وقت جزاك الله خير و الف شكر

الاخ الكريم عبد الله . بارك الله فيك اذا سمحت ممكن اعرف طريقة انسخ بيها الكود دة عشان استخدمة فى الملف اللى عندى جزاك الله خير تفضل المرفق

الاخ الكريم yahiaoui بارك الله فيك لردك السريع واهتمامك اذا سمحت ممكن اعرف طريقة انسخ بيها الكود دة عشان استخدمة فى الملف اللى عندى بارك الله فيك مقدما و عذرا للا زعاج الاخ الكريم ارجوا ان الموضوع التالي يفي بالغرض فورم بحث

سلام عليكم يا اخوانى الرجاء المساعدة فى الملف المرفق انا حاولت اعمل الفورم زى مهو موجود فى المنتدى بس النتيجة دايما مش مظبوطة المطلوب هو عمل فورم بحث لما اكتب بداية الاسم تبتدى تظهر البيانات الخاصة بالاسم زى العنوان و رقم الهاتف فى الليست بوكس بارك الله فيكم Book1.rar

بارك الله فيك اخى abumode75 على اهتمامك وردك على الموضوع معلش انا معرفتش ان الملف مش موجود ان شاء الله يكون موجود فى المشاركة دى سلام عليكم

السلام عليكم ورحمة اللة وبركاتة يا اخوانى انا عضو جديد فى المنتدى الجميل دة و اول شىء الواحد لازم يقولة هو الدعاء للقائمين على هذا الموقع المفيد جدا جدا وبارك الله فى جميع المشرفين والاعضاء ولا استطيع ان اذكر اسماء بعينها لاى استفدت من جميع المشاركات سواء كانت من الاعضاء او المشرفين فيارب بارك فيهم وفى اهليهم وانر بالعلم بصائرهم. الحقيقة انا كنت بدور على حل لمشكلة فى الاكسل والحمد للة لقيتها فى هذا المنتدى الرائع وبعدين حاولت اتعلم واستفيد من اى موضوع ممكن يسهل عليا شغلى والحمد للة الموضوع ماشى كويس خالص. انا لقيت شرح جميل ومبسط لطريقة ازاى تعمل بحث باستخدام الفبجوال بيسك زى مهو موجود فى المرفقات وحاولت اكتر من مرة انى اتبع الخطوات بالظبط حسب الشرح اللى فى ملف الباور بوينت والمشكلة ان الشكل النهائى فة ملف الاكسل ( ملف مثال ) تقريبا شبة الملف المرفق مع الشرح ولكن النتيجة مش مظبوطة ان امكن حد ممكن يشرح اية الغلط فى الملف المرفق ( مثال) عشان اعرف اية الحركة الناقصة او الغلط , اكون شاكر لية بارك الله فى الجميع والسلام عليكم ورحمة الله وبركاتة محمد سعد