elkareee

السلام عليكم عندى برنامج مخازن متكامل ولكن اريد اضافة اليه فواتير مبيعات ومشتريات وحسابات عملاء وموردين دائن ومدين وفى النهاية كشف حساب ... هل من مساعدة من الاساتذة لأنى مش شغلتى الحسابات ولكنى حابب اطور البرنامج ليصبح متكامل دمتم بخير

جزاك الله خير اخى الفاضل على المعلومة كلام منطقى جدا

السلام عليكم اخوانى الكرام فى المرفق نموذج Datasheet مصدره استعلام وبه عدة حقول غير منضمة UnBound يكتب فيها قيم يدويا ويستكمل النموذج الحساب ولكن هناك مشكلة فى الحقول اللتى يتم الكتابة فيها يدويا أن عند كتابة أول قيمة فى أول حقل تتكرر القيم فى السجلات التالية فلو كتبت 100 فى اول سجل باقى السجلات تكون بنفس القيمة المطلوب ان السجلات التى يكتب فيها يدوياً لا تقوم بتكرار قيمة أول سجل مثال على الحقول اليدوية ( أول المدة - الفعلى ) جزاكم الله خير 1.rar

ولا يهمك اخى الفاضل سلمت يداك الفكرة شغالة كويس وطبقتها على الاستعلام الخاص بالتقرير الاخر واشتغلت الحمدلله للعلم انا سابقا جربت عندى نفس الكود بالظبط ولكنه لم يقبل الفاصلة المنقوطة ; وعندما استبدلتها بالفاصلة اعطى خطأ ولكنه الأن يقبل الفاصلة المنقوطة لماذا ؟! مع العلم انى استخدمه فى التقرير وليس Vba عامة تمام جزاك الله خير

اخى الكريم ليس هذا المطلوب انما المطلوب جمع حقل zvalue من الجدول بشروط محددة ولكنك جمعته فى التقرير وجمعت حقل In وهو ليس بصلة بالموضوع ولكنه مجرد شرط لتحديد نوع الحركة هل هى صرف ام اضافة انظر للصورة . اجمالى قيمة حركات الاضافة Dsum("[zvalue]","Transactions","[In > 0] and [Code]='"&[Code]"'") اجمالى قيمة حركات الصرف Dsum("[zvalue]","Transactions","[In > 0] and [Code]='"&[Code]"'") بالطريقة السابقة نجحت فى تطبيق الفكرة ولكن اذا لم يكن هناك شرط التاريخ ولكن فى حالة وجود شرط التاريخ تكون النتيجة خاطئة لأنه بيجمع كافة القيم فى الجدول بدون مراعاة التاريخ. يعنى المطلوب مثلا كأنى بقول Dsum("[zvalue]","Transactions","[In]>0 and [Code]='"&[Code]&"' and [zdate] between [التاريخ المكتوب عند فتح التقرير اللى هوا من تاريخ؟] and [خانة التاريخ الاخرى اللى هى الى تاريخ ؟] ") يعنى اجمع قيمة الحقل zvalue من الجدول المذكور عندما تكون خانة In > 0 و الكود بيساوى كود الصنف اللى فى التقرير والتاريخ بين المدة المحددة فى التقرير ايضا جزاكم الله خير

مشكور على مرورك استاذ محمد لكن للاسف الطريقة بتدى خطأ برجاء تطيبقها على المرفق وطلب تانى بعد اذنك نفس الفكرة محتاج اطبقها على تقرير اجمالى اسمه 2 فى المرفق واسف على الازعاج test2.rar

لا يا أخى المطلوب جمع zvalue بشرط In > 0 و التاريخ يساوى فترة التاريخ مثلا من 1/12 الى 22/12 لكنك جمعت حقول التقرير فقط

السلام عليكم فى المرفق تقرير تفصيلى لصنف من الاصناف وبه اسعار للاضافات والصرف لهذا الصنف محتاج اقوله اجمع اسعار الصنف من الجدول عندما يكون الكود = الكود و الصرف > 0 مثلا و التاريخ بين التاريخين اللى ادخلتهم فى المعيار حاولت اطبق الفكرة لكن خبرتى محدودة ... دمتم بخير test2010.rar test2003.rar

تمام نيجى لمرحلة الاضافة والصرف : أولا : فى حالة الاضافة او الصرف بيقوم البرنامج باحضار تصنيف الصنف ده فى جدول Item Names اللى هيا خانة PrCode ومقارنتها بجدول المنتجات فى خانة PrCode برده ويشوف هل موجودة ولا لا لو موجودة يعنى الصنف ده منتج تام يقوم عامل احضار لقيمة Price الخاصة بيه وكاتبها فى AvgPrice فى جدول الحركات ثم ضربها فى الكمية سواء صرف او اضافة لينتج قيمة Zvalue تلقائيا تمام ؟ طيب فى حالة انه ملقاش التصنيف ده فى جدول المنتجات او كان التصنيف فارغ يبقى الصنف ده مكونات وبالتالى يقوم عامل اضافة او صرف بدون حساب اى معادلات او اى شئ ولكن ادراج سجل عادى بصورة طبيعية جدا .. طبعا لو لاحظت تلاقى الموضوع حلقة مكملة بعضها تضيف مكونات .. تديها قيمة .. تقوم حاسبة تكلفة المنتج .. تضيف او تصرف منتج يقوم جايب القيمة اللى اتحسبت فى الاول وهكذا ..

ده قصدى

تمام استاذى نقطة حساب التكلفة شغالة كويس وعطلت انا الرسائل وماشاء الله شغال ننتقل للنقطة التانية اللى هيا نقطة صرف واضافة المكونات و المنتجات الرئيسية هوا فى استفسار بالنسبة للحتة بتاعت لو فى صنف متكرر فى نموذج التقييم وقيمنا اول واحد وسبنا التانى بيقسم المتوسط على اتنين هل ممكن نخليه يقيم بصورة طبيعية وميقسمش الناتج على اتنين بس يعتبر الحركات الغير مقيمة كأنها مش موجودة ؟ انا بصراحة مش عارف مع التطبيق العملى فكرتك انتا الاصح ولا فكرتى عامة خلينا نكمل للأخر ولما يكتمل نبص للحتة دى فى انتظار التكملة نقطة تانية فى المرفق فى جدول Trans_Top خلى اسم الاستعلام فى دالة Dlookup فى الاسفل غير اسم الاستعلام الى test balance 2 لأنه هيطلعلك رسالة خطأ

ماشى تسلم استاذنا مبدأيا طريقة الحساب مظبوطة فى الاستعلامات وبالفعل السعر طلع مظبوط بس فيه كام ملاحظة : 1- ياريت نعمل Setwarnning False عشان كل شوية يطلع رسالة ان الاستعلام هيعدل سجل فى الجدول أو اقتراح نخليها جملة SQl Insert ده لو ينفع مع الطريقة لو مينفعش مفيش مشكلة 2- ظهرت مشكلة عندى لما حذفت الاصناف المتكررة فى جدول الحركات وخليتهم مرة واحدة عشان اشوف السعر واضح والمشكلة هيا ان الاستعلامات بتفضل مفتوحة ومعملتش تحديث لسعر المنتج الرئيسى شوف المرفق 3- لسة هجرب موضوع الصرف والاضافة وارجع لحضرتك مجهود جامد بارك الله فيك تقييم 11.rar

هههههه ماشى هيبقى فى سطور مستقلة بالنسبة لبنية الجداول هيا مش مختلفة فى المسميات احنا هنحتاج فى القاعدة الاصلية بس نزود العمود اللى موجود هنا ومش موجود هناك ده بالنسبة لجدول الاسماء Item Names العمود الزيادة اللى مش موجود فى القاعدة الاصلية هوا PrType للى فيه التصنيف انما باقى الاعمدة الى فيه مش هنحتاجها فى الفكرة دى بالنسبة لجدول المنتجات والبوم دول جداد اصلا مش موجودين هناك وهعملهم استيراد علطول وبالنسبة لباقى الجداول هيا زى الاصلية بالظبط بالنسبة بقى لمشكلتك فى المنتدى جرب تغير اللغة بتاعت عرض المنتدى شكلك عاملها انجليزى معلش اعملها عربى عشان الكلام يطلع متناسق عامة انا عملت استيراد لجدول الاسماء من القاعدة الاصلية وحطيته فى المرفق ده بس انا قبل كده قللت الحقول الغير مرتبطة لتسهيل عملية التصميم ومنع اختلاط الامور تقييم 9.rar

استاذى الحبيب جمال هما فعلا فى المثال الفرق بينهم حقل واحد ولكن ذلك بغرض تسهيل المساعدة اما فى القاعدة الاصلية لا يوجد جدول Bom من الاساس لأنى لسة مطبقتش الفكرة وبالنسبة للجدول التانى ده يعتبر الدليل الرئيسى فى قاعدة البيانات بتتم عليه عمليات البحث وجلب القيم وعمليات التصنيف وفوق كل هذا لا يقبل التكرار اما جدول Bom كما ترى يقبل التكرار وايضا البنية التصميمية للجدولين مختلفة تماما وعدد الحقول لن يكون متساوى ابدا بالنسبة للاستفسار التانى التسلسل بيبدأ باضافة الكمية فى نموذج Trans_Top بواسطة مستخدم ثم يتم كتابة القيمة يدوياً بواسطة مستخدم اخر على الشبكة فى نموذج FrmEvaluation وطبعا التقييم اليدوى للمكونات فقط لا تنسى اما المنتجات اتفقنا انها تلقائية اى توضيح اخر انا موجود انا اجازة النهاردة وان شاء الله هنخلص الموضوع النهاردة

طيب ده شئ جميل بص على المثال المرفق كتب فيه النتيجة المطلوبة يدوياً ولكنها تصلح كدليل توضيح انظر فى جداول Products و Transactions لاحظ الأسعار والتصنيفات تقييم 8.rar

بص ياباشا احنا هنفرق بين الوقت و الطريقة بالنسبة للمكونات (ماوس و كيبورد ) وقت الحساب Zvalue AfterUpdate طريقة الحساب لمتوسط السعر الخاصة بيهم عن هتكون عن طريق "Old Function" مفيش تغيير هنا يعنى فى نموذج التقييم اليدوى بعد اضافة القيمة يدوياً هيشتغل الفانكشن القديم ويحسب متوسط السعر بالطريقة القديمة التغيير الوحيد هوا اننا زودنا امر تحديث سعر المنتجات الرئيسية المرتبطة بالصنف ده ( Computer i3 مثلا) بالطريقة الجديدة (مجموع متوسطات المكونات) وكتابته فى جدول Products لاستدعائه فى عملية صرف واضافة المنتج الرئيسى فيما بعد . طيب فى نموذج Trans_Top يعنى فى حالة اضافة المكونات او صرفها هل هناك اكواد او حساب لمتوسطات اسعار ؟ لا فى حالة المكونات لا يوجد حساب متوسطات اسعار او اى شئ مجرد اضافة الكمية أو خصمها يعنى عملية مخزنية بحتة وملهاش علاقة بالتقييم . بالنسبة للمنتجات الرئيسية او المنتجات التامة ( Computer i3 ) وقت الحساب : In AfterUpdate او Out AfterUpdate على حسب نوع الحركة اضافة ام خصم والكلام ده فى نموذج Trans_Top والنموذج الفرعى Transaction_Sub طريقة الحساب : يتم استدعاء السعر الذى تم تخزينه فى جدول Products ثم كتابته فى جدول Transactions حقل AvgPrice وضرب الرقم فى كمية الاضافة او الخصم على حسب نوع الحركة والناتج يعنى حاصل الضرب السابق يتم كتابته فى Zvalue فى جدول Transactions يعنى نستنتج من الكلام ده ان عملية كتابة القيمة zvalue بالنسبة للمكونات هى عملية يدوية اما بالنسبة للمنتجات الرئيسية هى تلقائية تتم عن طريق ضرب متوسط السعر * كمية الخصم او الاضافة . يعنى البرنامج وقت الخصم او الاضافة بيشوف لو الصنف مكونات بيكملها حركة مخزنية بحتة بدون تقييمات اما لو لقاه منتج رئيسى هيبقى فيه عملية استدعاء لقيمة السعر المخزنة فى جدول Products اللى اتحسبت بعد تقييم صنف من المكونات المرتبطة بيه تمام ؟ طيب هوا البرنامج هيعرف الفرق ازاى بسيطة ؟ اللى هيبقى مكتوب فى جدول Products ده منتج رئيسى ومش هينكتب هناك مكونات انما لو مكانش موجود يبقى مكونات وطبعا اللى هيبقى مكتوب فى جدول Products هيبقى التصنيف بتاع المنتجات مش اسمها مثال جهاز Asus Core I3 التصنيف بتاعه هيكون Computer i3 هيبقى مكتوب قدامه فى Item Names وهيبقى مكتوب فى جدول Products عشان المكونات المرتبطة تمام كده ؟ كده لو فيه مسألة مش واضحة قولى واظن انك كده قربت يا برنس

استاذنا الغالى جمال لما فكرت فى الطريقة اللى انا شرحتها ظهرت كام مشكلة ممكن تحصل كالتالى : --فى حالة انى جبت كل المكونات لمنتج معين و عملت اضافة و قيمتها بالفعل وبقى ليها متوسطات اسعار بس المنتج لسة مشتغلش ومتعملش ليه اضافة وبالتالى متوسط سعر المنتج هيكون صفر وذلك لأنه هيحسب متوسطات اسعار المنتجات عند الاضافة . -- انا اعتمدت على كود الصنف مثلا كمبيوتر الموجود فى المثال طيب مثلا انا عندى 3000 نوع كمبيوتر (ديل - اتش بى - أسوس ) وكلهم نفس المكونات ونفس متوسطات الاسعار طيب فى الحالة دى هل هكتب البوم ( المكونات الداخلية ) الخاص بيهم كلهم هتبقى صعبة جدا وبالتالى كان لازم يبقى فيه محدد تانى وهو مثلا تصنيف يبقى الكترونيات ويندرج تحته ال3000 نوع كلهم وهيبقى Bom واحد للتصنيف كله وهتشوف الموضوع عملى . -- فى خطوات ممكن اختصارها وده هيوفر بعض الوقت والجهد وهشرحها . بالتالى كان لازم يبقى فيه طريقة مختلفة للحساب ولذلك فكرت فى طريقة وافضل فكرة كانت كالتالى ركز معايا : أولا : أنا عملت جدول جديد باسم Item Names زى دليل أصناف فيه جميع اكواد ومسميات المكونات والمنتجات اللى بستخدمها وقدام كل صنف خانة PrType ودى بكتب فيها تصنيف المنتجات فقط يعنى مثلا Computer i3 لكل أنواع الكمبيوتر i3 مثلا ديل أسوس وهكذا انظر المرفق لمزيد من الايضاح . و بالنسبة لجدول المنتجات اصبح الربط بتصنيف المنتج PrType وليس باسمه عشان نكتب المكونات مرة واحدة فقط ولا نكررها بتكرار المنتجات المتشابهة فى مكوناتها والمختلفة فى الاسم فقط تمام ؟ ثانياً : طريقة العمل المطلوبة 1 - طبعا احنا اول خطوة بنعمل اضافة للصنف الى المخزن و بعدين شخص تانى بيقوم مديها قيمة يدوياً (وطبعا دى بالنسبة للمكونات لأننا مش هنقيم المنتجات يدوى تمام ؟) ويقوم البرنامج حاسب متوسط سعر طبيعى زى مانتا عارف تمام ؟؟ طيب انا عاوز بعد ما يحسب متوسط السعر للخامة يقوم بحساب متوسط السعر للمنتجات اللتى تحتوى على هذا الصنف مثال : انا قمت بتقييم شاشة كمبيوتر بالتالى هيتم حساب متوسط السعر للشاشة والمطلوب بعدها حساب متوسطات اسعار جميع اجهزة الكمبيوتر لأن طبعا كل أجهزة الكمبيوتر فيها شاشات وبالتالى هتتأثر بالتغير اللى حصل لمتوسط سعر الشاشة تمام ؟ طيب بعد ما يحسب متوسط السعر للمنتجات اللى فيها المكون ده هيقوم كاتب المتوسط ده فى جدول Products فقط فى خانة Price امام تصنيف المنتجات اللى تحتوى على الصنف ده . الخطوة الأخيرة : نيجى لمرحلة الاضافة والصرف : أولا : فى حالة الاضافة او الصرف بيقوم البرنامج باحضار تصنيف الصنف ده فى جدول Item Names اللى هيا خانة PrType ومقارنتها بجدول المنتجات فى خانة Prtype برده ويشوف هل موجودة ولا لا لو موجودة يعنى الصنف ده منتج تام يقوم عامل احضار لقيمة Price الخاصة بيه وكاتبها فى AvgPrice فى جدول الحركات ثم ضربها فى الكمية سواء صرف او اضافة لينتج قيمة Zvalue تلقائيا تمام ؟ طيب فى حالة انه ملقاش التصنيف ده فى جدول المنتجات او كان التصنيف فارغ يبقى الصنف ده مكونات وبالتالى يقوم عامل اضافة او صرف بدون حساب اى معادلات او اى شئ ولكن ادراج سجل عادى بصورة طبيعية جدا .. طبعا لو لاحظت تلاقى الموضوع حلقة مكملة بعضها تضيف مكونات .. تديها قيمة .. تقوم حاسبة تكلفة المنتج .. تضيف او تصرف منتج يقوم جايب القيمة اللى اتحسبت فى الاول وهكذا .. طبعا الموضوع مجرد افكار وبتظهر مزاياها وعيوبها بالتطبيق زى ما حضرتك عارف والطريقة اللى هنقوم بيها متفرقش اهم شئ النتيجة المطلوبة يعنى لك الحرية انك تغير فى فكرة طالما هتوصل للمطلوب طبعا الموضوع طويل وشاق جدا وعارف انى بتعبك معايا بس انتا مش هتاكل كوارع ببلاش ربنا يجازيك خير ويتقبل صيامك ويرزقك الجنة ان شاء الله استاذى الفاضل تقبل تحياتى تقييم 7.rar لا متقلقش استاذى انا عامل حساب دى والافكار كلها بتعتمد عليها بس اضافة تعديل بسيط عليها فقط كما شرحت فوق

براحتك يا استاذى وجزاك الله خير بس ليا عندك طلب تانى لأن بالطريقة دى هتوقعنا فى مطبات ومشاكل مش معمول حسابها ان شاء الله اوصل العمل و ابدأ اشرح الطريقة اللى المفروض هتمشى الموضوع بسلاسة أكتر رحم الله والديك وبارك فيك تحياتى لك

بص بقى ياباشا انا عملتلك حتة عملى كده هتوصل الفكرة افضل من الشرح النظرى : دلوقتى يا كبير المرفق ده القديم بتاعك اللى فيه الفانكشن الشغال اللى انا عملته حطيت شوية مكونات كمبيوتر واديتهم قيمة يدويا فى نموذج التقييم زى مانتا عارف قام حاسب رصيد بعد الحركة و حسب متوسط السعر بتاع كل صنف لحد هنا جميل أوى التعديل اللى انا عملته على المرفق القديم كالتالى : اضفت جدول المنتجات واضفت جدول البوم المرتبط بيه عملت فورم جديد لتسجيل الحركات سواء صرف او اضافة اسمه Trans_Top وداخله حاطط نموذج فرعى مرتبط بجدول الحركات اسمه Transaction_Sub طيب بالنسبة للنموذج الفرعى ده انا عاوز أول ما اختار صنف اللى هوا الكمبيوتر هكتب الكود والاسم و اكتب الكمية سواء وارد او منصرف المطلوب بقى يا باشا بكل سهولة لما اكتب الكمية فى خانة الوارد (In AfterUpdate) يقوم باحث عن الكود فى جدول المنتجات لو لقاه يبقى الصنف ده منتج تام يقوم جامع اخر متوسطات اسعار لمكونات المنتج ويكتبها فى AvgPrice ثم يضربها فى قيمة الوارد اللى انا هكتبها ويكتب الناتج فى zvalue ثم ينسخ الناتج ويضيفه فى Price فى الجدول التانى يعنى نفس طريقة مرفقك بس بيها بعض التعديل طيب فى حالة انه ملقاهوش فى جدول المنتجات يبقى يضيف الكمية بدون ما يشغل اى معادلات خااالص لأنه فى الحالة دى هيبقى مكون وبالتالى هندخل فى الفورم التانى بتاع التقييمات نديله قيمه وساعتها هيتحسب زى ماحنا عاوزين معايا ؟؟ . طيب الحالة التانية طبعا منطقيا الصرف بيتم بعد الاضافة تمام ؟. طيب فى حالة الصرف يعنى Out AfterUpdate صاحبنا هيقوم باحث عن الكود فى جدول المنتجات ولو لقاه يقوم جايب اخر متوسط سعر للمنتج (ماهو هنا بقى هيبقى اتقيم قبل كده وقيمته موجودة فى الجداول ) ويقوم كاتبه فى AvgPrice ويضربه فى كمية الصادر ويكتب فى zvalue قيمة الحركة وبلاش يكتب متوسط السعر تانى فى جدول المنتجات لأنه فى الحالة دى متغيرش اساسا عن المرة اللى فاتت طيب ولو ملقاهوش برده يضيف حركة الصرف بدون تشغيل اى معادلات زى فوق كده واحنا فى نموذج التقييم هنتعامل معاه تماااام ؟؟؟ وطبعا فى كل الحالات بيحسب رصيد بعد الحركة الأول عشان يحسب بناء عليه قيمة الرصيد المتبقى زى مانتا عارف فى حاجة بعد كده هاخد رأيك فيها بس خلينا نقوم بالخطوة دى الأول لو فى حاجة مش واضحة نتناقش يا استاذى الفاضل وجزاك الله خير على رحابة صدرك أنا عارف انى متعب تقييم 6.rar

استاذى الفاضل اولا ان كان فيه سوء تعبير منى لتوصيل بعض الافكار سأحاول تبسيطها اما بالنسبة لأسئلتك لو المنتج جهاز كمبيوتر ملوش سعر ؟ فى الحالة دى هيبقى مكوناته زى الكيبورد والماوس وهكذا تمت اضافتهم وليهم متوسط سعر بالفعل وذلك عن طريق الفانكشن القديم فالمفروض الجديد بقى انه هيحسب متوسطات الاسعار للمكونات ويكتب متوسط السعر فى خانة avgPrice الاول ثم يضربها فى قيمة الاضافة اللى هيضيفها امين المخزن ويكتب الناتج فى zvalue ثم ينسخ الناتج ويضيفه فى Price فى الجدول التانى . وبالتالى متوسط السعر للمنتج هيتم حسابه بعد اضافة الكمية فى الوارد وبالتالى متوسط السعر للمنتج هيبقى فى مكانين الأول AvgPrice فى جدول Transactions والثانى Price فى جدول Products وبالتالى بالنسبة للمنتج الكامل زى الكمبيوتر متوسط السعر بتاعه فى حالة الاضافة فقط بيساوى مجموع متوسطات اسعار الخامات المكونة ليه اما فى حالة الصرف بيجيب اخر متوسط سعر للاضافة بالنسبة للمرفق هوا أدى نصف العمل بس طريقة الحساب مظبوطة جاب اخر متوسط سعر لكل مكون وجمعها وكتب الناتج فى Prices طيب انا عاوز اعمل اضافة بقى للمنتج ده اللى هوا الكمبيوتر طبعا حركات الاضافة والصرف بتتم فى جدول Transactions سواء الصنف مكونات او منتج كامل وبالتالى لما جيت اعمل اضافة للمنتج فى الجدول وضغطت على Run مجابش اخر متوسط سعر اللى هوا مكتوب فى Prices ومحسبش قيمته تلقائيا عارف ان الموضوع معقد بس عندى أمل فى ربنا ثم فيك اننا هنوصل للمطلوب بس بعد شوية تجارب جزاك الله خير استاذى على فكرة هعزمك على أكلة كوارع لما الفكرة دى تتم

مشكور استاذ جمال بس حابب اوضحلك الخطوة الجاية بالنسبة ليا عشان متعملش حاجة ونرجع نغير فى الفكرة انا عاوز ادمج الطريقة القديمة مع الجديدة بمعنى : انا محتاج البرنامج يقوم بالتالى أولا يدخل على جدول المنتجات برودكتس يتأكد هل المنتج موجود ولا لا -- اذا كان موجود هيبقى متوسط السعر بيساوى مجموع اخر متوسطات اسعار للمكونات الداخلية الخاصة بيه زى ما اتفقنا فى المثال المرفق وبالنسبة لخانة zvalue مش هتنكتب يدوى فى الحالة دى زى القديم وانما هتبقى بتساوى ( متوسط السعر (بطريقة الحساب الجديدة) * كمية الاضافة ) كمان بيقوم واخد القيمة الاخيرة دى ومسجلها فى جدول المنتجات فى خانة سعر المنتج كدليل وممكن نستغنى عنها لو هتعمل قلق . -- فى حالة اذا كان المنتج ده غير موجود فى جدول المنتجات Products يعنى يبقى متوسط السعر بيتحسب بالطريقة القديمة عادى لأن فى الحالة دى هيكون الصنف ده مكونات وليس منتج تام . وفى كل الحالات بالنسبة للصرف بياخد اخر متوسط سعر طبيعى خالص . لو محتاج توضيح اكتر انا معاك جزاك الله خير استاذنا

تفضل مثال على الاكسل لتأكيد المطلوب Ex.rar

لا تمام ياريس فهمت زيادة تأكيد انظر المرفق هتلاقى ان Price فى جدول Products بيساوى اخر متوسطات اسعار مضروبة فى الاستهلاك _____ Con وفى النهاية جمع ما سبق بص على المثال وبالنسبة للرقم .00002 ده هو الكمية المطلوبة من الخامة لانتاج المنتج وعلامات عشرية لأن الخامة دى وحدة القياس ليها كيلو جرام وبالتالى عشان اعمل عدد واحد منتج تام يلزم انى استخدم الرقم ده من الجرامات من المكون ده والموضوع ده ينطبق على كل الخامات اللى وحدة قياسها بالكيلو جرام او جرام 2.rar

مثال تانى للتوضيح على افتراض انى عاوز اجمع كمبيوتر جديد هروح المحل اجيب هارد + كيسة + باور سبلاى + كارت شاشة + 2 رامة وبالتالى عشان اعرف تمن الجهاز هجمع اسعار المكونات بتاعته دى صح ؟ طيب موضوع متوسط السعر * Con دى يعنى ايه دى يعنى مثلا فى المثال السابق الجهاز محتاج هارد واحد ولكنه محتاج رامتين اتنين يبقى عشان اعرف السعر هحسب سعر هارد واحد (سعر الهارد * العدد المطلوب للكمبيوتر اللى هوا واحد) + سعر الرامه * 2 لأنه محتاج رامتين وبالتالى Con هى العدد المطلوب داخل المنتج قد يكون 1 او 2 او 10 عشان كده بنضرب متوسط السعر فى استهلاك الصنف ده داخل المنتج ولو فى حاجة مش واضحة انا احاول اوضحها بطريقة ابسط

استاذى الفاضل جمال بارك الله فيك الفكرة باختصار طبعا حضرتك عملتلنا طريقة تقييم الاصناف يدوياً على حسب كود كل صنف دى كانت مجرد بداية للمطلوب وهو ان الصنف اللى احنا بنقيمه يدوى ده عبارة عن مكون فى منتج كامل ده للتوضيح المطلوب بقى تقييم المنتجات الموجودة فى جدول برودكتس عن طريق حساب اخر متوسط سعر للمكونات التابعة ليه وهذه المكونات هى الموجودة بجدول بوووم وبالتالى عملية تقييم المنتجات الموجودة بجدول المنتجات عملية تلقائية عن طريق تجميع اخر متوسطات اسعار للمكونات التابعة للمنتج و هتلاقى المكونات دى فى جدول بوووم فى الحقول ام نيم و ام كود أما بالنسبة للحقل بى نيم فهو للمنتج الموجود فى جدول برودكتس وانظر فى الاستعلام هتلاقى اسم المنتج وبجواره المكونات التابعة ليه و ايضا اخر متوسط سعر للمكونات دى وذلك على سبيل الايضاح فقط كلها عربى أهى عشان الكيبورد جزاك الله خير استاذى وطريقة الحساب هتبقى اخر متوسط سعر * كون لكل مكون والاخر جمع النتائج كلها عشان يطلع تكلفة الصنف