ايجاد طريقة لطلب كمية مشتريات صنف اوتوماتيك حسب شروط

[محمود أبوالخير]

المطلوب معادلة لتحديد اعادة طلب كمية المشتريات بناء علي المبيعات وكمية التالف وكمية المخازن وكمية المشريات السابقة... توضيح أكثر للمطلوب داخل الملف

New ورقة عمل Microsoft Excel.xlsx

[سيف النصر]

ممكن تجرب المرفق

ومبدئيا تم حساب كمية الطلب في الشيت بناء على إن المبيعات تكون أعلى من 50% وإن التالف يكون أقل من أو يساوي 8% غير كده مش هيطلب حاجة  ( وده حسب مافهمت ) .

وياريت حضرتك تحدد عمود يحسب نسبة المبيعات ونسبة التالف .

لكن

علشان تحدد كمية الطلب النهائية

لازم تحسب شوية حجات أساسية ( مجرد إقتراح )

- فترة دوران المخزون ( ده علشان لو المبيعات تمت في وقت قليل ده معناه إن الصنف سريع الدوران و أقدر أجيب كمية أكبر لكن لو المبيعات تمت في فترة كبيرة ده معناه معدل دروان بطئ للصنف وبالتالي مش هطلب كمية كبيرة علشان المخزون عندي ما يطولش . مع الأخذ في الإعتبار وجود عرض على الصنف من عدمه وفترة العرض .

- أقل كمية طلب ( وده علشان لو الصنف كان بطئ الدوران ساعتها يكون عندي أقل كمية ممكن أطلبها والمورد يقدر يوردهالي ) .

- حد الطلب ( وده تمام حضرتك عامل حسابه لكن خلي بالك حد الطلب متغير مش سابت وماينفعش يكون بديل عن أقل كمية طلب إنما لو إنت عايز تثبته وفقاً لنظام شغلك مافيش مانع  .

- أكبر كمية للطلب ( وده علشان يكون عندي تحكم في أكبر كمية ممكن أطلبها والطلب مايتعداش الكمية دي )

 .... الخ .PO.xlsx

[محمود أبوالخير]

مشكور جدا أ/ سيف النصر علي تعبك معايا ومتأسف علي التأخير في الرد وسوف اعمل علي اقتراح حضرتك لانه افادني وشكرا ليك مره تأنيه علي تعبك معايا