اقتراحات بخصوص ادراج صوره اختام وبعض التعليقات على ملف pdf او ورد معين

[M.Abd Allah]

السلام عليكم 

فلنفترض انه لدينا مركز صيانه معين به عدد خطوط 

خط لإنتاج الشاشات - خط لإنتاج التليفونات - خط لإنتاج الثلاجات... وهكذا 

فمثلا كل الشاشات هيكون لها نفس رقم الطراز او الموديل ولكن كل شاشه هيكون لها رقم مسلسل مختلف عن الشاشه الاخري

طب بالنسبه لطريقه العمل 

كل مسلسل معين  منهم له وثيقه عمل معينه لكي يكتمل المنتج  مثلا:-

مرحله الفك - مرحله اصلاح - مرحله اختبار - مرحله قياسات - مرحله تجميع ....وهكذا 

وكل مرحله من المراحل دي لها مجموعه من العمليات الفرعيه او القراءات او القياسات المحدده سواء في الفك او التجميع او الاختبار وهكذا 

طيب المهم هنا ان العاملين في الخطوط دي مثلا كالتالي 

عامل - مفتش - كبير خطوط - مراجع جوده - مدير  وكل واحد فيهم له بصمه ختم وليكن صوره 

فمثلا العامل لما يخلص عمليه فرعيه معينه او مجموعه اجراءات معينه ويكتب مسموحات المفروض يوقع ببصمه ختمه في الخانه المخصصه لذلك 

وبعدها يجي المفتش يعمل نفس الموضوع 

وبعدها كبير الخطوط 

طيب فلنفترض ان الوثيقه دي بالفعل موجوده كملف word او pdf فالطبيعي الورد او البي دي اف يتيح انك تعمل تخصيص للتوقيعات لكذا شخص ولكن المشكله هنا انه كل عمليه يتم عمل اي اجراء عليها هيستلزم ( save as ) وبالتالي نفس الرقم المسلسل للشاشه دي هيبقي له اكتر من وثيقه عمل محفوظه او مع كل تعديل هيتطلب الحفظ ( وده هيبقي رخم )

فهل الانسب هنا اننا نعدل كل العمليات لجداول ويتم تطبيقها علي اكسس مباشر ؟

ولا هل في طريقه معينه اننا نعمل بيها قاعده بيانات اكسس ( حتي لو نموذجين مثلا تسجيل دخول - ونموذج لتوقيعات كل واحد منهم ) 

بحيث ان اي حد فيهم لما يسجل دخول يقلب فالملف ويقدر يحط البصمه بتاعه الختم بتاعته كما يشاء علي  نفس الملف ؟

فأيه احسن اقتراحات للموضوع ده عشان يتم انزال الختم او كتابه اي ملاحظات لاي واحد من العاملين علي نفس الوثيقه (  word او pdf) لانها بتنسيق معين وعشان نعمل نفس التتسيق ده في تقرير الاكسس هيبقي محتاج وقت ومجهود 

وشكرا مقدما 

 

 

[ابو جودي]

ياريت لو فى امكانية من مرفق  ملف word اللى حضرتك بتقول انه بتنسيق معين علشان اعرف احدد طريقة الاجابة الافضل من وجهة نظرى المتواضعة

[M.Abd Allah]

منذ ساعه, ابو جودي said:

ياريت لو فى امكانية من مرفق  ملف word اللى حضرتك بتقول انه بتنسيق معين علشان اعرف احدد طريقة الاجابة الافضل من وجهة نظرى المتواضعة

انا عارف ومتاكد بصفتك خبير ودكتور في اكسس 

اني لو حطيت مرفق هتجيبها وتحل الموضوع 

ولكن انا للاسف طرحت الموضوع بشكل يحاكي تماما ما اريده 

لاني صعب احط اي مرفق لاحتوائها علي درجات سريه 

عشان كده طرحت الموضوع بمسميات تشبه الموضوع الاصلي وانتظر افكار 

فأنا اريد من يعلمني كيف اصطاد افضل من ان يعطني سمكه

[ابو جودي]

8 دقائق مضت, M.Abd Allah said:

انا عارف ومتاكد بصفتك خبير ودكتور في اكسس 

اني لو حطيت مرفق هتجيبها وتحل الموضوع

انا فقط مجرد طويلب علم هاو لا اكثر ولا اقل من ذلك ولو صادفت اجابتى الحل الصحيح او النتيجة المرغوبة فهو فقط فضل الله تعالى 

9 دقائق مضت, M.Abd Allah said:

ولكن انا للاسف طرحت الموضوع بشكل يحاكي تماما ما اريده 

لاني صعب احط اي مرفق لاحتوائها علي درجات سريه 

لا اريد اى بيانات حقيقية انا فقط اريد الهيكل

10 دقائق مضت, M.Abd Allah said:

عشان كده طرحت الموضوع بمسميات تشبه الموضوع الاصلي وانتظر افكار 

فأنا اريد من يعلمني كيف اصطاد افضل من ان يعطني سمكه

ومن اجل ذلك طلبت الاطلاع على الملف لان الاجابة تحتمل طريقتين 
تعديل على ملف مرفق
او
انشاء التقرير بشكل يماثل ويحاكى شكل الملف ولا يتم الاعتماد فى هذه الحالة على اى وسيط خارجى

ولانه كما تعلمت من اساتذتى العظماء ان شطر الجواب هو فهم السؤال
فالمعطيات الموجودة والمجرات المطلوبة تعد جزء اصيل من بنيان السؤال 

ان كنت تريد انت تنفيذ الحل على افضل طريقة تناسبك الحل يتمثل فى نقطة واحدة من اثنتان فلتختر ما يناسب متطلباتك
1- تعديل على ملف ورد مرفق بفتح المف وارسال البيانات
2- انشاء التقرير بشكل يماثل ويحاكى شكل الملف ولا يتم الاعتماد فى هذه الحالة على اى وسيط خارجى

وفى النهاية :
الخيار الثاني هو الأصح — إنشاء التقرير داخل الاكسس بشكل يحاكي الوثيقة الأصلية

ليه مش الخيار الأول (Word)؟
الاعتماد على Word كوسيط معناه:

• تبعية خارجية — لو Office اتحدث أو تغير مسار الملف الكود بيتكسر - على الرغم من اننا ممكن نحل المشكلة دى بفكرة برمجية
• بطء في الأداء — فتح Word من Access بيأكل resources وبيحتاج وقت
• مشاكل Automation — غير مستقر خصوصا على أجهزة مختلفة أو بيئات 32/64-bit مختلفة 
• مفيش تحكم حقيقي — لو حد عنده Word مختلف أو مش مفعل الكل بيقف
• الملف بيفضل مفتوح أحيانا ويعمل تعارض مع المستخدمين التانيين

 

تقرير الاكسس = القرار الاستراتيجي الصح للمشروع ده تحديدا للاسباب الاتية:

• متعدد المستخدمين
• فيه صلاحيات وأدوار
• فيه ختم رقمي لكل شخص
• محتاج تتبع وبحث لاحقا

الجهد في بناء التقرير لمرة واحدة يستاهل مقارنة بمشاكل Word Automation المتكررة

[M.Abd Allah]

24 دقائق مضت, ابو جودي said:

انا فقط مجرد طويلب علم هاو لا اكثر ولا اقل من ذلك ولو صادفت اجابتى الحل الصحيح او النتيجة المرغوبة فهو فقط فضل الله تعالى 

لا اريد اى بيانات حقيقية انا فقط اريد الهيكل

ومن اجل ذلك طلبت الاطلاع على الملف لان الاجابة تحتمل طريقتين 
تعديل على ملف مرفق
او
انشاء التقرير بشكل يماثل ويحاكى شكل الملف ولا يتم الاعتماد فى هذه الحالة على اى وسيط خارجى

ولانه كما تعلمت من اساتذتى العظماء ان شطر الجواب هو فهم السؤال
فالمعطيات الموجودة والمجرات المطلوبة تعد جزء اصيل من بنيان السؤال 

ان كنت تريد انت تنفيذ الحل على افضل طريقة تناسبك الحل يتمثل فى نقطة واحدة من اثنتان فلتختر ما يناسب متطلباتك
1- تعديل على ملف ورد مرفق بفتح المف وارسال البيانات
2- انشاء التقرير بشكل يماثل ويحاكى شكل الملف ولا يتم الاعتماد فى هذه الحالة على اى وسيط خارجى

وفى النهاية :
الخيار الثاني هو الأصح — إنشاء التقرير داخل الاكسس بشكل يحاكي الوثيقة الأصلية

ليه مش الخيار الأول (Word)؟
الاعتماد على Word كوسيط معناه:

• تبعية خارجية — لو Office اتحدث أو تغير مسار الملف الكود بيتكسر - على الرغم من اننا ممكن نحل المشكلة دى بفكرة برمجية
• بطء في الأداء — فتح Word من Access بيأكل resources وبيحتاج وقت
• مشاكل Automation — غير مستقر خصوصا على أجهزة مختلفة أو بيئات 32/64-bit مختلفة 
• مفيش تحكم حقيقي — لو حد عنده Word مختلف أو مش مفعل الكل بيقف
• الملف بيفضل مفتوح أحيانا ويعمل تعارض مع المستخدمين التانيين

 

تقرير الاكسس = القرار الاستراتيجي الصح للمشروع ده تحديدا للاسباب الاتية:

• متعدد المستخدمين
• فيه صلاحيات وأدوار
• فيه ختم رقمي لكل شخص
• محتاج تتبع وبحث لاحقا

الجهد في بناء التقرير لمرة واحدة يستاهل مقارنة بمشاكل Word Automation المتكررة

طيب وفالحاله الثانيه ايه اقتراحك لاليه العمل او تصوراتك ليها يا هندسه 

[ابو جودي]

17 دقائق مضت, M.Abd Allah said:

ايه اقتراحك لاليه العمل او تصوراتك ليها

الاجابة بشكل صحيح تعتمد على :
كل المددخلات وكل المخرجات
الية العمل وسيناريو التنفيذ واللى كل ده بيعتمد على شكل الوثيقة اللى مفروض يتم بناء هيكلها فى تقرير الاكسس

[M.Abd Allah]

1 ساعه مضت, ابو جودي said:

الاجابة بشكل صحيح تعتمد على :
كل المددخلات وكل المخرجات
الية العمل وسيناريو التنفيذ واللى كل ده بيعتمد على شكل الوثيقة اللى مفروض يتم بناء هيكلها فى تقرير الاكسس

هحاول احط ملف word لشكل التقرير النهائي 

[ابو جودي]

11 دقائق مضت, M.Abd Allah said:

هحاول احط ملف word لشكل التقرير النهائي 

ان شاء الله وبأمر الله تعالى تجد من يستطيع مد يد العون ويقدم لكم الخير 

تحياتى 

[M.Abd Allah]

الحمد لله الذي بنعمته تتم الصالحات 

[kkhalifa1960]

تفضل استاذ @M.Abd Allah حسب مافهمت اليك الشرح والمرفق .  ووافني بالرد .

                                                   

M.Abd Allah.rar

[M.Abd Allah]

2 ساعات مضت, kkhalifa1960 said:

تفضل استاذ @M.Abd Allah حسب مافهمت اليك الشرح والمرفق .  ووافني بالرد .

                                                   

M.Abd Allah.rar 152.35 kB · 1 download

استاذ @kkhalifa1960

كتر الف خيرك والله 

 كفايه ذوقك 

وردودك عليا وعلي غيري واقتطاع جزء من وقتك 

فإنك تبذل مجهود وتعمل قاعده بيانات 

دا فحد ذاته من كرمك وربنا يجعله في ميزان حسناتك ويجازيك عنه خير ان شاء الله 🌹🌹🎈

[M.Abd Allah]

في 25‏/4‏/2026 at 14:54, M.Abd Allah said:

مرحله الفك - مرحله اصلاح - مرحله اختبار - مرحله قياسات - مرحله تجميع ....وهكذا 

وكل مرحله من المراحل دي لها مجموعه من العمليات الفرعيه او القراءات او القياسات المحدده سواء في الفك او التجميع او الاختبار وهكذا

ولو تسمحلي  ولو فالحاله اللي زي كده 

لما يكون مثلا مرحله الفك 

عباره عن عدد مراحل مختلفه 

ومرحله زي الاصلاح لها مثلا 10 خطوات 

والنقطه التانيه 

عايزين لما يتم تصدير الوثيقه اته صفحات العمليات تبقي طبقا لمراحل للعمل الاساسيه 

كمثال الصفحه الاولي مرحله الفك بعملياتها 

الصفحه الثانيه مرحله الاصلاح بعملياتها 

الصفحه الثالثه مرحله الاختبار بعملياتها 

بحيث تبقي الوثيقه واخده الشكل بتاع تسلسل العمليات 

ولا ايه رأيك اعمل صفحه فيها مجموعه تقارير فرعيه 

لكل مرحله بحيث يتطلعوا بالترتيب ؟

 

[kkhalifa1960]

تمام لكن ممكن حضرتك تعمل صفحة اكسل وبها العمليات المطلوبة وتحت كل عملية مراحلها كما تتصور انت . وانا حاضر لك .

[M.Abd Allah]

2 ساعات مضت, kkhalifa1960 said:

تمام لكن ممكن حضرتك تعمل صفحة اكسل وبها العمليات المطلوبة وتحت كل عملية مراحلها كما تتصور انت . وانا حاضر لك .

تسلم الله يكرمك 

[kkhalifa1960]

استاذ @M.Abd Allah  انا بمطلع شبابي عملت بشركة ايديال بمدينة نصر قبل بيعها ..... والمهم ..عارف المراحل وما بداخلها (وانت تريد ما بداخلها) لكن ...

كان يوضع على ظهر المنتج  ختم الجودة  من قبل مسؤول الجودة وكان بكل منتج شيت المراحل الذي سويناه وصدرناه لوورد لكن كان يدوي بختم كل مرحلة ..

فهنا مسؤول الجودة لايسأل عن خطوات المرحلة  بل لو الاختام مكتملة فقط بيخم  المنتج بختم الجودة .   الخلاصة ( مابداخل الخطوات غير مهم هنا في برمجتنا ). 

لكن لو تريد ذلك مافي مانع ارسل الخطوات وما بداخلها وانا حاضر لك . 

وعلشان انت رجل محترم جداً  اليك  مرفق جديد اضافة زر التصدير  PDF . واعتقد هذا اسرع من وورد ولا يحتاج تجهز ملف وورد مسبق الاعدادت . جرب الزران . ووافني بالرد .

 

M.Abd Allah-LAST.rar

تم تعديل منذ 13 ساعات بواسطه kkhalifa1960

[M.Abd Allah]

59 دقائق مضت, kkhalifa1960 said:

استاذ @M.Abd Allah  انا بمطلع شبابي عملت بشركة ايديال بمدينة نصر قبل بيعها ..... والمهم ..عارف المراحل وما بداخلها (وانت تريد ما بداخلها) لكن ...

كان يوضع على ظهر المنتج  ختم الجودة  من قبل مسؤول الجودة وكان بكل منتج شيت المراحل الذي سويناه وصدرناه لوورد لكن كان يدوي بختم كل مرحلة ..

فهنا مسؤول الجودة لايسأل عن خطوات المرحلة  بل لو الاختام مكتملة فقط بيخم  المنتج بختم الجودة .   الخلاصة ( مابداخل الخطوات غير مهم هنا في برمجتنا ). 

لكن لو تريد ذلك مافي مانع ارسل الخطوات وما بداخلها وانا حاضر لك . 

وعلشان انت رجل محترم جداً  اليك  مرفق جديد اضافة زر التصدير  PDF . واعتقد هذا اسرع من وورد ولا يحتاج تجهز ملف وورد مسبق الاعدادت . جرب الزران . ووافني بالرد .

 

M.Abd Allah-LAST.rar 533.01 kB · 0 downloads

استاذ @kkhalifa1960

كلامك كله علي راسي قسما بالله 

وكفايه اهتمامك وذوقك انا فعلا كنت بفكر اعمل قريب جدا جدا من اللي حضرتك ذكرته ده مع بعض التعديلات البسيطة 

وانا للاسف مش جمب الجهاز دلوقتي ان شاء الله علي بالليل هبص عالملف وانا متأكد كل التأكيد من انه ان شاء الله هيطلع حاجه مشرفه 

انا مش عارف اقولك ايه صراحه علس اهتمامك واحترامك الزايد وكلماتك المحترمه اللي شبهك ( فعلا كلما ازداد الانسان علم كلما ازداد تواضع) 

ربنا يجازيك عننا خير ويفتحلك الابواب المغلقه 

ايا كانت النتيجه فانا ممتن وشاكر لذوقك العالي ولحسن اخلاقك واهتمامك بالصغير قبل الكبير هنا 

تحياتي لشخصك الكريم 

[M.Abd Allah]

السلام عليكم استاذنا الفاضل @kkhalifa1960

كتر الف خيرك انا هستفيد كتير من المرفق بتاعك 

وحتي لا اثقل علي حضرتك او علي حد من الساده الافاضل 

لان الموضوع فعلا كبير ( انا هدفي تحويل الوثيقه بتاعه العمل من الروتين الورقي الي الارشيف الالكتروني )وزي مقولت من البدايه في اول تعليق اني اريد من يعلمني كيف اصطاد ولا يعطيني سمكه انا عارف ومتأكد من قدراتكم جمبعا كعمالقه  

وحتي اتيح لحضرتك ولباقي الساده الافاضل من الخبراء والأساتذة الكرام اعطاء غيري المزيد من الوقت 

انا هحاول ادمج افكار حضرتك مع شويه من اللي اتعلمته من حضراتكم جميعا مع شويه من الذكاء الاصطناعي 

وفعلا والله انا ممتن جدا للاهتمام والله يكرمك ويزيدك دايما من فضله 

[kkhalifa1960]

انا حاضر لك بأي وقت .