شرح مبسط عن النسخ والقص أو الترحيل بواسطة Destination

[الصـقر]

الاخوه فى هذا الصرح العلمى الكبير

اعتذر عن قلة تواجدى فى الاونه الاخيره ولكن يعلم الله انى مشغول جدا هذه الايام

اسالكم الدعاء لى بالتوفيق والسداد

اليوم بأقدم لكم شرح مبسط عن النسخ والقص أو الترحيل بواسطة Destination  وهى تعنى هدف الوصول أو مكان الوصول أو المكان المقصود 

هنعرف 1 - أزاى نعمل ده بدون اكواد من خلال التعامل مع الشيت مباشرة

     2- أزاى نعمل ده بالاكواد

نبدأ بسم الله

عايزك تفتح شيت اكسيل وتكتب فى الخليه A1  مثلا اى شئ  مثلا اكتب " اوفيسنا "

المطلوب بعد ما تكتب فى الخليه A1  نقوم بنسخها الى اى خليه اخرى 

طبعا زى ما حضراتكم عارفين  بيكون من خلال تحديد الخليه المطلوب نسخها وهى A1  تم نعمل  Ctrl+C ونذهب الى المكان اللى احنا عايزين نقوم بعملية لصق الخليه بها

وليكن الخلية D1 ثم نعمل  Ctrl+V   

وفى طريقه تانية وهى الوقوف على الخليه A1  وكليك يمين بالماوس واختيار نسخ ثم تحديد الخليه D1 وكليك يمين ونعمل لصق

لكن اليوم هنعمل عملية النسخ بطريقه Destination   طيب ازاى ؟؟؟

حدد الخليه A1  ثم حرك الماوس الى اى ضلع من اضلاع الخليه  ستجد فى سهم  مثل هذا السهم دا صوره مكبره منه 

عندما يظهر هذا السهم على ضلع من اضلاع الخلية اضغط من الكيبورد على زر  Ctrl  ومع الاستمرار بالضغط على الزر اضغط على زر الماوس الايسر واسحب الماوس الى الخليه D1

مكان اللصق اللى احنا عايزينه

طيب ده بالنسبه لعملية النسخ طيب عملية القص ؟؟

الطريقه الاولى تحديد الخليه المطلوب قصها وهى A1  تم نعمل  Ctrl + X ونذهب الى المكان اللى احنا عايزين نقوم بعملية لصق الخليه بها

وليكن الخلية D1 ثم نعمل  Ctrl+V   

الطريقه التانية وهى الوقوف على الخليه A1  وكليك يمين بالماوس واختيار قص ثم تحديد الخليه D1 وكليك يمين ونعمل لصق

الطريقه الثالثه اللى هى اساس موضوعنا هنعمل عملية القص بطريقه Destination   طيب ازاى ؟؟؟

حدد الخليه A1  ثم حرك الماوس الى اى ضلع من اضلاع الخليه  ستجد فى سهم  عند ظهوره يمكنك الضغط على زر الماوس الايسر والسحب الى المكان المراد اللصق فيه

الخلاصه

        الطريقه                           عملية النسخ                         عملية القص

1- من خلال الكيبور                      اضغط Ctrl+C  ثم انتقل الى الخلية                               اضغط Ctrl+X  ثم انتقل الى الخلية

                                              المراد النسخ بها واعمل Ctrl+V                                  المراد اللصق بها واعمل Ctrl+V

---------------------------------------------------------------------------------------------------------------------------------------------

2- من خلال الماوس                  قم بتحديد الخلية وكليك يمين بالماوس                              قم بتحديد الخلية وكليك يمين بالماوس

                                          واختار نسخ ثم انتقل الى الخليه المراد                              واختار قص ثم انتقل الى الخليه المراد

                                         اللصق بها واعمل كليك يمين بالماوس                               اللصق بها واعمل كليك يمين بالماوس

                                          واختار لصق                                                           واختار لصق

---------------------------------------------------------------------------------------------------------------------------------------------

3-Destination                    حدد الخلية المطلوب نسخها واتجه بالماوس                            حدد الخلية المطلوب نسخها واتجه بالماوس

( المكان المقصود)                    الى اى ضلع من اضلاع الخليه هيظهر سهم                              الى اى ضلع من اضلاع الخليه هيظهر سهم

                                          اضغط من الكيبورد على زر Ctrl ومع الاستمرار                      اسحب الماوس الى المكان المطلوب اللصق به

                                          بالضغط اسحب الماوس الى المكان المطلوب اللصق به

-----------------------------------------------------------------------------------------------------------------------------------------------------

طيب ازاى نعمل الطريقه رقم 3  Destination    ( المكان المقصود)  بالاكواد

Sub Alsaqer1()
    Range("A1").Copy Destination:=Range("d1")
End Sub

طبعا السطر الاول والثالث معروف وهو الاعلان عن بداية الكود ونهايته

السطر اللى فى المنتصف بقى هو اللى هنوضحه

كتبت اسم الخلية A1  المطلوب نسخها  من خلال الخاصيه Range  كالتالى ("Range("A1

وبعدين كتبت . اللى هى الضغط على حرف ز بالعربى من الكيبور 

ثم Copy   وتعنى نسخ 

وبعدين مسافه وكتبة  Destination     متبوعه =: 

ثم الخلية المراد اللصق بها   ("Range("D1

 

طيب الكود هيكون ازاى لو عايز اعمل قص وليس نسخ

بسيطه جدا نفس الكود مع استبدال  Copy   

Sub Alsaqer2()
    Range("A1").Cut Destination:=Range("d1")
End Sub

 

طيب الكلام كله عن نسخ او قص خليه واحده ماذا لو كان المطلوب نسخ نطاق من الخلايا مثلا من A1:C5  الى الخلايا H1:J5

اولا من خلال شيت الاكسل حدد الخلايا من A1:C5 وحرك الماوس الى اى ضلع من اضلاع التحديد سيظهر امامك السهم عند ظهوره

اضغط على زر Ctrl  ومع الاستمرار بالضغط حرك الماوس الى الى الخلية H1   ستجد تم نسخ الخلايا

طيب ولو عملية القص هيكون نفس الخطوات ولكن بدون الضغط على زر  Ctrl   يعنى عند ظهور السهم اسحب الماوس الى الخليه H1

 

طيب ومن خلال الكود

لو نسخ شاهد الكود

Sub Alsaqer3()
    Range("A1:C5").Copy Destination:=Range("h1")
End Sub

نفس الاكواد السابقه الفرق فقط هو  بدل ("Range("A1  جعلتها ("Range("A1:C5

 

ولو قص الخلايا يبقى الكود كالتالى استبدل Copy بــ Cut

Sub Alsaqer4()
    Range("A1:C5").Cut Destination:=Range("h1")
End Sub

 

ماذا لو كان المطلوب نسخ الخلايا الى شيت اخر

شاهد الكود نفس السابق ولاحظ انت الفرق

Sub Alsaqer5()
    Range("A1:C5").Cut Destination:=Sheet2.Range("h1")
End Sub

استبدلت ("Range("h1  بــ  ("Sheet2.Range("h1 

 

لو احنا عايزين ننسخ عمود A  كله مثلا الى العمود F

طبعا من خلال الشيت يبقى تحدد العمود كله واذهب الى اى ضلع من العمود هيظهر السهم اضغط على زر Ctrl  ومع استمرار الضغط اسحب الماوس الى العمود المطلوب وهو F

ولو قص يبقى نفس الخطوات بدون الضغط على زر  Ctrl  

 

ولو عايزين نعمله بالكود

شاهد الكود

Sub Alsaqer6()
   Columns("a:a").Copy Destination:=Columns("f:f")
End Sub

 

 

------

ماذا لو كان عندى نطاق متغير مثلا من جدول  من العمود A الى C  ولكن عدد صفوف الادخال غير محدد فى زياده او نقصان

فى الحاله دى هعمل سطر لتحديد اخر صف به بيانات فى العمود A 

شاهد الكود

Sub Alsaqer7()
lr = Cells(Rows.Count, "A").End(xlUp).Row
Range("A1:C" & lr).Copy Destination:=Range("h1")
End Sub

واخيرا الفائده من هذه الطريقه هى افضل بالاكواد نظرا لسرعه تنفيذ الكود وبساطه كتابته وفهمه 

كدا انا خصلت كل الامثله باقى انك بس تجرب بنفسك اسال الله تعالى لى ولكم التوفيق والسداد

تقبلوا تحياتى

 

تم تعديل مارس 24, 2016 بواسطه الصـقر

[محمد حسن المحمد]

السلام عليكم أخي الحبيب الصقر:

رائع جداً ما قدمته ومفيد ومبسط غاية التبسيط ..والحقيقة أنا كنت أعمل بذلك دون الأكواد أي من خلال الكيبورد والماوس

بشكل تلقائي إذ يمكنني القول أنه روتين يومي ....

عوداً حميداً ...بقدر اشتياقنا لكم ولعلمكم ولأخلاقكم السمحة الطيبة

أيام طيبة جميلة تلك التي كنا نرتاد فيها علمني كيف أصطاد - الفورم. ومضات مشرقة في حياتنا نرجو أن لا تتضاءل أو تتلاشى بغيابكم المتكرر الطويل نوعاً ما.

تقبل تحياتي ومحبتي .

والسلام عليكم ورحمة الله وبركاته

[الصـقر]

جزاكم الله خيرا يا ابويوسف

ان شاء الله نواصل ونكمل ما بدأناه فى القريب العاجل

تقبل تحياتى

 

[محي الدين ابو البشر]

السلام عليكم ورحمة من لدنه بركات

الاستاذ الصقر الكريم

ارجو منك أن لا تغيب عنا 

انت رائع

بارك الله بك وبجهودك

جزاك الله كل خير

وجعلها في ميزان أعمالك

 

[ماكس]

شرح ولا اروع أستاذي

ابدعت أخي الصقر

شرح مفصل ودقيق

لك كل الاحترام والتقدير

 

[عبد العزيز البسكري]

السّلام عليكم و رحمة الله و بركاته

كم هو رائع أن أرى دروس الأستاذ الكريم و الأخ الغالي " حسام عيسى " من جديد

إشتقنا لك حبيبي العزيز .. و لدروسك المميّزة و الممتازة

الحمد لله أوّلاً و أخيرًا أنّك هنا معنا ..

فائق إحتراماتي لشخصك الكريم

[أبوبسمله]

قبل الاطلاع على الدرس

جزاك الله اخى حسام واود ان اطل منك طلب وهو تكملة الموضوع المثبت علمنى كيف اصطاد عن اليوزر فورم ارجو منك تكملته باسلوبك الجميل حبيبى الغالى

تقبل تحياتى العطره بذكر الرحمن

[محمد حسن المحمد]

السلام عليكم إخوتي الكرام

حريٌّ بنا مراجعة الأكواد وتطبيقها بشكل عملي كتمرين 

لأن الفهم لا يقاس بالنسبة لنا بل التحصيل والتمرين والتجربة والخطأ مرة ثم إصلاحه

جزاكم الله خيراً والسلام عليكم.

[saad abed]

اخى حسام

شروحاتك جميلة شكرا لك

[محمود_الشريف]

أخى فى الله 

أستاذى الكريم // الصقر

بارك الله فيكم وزادكم الله من فضله ومن علمه

ونسأل رب العرش العظيم أن يعينكم على أشغالكم وسائر أموركم 

وفى انتظار المزيد منكم 

وكنت أود إضافة إقتراح حسب ما يسمح به وقتكم 

أن تضعوا أمثلة مع تدريبات للتمرين عليها بحيث يكون للدرس صدى تفاعلى 

فأنت تعلم أخى الكريم // أن المنتدى ملىء بالشروحات ولكن 

أكثر ما يضايقنى خلال زياراتى القليلة بالفترة الماضية أن المشكلة مازالت قائمة 

أن هناك من يريد الحل فقط ولا يريد التعلم والإستفادة حتى يفيد نفسه أولا قبل غيره ، ولا يريد حتى البحث عن ما يريده داخل المنتدى

رغم أن المنتدى هدفه التعليم أولا ثم المساعدة ثانيا

وبالنهاية 

جزاكم الله خير الخير 

تقبل منى وافر الاحترام والتقدير

تم تعديل مارس 25, 2016 بواسطه محمود_الشريف

[ياسر خليل أبو البراء]

أخي وحبيبي حسام عيسى

بارك الله فيك وجزاك الله خيراً على دروسك السهلة البسيطة والمميزة دائماً والمفيدة جداً للمتعلمين

تقبل وافر تقديري واحترامي

[Yasser Fathi Albanna]

اخى الحبيب الغالى أ / حسام عيسى

بارك الله فيك شرح أكثر من رائع 

تقبل خالص تحياتى وتقديرى

[الصـقر]

اساتذتى الافاضل

الاستاذ / محى الدين ابوالبشر

الاروع هو مرورك اخى الحبيب وجزيت خير على دعائك

-----------------------------------------------------------------------------

الاستاذ / ماكس

شاكر مرورك العطر

-----------------------------------------------------------------------------

الاستاذ / عبدالعزيز البسكرى

الحبيب والغالى زيزو والله انت وحشتنى جدا 

ربنا يديم بنا المحبه

-----------------------------------------------------------------------------

الاستاذ / احمد الفلاحجى

يا ابو بسمله انت خلاص هضمت كل الدروس فى الجزء الاول ؟

استعد للجزء الثانى واحجز مقعدك 

ان شاء الله نكمل ما بدأناه بمساعدتكم ودعواتكم فأنتم خير صحبه وخير جليس

-----------------------------------------------------------------------------

الاستاذ / سعد عابد

الاجمل والاروع مرورك العطر

-----------------------------------------------------------------------------

الاستاذ / محمود الشريف

الاخ الحبيب والغالى استاذى محمود لا تتصور مدى سعادتى بدعائك 

وبخصوص طلباتك انت بس تامر وانا انفذ ان شاء الله سيتم مراعة ذالك فى المرات القادمه بأذن الله

وانا ايضا اوافقك الرأى فى ان المنتدى فى المقام الاول تعليمى وهذا احلى شئ يميزه ثم تاتى بعد ذالك المساعدات

لذالك انا حريص كل الحرص على تقديم شروحات اكتر من المساعدات 

لان الشروحات هيستفيد منها اكبر عدد ممكن أما المساعدات فلا يستفيد منها الا صاحب الموضوع ويمكن لا كمان

-----------------------------------------------------------------------------

الاستاذ / ياسر خليل

انا تلميذك يا ابوالبراء وهذا ما تعلمناه منكم وجزاكم الله خيرا على دعائكم الطيب

-----------------------------------------------------------------------------

الاستاذ / ياسر البنا

وفيك بارك اخى الكريم اسال الله تعالى ان يوفقكم بالدارين

-----------------------------------------------------------------------------

تقبلوا جميعا تحياتى

 

تم تعديل مارس 26, 2016 بواسطه الصـقر

[ناصر سعيد]

بارك الله بك وبجهودك

[ناصر سعيد]

Sub Alsaqer3()
    Range("A1:C1").Copy Destination:=Range("h1")
End Sub

ممتازة بارك الله فيك

لو اردنا ان يتم النسخ بعدد صفوف محدده .. كيف ؟

جزاك الله خيرا

===========

وماذا لو كانت خلايا متفرقه مطلوب نسخها الى مكان اخر  ب Destination    

[جلال الجمال_ابو أدهم]

الصـقر
جزاك الله خيرا
تحياتى

[ناصر سعيد]

للرفع

[ناصر سعيد]

للرفع رفع الله مقداركم