اذهب الي المحتوي
أوفيسنا
بحث مخصص من جوجل فى أوفيسنا
Custom Search
  • تدوينات
    12
  • تعليقات
    23
  • قراءات
    64,169

نداء إلى كل معلمي مصر


أ / محمد صالح

2,987 قراءات

السلام عليكم ورحمة الله وبركاته

إخوتي وأخواتي

حينما طالب القضاه في ألمانيا مساواتهم في الأجر بالمعلمين قالت لهم ميركل رئيسة وزراء ألمانيا

أتريدون أن تتساووا بمن علموكم وأوصلوكم لهذه المكانة؟!

ونحن هنا في مصر نطلب المساواة بعسكري الشرطة الذي مؤهله الإعدادية حيث وصل مرتبهم حاليا لما يزيد عن الألف لمن في بداية تعيينهم

هل تبحث عن كرامتك ؟؟؟؟

1- لما الكادر يديلك الحق انك تاخد الحوافز200 % وييجي الوزير يلتف علية ليحرمك من حقك .... يبقي لازم تشارك

2- لما رضا ابو سريع مستشار الوزير يقول علي المعلمين سيبهم يهوهو زي .... شوية هيتعبوا وهيمشوا ( في جريدة اليوم السابع) .... يبقي لازم تشارك

3- لما الوزير يتلاعب بدرجاتك ويقولك اللي قضي 8 سنين يترقي وبعدين يتراجع ويقول خمس سنين هو الكادر بقاله اد اية .... لازم تشارك

4- لما تكون مكافاتك 200 يوم وفي الوزارة بياخدوا 900 يوم واقل عامل في الكهرباء او الضرائب او غيرهم بياخد 900 يوم غير توزيع ارباح وغيرة .... يبقي لازم تشارك

5- لما الدنيا كلها بتاخد شهور هدايا في رمضان والعيد وغيرة حتي الوزارة والمديرية بتصرف الا انت محروم بطريقة مريبة .... يبقي لازم تشارك

6- لما يكون مرتب العامل في المحاسبات او الاتصالات او المالية اكبر من مرتبك عشر مرات ولما يكون عندنا مستشفي بندفع فيها بقالنا سنين ومنهوبة وانت ساكت عايز مين يجيبلك حقك .... امتي هتشارك

7- لما تقعد في البيت وتتكل عليا اني هجيب ليك حقك .... يبقي حقي وحقك مش هييجي وحقنا كلنا هيضيع

8- لما يكون الدنيا كلها بتاخد مكافاة نهاية الخدمة 200 و300 الف جنية وانت بتاخد 24 الف جنية .... يبقي خسارة فيك لو انت مش هتشارك

الأسباب التى دعت المعلمين إلى القيام بهذه الثورة :

- منح المعلمين حافز الإثابة 200%كاملا اعتبارا من 1/7/2011 طبقا للمادة 89 من القانون 155والمرسوم بقانون 51 لسنه 2011.

- منح الدرجات المالية لمن استوفوا المدد البينية (خمس سنوات)طبقا للمادة 81 فقرة 2 من قانون 155لسنه 2007وقانون العاملين بالدولة رقم 47.

- ترقية المعلمين للوظائف الاعلى المنصوص عليها بالقانون 155 لسنه 2007 لمن قضوا المدة /البينية المحددة من تاريخ استحقاقهم لها أو من 1/7/2009 كحد أدنى مع صرف الفروق المالية بأثر رجعى (كبير معلمين 23 سنه معلم خبير 18 سنه معلم أول (أ) 15 سنه معلم أول 8 سنوات ومعلم 5 سنوات ومعلم مساعد من تعيينه وحتي 3 سنوات .

- إلغاء امتحانات الكادر حفاظا على كرامة المعلم ومكانتة.

- زيادة مكافأة الامتحانات إلى 500يوم أسوة بالعاملين بديوان الوزارة أو مساواة العاملين بالمدارس بالعاملين بديوان الوزارة .

- أن يكون الحد الأدنى للأجور بالتربية والتعليم 1200 للمعين حديثا وأن يكون الحد الأقصى لجميع العاملين بالتربية والتعليم 30000 الف جنية مهما كان مستواة الوظيفى .

- منح 25 % حافز إضافى للعاملين بمدارس القرى مقابل العمل بمدارس الأرياف .

- تكليف خريجى كليات التربية لسد العجز بالمدارس.

ولتحقيق هذه المطالب وإصلاح التعليم أدعو الجميع وإن أمكن أدعو أولياء الأمور الذين يبحثون عن تطوير حقيقي

لمساندة المعلمين في مطالبهم المشروعة

وحضور الوقفة الاحتجاجية على سياسات التعليم يوم السبت 10 سبتمبر أمام مجلس الوزراء

توقيع

معلم مخلص لمصر ويريد لها الرقي

  • Like 1

0 تعليقات


Recommended Comments

لاتوجد تعليقات لعرضها .

×
×
  • اضف...

Important Information