الردود على موضوع (افتح الباب وادخل لعالم البرمجة)

[ياسر خليل أبو البراء]

الأخ الفاضل الدبابة

أهلا وسهلاً ونورت المنتدى ..

 

يرجى تغيير اسم الدبابة لاسم باللغة العربية يعبر عن شخصكم الكريم

كما يرجى الإطلاع على رابط التوجيهات لمعرفة القواعد المفترض اتباعها في المنتدى

http://www.officena.net/ib/index.php?s=c120bd039ecc3ff18eb2da0babcb3c72&showtopic=60147

 

والحمد لله إن اسمك نور الإكسيل .. ويا رب يفضل منور علطول

 

أهم شيء في الموضوع إنك متحطش نقطة على الدبابة (عشان متطيرش برا المنتدى)

تقبل تحياتي

[ihhamdi]

السلام عليكم .. انا كل مده كده ادخل و اشوفل التطورات .... املا فى زيادة ما وراء الباب ..علشان اول ما البناء يكتمل .. اخد لى نسخه تبقى مرجع كده معايا على طول ..علشان الموضوع المخمخه فيه عاليه ...وانته عارف اننا كمحاسبين مستنزفين مخيخيا ... لذلك ارجوك تابع و لا تحبط .. و البذرة دى بذرة خير و ها تثمر ان شاء الله ... او علم ينتفع به ... اخوك المحب عبر تدفقات "الصفر واحد"  حمدى

تم تعديل مايو 4, 2015 بواسطه ihhamdi

[اسامةمحمد]

السلام عليكم

استاذ ياسر بارك الله فيك وفي علمك وعقلك واهلك

هل توقفت دروس افتح الباب و ادخل لعالم البرمجة ؟

[ياسر خليل أبو البراء]

إخواني الكرام

تقريبا توقفت الحلقات لسبب ما ألا وهو ..

عدم استجابة الأعضاء للشرح المكتوب .. وبصراحة الفيديو بيكون أفضل وأيسر في توصيل المعلومة في أقل وقت

تم عمل مجموعة فيديوهات في توقيعي تشرح بعض الجزئيات الهامة التي تكمل الموضوع

 

والتعلم لا يقتصر على طريقة واحدة فقط بل لابد من أن تسلك جميع الطرق

دروس .. حلقات .. كتب .. فيديوهات .. الإطلاع على مشكلات الأعضاء .. وهكذا

 

تقبلوا تحياتي

[اسامةمحمد]

طيب , استاذ ياسر ممكن لو تعمل سلسلة دروس في VBA استكمالا لدروس افتح الباب وادخل لعالم البرمجة على قناتك

 

كما يقال (غيرك كثير ومثلك قليل) .

 

جُزيت الجنة ..

[ياسر خليل أبو البراء]

أخي الحبيب أسامة

أخيراً غيرت اسمك للغة العربية ..مشكور وممتن لك

 

أي فيديو يعتبر بمثابة حلقة من الحلقات

في حلقات افتح الباب أنا كنت شغال عشوائي من غير ترتيب ودا اللي حاصل في الفيديوهات

بحاول أقدم المعلومة بشكل مبسط وإن شاء الله من خلال متابعتك للموضوعات المختلقة والفيديوهات تقدر تتابع

وبعدين إحنا فتحنا الباب اتفضلوا إنتو اقعدوا جوا البيت وخدوا راحتكم (المنتدى منتداكم ) على وزن البيت بيتكم

[فارابى]

بارك الله فيك يا استاذ 

بعد اذنك هل تسمح لى برفع الشرح فى شكل كتاب بصيغة pdf فى منتدى اوفسينا

 مع حفظ حقوقك كمؤلف للكتاب 

[ياسر خليل أبو البراء]

أخي الكريم الفارابي

مشكور على كلماتك الطيبة ..

صراحة لا أحبذ تحويل الحلقات إلى PDF نظراً لحدوث بعض الأخطاء

ولكن يمكنك الاحتفاظ بالحلقات وتقرأها وأنت أوفلاين كما لو كنت أونلاين باستخدام إضافة للفايروكس

الإضافة اسمها Mozilla Archive Format

 قم بتثبيت الإضافة

قم بعمل ريستارت للفايرفوكس

قم بالدخول على رابط الحلقات وانتظر حتى يكتمل التحميل تماماً ..

روح لقايمة File في الفايرفوكس ستجد أمر اسمه Save Page In Archive As

وسمي الملف وحدد مكان الحفظ واستمتع بدون الانترنت ..

وإليك الملف المرفق للحلقات ..

 

حلقات افتح الباب.rar

[محمد حسن المحمد]

عالم البرمجة عالم رائع كالعقل السليم في جسم الإنسان وددت أن أتعلمه على أيدي أفاضل كأمثال حضراتكم سأعمل على ذلك إن شاء الله تعالى إن تسنى لي الوقت بعد العمل اليومي المجهد من الصباح إلى المساء والله المستعان.

[ياسر خليل أبو البراء]

مشكور على مرروك العطر أبو يوسف

وكلنا هنا تلامذة نتعلم من بعضنا البعض

وإن شاء الله آمل أن تكون نبراساً ومنارةً لطلاب العلم

[محمد حسن المحمد]

مشكور على مرروك العطر أبو يوسف

وكلنا هنا تلامذة نتعلم من بعضنا البعض

وإن شاء الله آمل أن تكون نبراساً ومنارةً لطلاب العلم

لا شكر على واجب بل أنتم من تستحقون الشكر....أخي أبو البراء الغالي....

[chouki baissa]

السلام عليكم ايها الاخوة الكرام

 

في الحقيقة عندي سؤال مهم جدا ولم أجد له اي اجابة

السؤال هو : حدثت لي مشكلة في ملف اكسل كان شغال عادي ولكن الآن عند فتحه تأتي رسالة تطلب ارسال تقرير بالخطأ ويتم استرداد الملف ويطلب منك حفظ الملف المسترد وعدما تريد حفظه يظهر لك الاصلاحات التي قام بها وهي انه تم فقدان وحدات الماكرو كلها وعندما تدخل الى فيزيال بازيك لا تجد اي تعليمات برمجية ولا موديلات وكأن الملف جديد فما هو الحل يا اخوتي

[ياسر خليل أبو البراء]

أخي الكريم

قم بطرح موضوع جديد بمشكلتك وإن شاء الله الأخوة الأعضاء سيقدمون لك يد المساعدة

[khalidsalhen]

جزاك الله كل خير شرح جميل

[ياسر خليل أبو البراء]

وجزيت بمثله أخي خالد

يرجى تغيير اسم الظهور للغة العربية

تقبل تحياتي

[islam.salah666]

بارك الله فيك وجزاك كل الخير علي علمك النافع المفيد لجميع الاعضاء

[ياسر خليل أبو البراء]

أخي الفاضل إسلام صلاح

بارك الله فيك وجزاك الله خيراً على مرورك العطر

 

أهلا بك في المنتدى ونورت بين إخوانك

يرجى تغيير اسم الظهور للغة العربية

تقبل تحياتي

[نبيل كمال]

انا لسة مبتداء في موضوع الاكواد واتمنى منكم المتابعة وشكرا 

[محمد حسن المحمد]

السلام عليكم أخي نبيل لتحصل على إجابة شافية لموضوعك أرجو أن تراجع التوجيهات للمنتدى..ثم إن المنتدى عربي يرجى العمل على تعريب اسمك الكريم تنور به صفحات المنتدى الكريم.

ثم إنني أقترح عليك طرح موضوعك بشكل مستقل لأنك هنا ألحقته ببحث تمت دراسته بشكل مكثف ..اكتب موضوعا جديد بعنوان تعبر فيه عن رغبتك أو مشكلتك...أما عن نفسي فمبتدئ مثلك

تقبل تحياتي...السلام عليكم

[أبوتهاني]

أثابكم الله على مجهوداتكم

جعلها في موازين حسناتكم 

[ياسر خليل أبو البراء]

وجزيت خيراً بمثل ما دعوت لي أخي الفاضل أبو تهاني

[أبوبسمله]

اخى ابو البراء جزاك الله خيرا

قمت بعمل اول واجب هل كده صح ولا انا ماشى غلط

اقتباس

الواجبات : قم بتسجيل ماكرو حدد فيه النطاق من A1:B10 وخلي نوع الخط أي نوع ترغبه وحجم الخط 14 ولون الخط أزرق بلاش الأحمر عشان واحد هيقولي ايه حكايتك مع اللون الأحمر وخلي عريض Bold يعني وخلي المحاذاة الأفقية توسيط .. وطبعا اللي هيجيب الواجب تسجيل ماكرو مش هقبله منه ..

أنا عايزك تختصر الأسطر الكتير اللي هتظهرلك في أسطر قليلة ...

في رعاية الله

Sub news()
'
' news ماكرو
' ahmed
'

'
    Range("A1:B10").Font.Bold = True
   Range("A1:B10").HorizontalAlignment = xlRight
      Range("A1:B10").Font.Name = "Andalus"
Range("A1:B10").Font.Size = 14
End Sub

بس منغير ضرب والنبى يا استاذ

حبيبى يا ابوالبراء

جزاك الله كل خير

تم تعديل مارس 6, 2016 بواسطه أحمد الفلاحجى

[أبوبسمله]

اقتباس

يلا بقا خدوا الواجب عشان أنا تعبت ...

1 - قم بالإعلان عن متغير بأي اسم يعجبك من أي نوع يعجبك وخليه يظهر في الخلية C5 ويظهر معاه رسالة مضمونها أنه قد تم وضع القيمة للمتغير اللي إنت سميته في الخلية C5

ودى اول جزئية فى الواجب التانى

Sub xname()
Dim xnames As String
xnames = "ياسر خليل حبيبى واستاذى جزاه الله كل خير "
Range("c5").Value = xnames
End Sub

جزاك الله كل خير يا ابو البراء

[أبوبسمله]

اقتباس

- قم بالإعلان عن متغيرين من النوع Integer وقم بعمل عملية جمع وناتج الجمع في الخلية E5

وده اجابة السؤال رقم 2

Sub sumrang()
Dim x, z As Integer
x = 10
z = 20
Range("e1").Value = x + z

End Sub

شاكلى كده هضرب صح

ربنا يستر والاستاذ ميزعقش

[ياسر خليل أبو البراء]

أخي العزيز أحمد

رغم إن الدورة خلصت من فترة لكن يبدو إن فيه واجبات لازم تتصحح تاني ..

بالنسبة للكود ده بص كويس في بداية كل سطر

Sub news()
'
' news ماكرو
' ahmed
'

'
    Range("A1:B10").Font.Bold = True
   Range("A1:B10").HorizontalAlignment = xlRight
      Range("A1:B10").Font.Name = "Andalus"
Range("A1:B10").Font.Size = 14
End Sub

بصيت كويس ..تمام

لاحظت ايه؟؟ علي صوتك عشان أسمعك ... بتقول لاحظت أنه نفس النطاق ....

طيب ارجع اقرا الحلقة من تاني وشوف بنعمل ايه لما نتعامل مع نفس النطاق لأكثر من سطر وارجع لي بعد ما تراجع الحلقة (بلاش كروتة)

تقبل تحياتي