نجوم المشاركات

اللهم تقبل صيامنا وقيامنا وصالح أعمالنا وأعتق رقابنا من النار وأرحم كل موتى المسلمين في هذه الأيام المباركة اليوم بمشية الله حبيت أقدم موضوع بسيط وخفيف عن خاصية يمكن البعض لا يعرف عنها وهي خاصية في الإكسل تسمى Watch Window ودي بتسهل علينا متابعة محتوى خلية أو مجموعة خلايا معينة في الإكسل أثناء العمل الفائدة منها : أحيانا خلال العمل في شيت واحد أو مجموعة شيتات مختلفة نحتاج إلى مراقبة التغييرات التي تحدث في خلية أو أكثر أثناء العمل خاصة إذا كنا نتنقل من صفحة إلى أخرى ومن أعلى الصفحة إلى أسفلها فأفضل شئ لنجعل قيمة خلية معينة ثابته أمام أعيننا في أي وقت خلال تنقلنا بين الشيتات فهي تقوم بعرض المعلومات التالية عن محتوى الخلية اسم ملف الإكسل Book اسم الشيت Sheet اسم الخلية Name رمز الخلية Cell القيمة Value المعادلات التي تحتويها الخلية Formula والصور والتجربة من خلالكم توضح الفكرة أكثر بمشية الله يمكن الوصول إلى الـ Watch Window في إصدارات أوفيس 2007 وأعلى من خلال تبويب Formula ثم Watch Window يمكن إضافة الخلية أو الخلايا بالضغط على Add Watch ولحذف خلية أو خلايا من المتابعة نضغط على Delete Watch كما يمكن سحبها في أعلى الصفحة لتكن ثابته بشكل عملي أكثر كالتالي ودمتم في رعاية الله

إخواني الكرام بالمنتدى كل عام وأنتم بخير والأمة الإسلامية بخير بارك الله فيكم على سؤالكم عني والله الذي لا إله إلا هو إني أفتقدكم كثيراً المكان الذي انا فيه الآن يتعذر الانترنت فيه بشكل كبير إن شاء الله نلتقي بكم مجدداً قريباً دمتم على طاعة الله ورعاية الله

السلام عليكم الاستكمال ، إتفقنا أن المعادلة =SUMPRODUCT(MAX((A2:A16=F1)*(B2:B16))) تأتي لنا بأقصي رقم ينتج عن حاصل ضرب شرط في قيمة حيث الشرط هو A2:A16=F1 و القيمة هي قيم المصفوفة B2:B16 ============================== وأعطانا الشرط False True False False False False False False False False False True False False False أو 0 ; 1 ; 0 ; 0 ; 0 ; 0 ; 0 ; 0 ; 0 ; 0 ; 0 ; 1 ; 0 ; 0 ; 0 والآن القيمة وهي قيم المصفوفة B2:B16 أي 1 ; 2 ; 5 ; 6 ; 2 ; 3 ; 3 ; 7 ; 8 ; 4 ; 5 ; 4 ; 9 ; 10 ; 6 بالترتيب إذن حاصل ضرب بالترتيب هو (0x1); (1x2); (0x5); (0x6); (0x2); (0x3); (0x3); (0x7); (0x8); (0x4); (0x5); (1x4); (0x9); (0x10); (0x6) = 0; 2; 0; 0; 0; 0; 0; 0; 0; 0; 0; 4; 0; 0; 0 أقصي رقم في هذا الناتج = 4 يعني ببساطة أنت تستطيع جلب أكبر قيمة في العمود B بلا مشاكل بالدالة MAX مثلا لكن الشرط ينتج عنه إما 0 أو 1 حسب مساواته للوصف المطلوب والدالة تضرب هذين ببعضهما وتأتي بأكبر حاصل ضرب

السلام عليكم أخي الحبيب لفهم المعادلة =SUMPRODUCT(MAX(($A$2:$A$16=F1)*($B$2:$B$16))) أولا إلغي علامات الدولار حيث تستخدم للتثبيت عند النسخ وليس هذا مجالها فستصبح المعادلة كالتالي =SUMPRODUCT(MAX((A2:A16=F1)*(B2:B16))) وهذه الدالة SUMPRODUCT كما نعلم لها أكثر من استخدام هنا في هذه الحالة هي تأتي لنا بأقصي رقم ينتج عن حاصل ضرب شرط في قيمة حيث الشرط هو A2:A16=F1 (تذكر أن F1 = "علاج اسرى") و القيمة هي قيم المصفوفة B2:B16 ============================== إذن الشرط هو متي تتساوي قيم A2:A16 مع F1 ولمعرفة ذلك ، إفرد أمامك قيم A2:A16 كالتالي {علاج شخصى - علاج اسرى - استعاضة - استعاضة - علاج شخصى - علاج شخصى - علاج اسرى - استعاضة - استعاضة - علاج شخصى - علاج شخصى - علاج اسرى - استعاضة - استعاضة - علاج شخصى} وردا علي السؤال متي تتساوي تلك القيم مع "علاج اسرى" "علاج شخصى" = F1 ; "علاج اسرى" = F1 ; "استعاضة" = F1 ; "استعاضة" = F1 ; "علاج شخصى" = F1 ; "علاج شخصى" = F1 ; "علاج اسرى" = F1 ; "استعاضة" = F1 ; "استعاضة" = F1 ; "علاج شخصى" = F1 ; "علاج شخصى" = F1 ; "علاج اسرى" = F1 ; "استعاضة" = F1 ; "استعاضة" = F1 ; "علاج شخصى" = F1 سيأتي الرد بالترتيب False True False False False False False False False False False True False False False أو 0 ; 1 ; 0 ; 0 ; 0 ; 0 ; 0 ; 0 ; 0 ; 0 ; 0 ; 1 ; 0 ; 0 ; 0 عفوا نستكمل لاحقا لانشغالي

الأخ الحبيب صلاح بالنسبة لطلبك يمكنك ببساطة وضع الكود في حدث Worksheet_SelectionChange والإشارة إلى الخلية التي بها إجمالي الصف أو العمود الهدف .. الأخ الكريم أبو يحيى الكود يوضع في حدث ورقة العمل ويتم ذلك عن طريق كليك يمين على التبويب (على اسم ورقة العمل) ثم الأمر View Code ... قم بالإطلاع على المرفق في المشاركة رقم 10 مرة أخرى لتجد الكود ... تقبل تحياتي

السلام عليكم الشكر لكل القائمين علي هذا الصرح العلمي نسال الله لهم الاجر * * * ممكن شرح مفصل لهدة الدالة مع العلم اني مبتدئ وشكرا شرح دالة الاستدعاء.rar

متميز ومبدع كعادتك دائماً يا باشمهندس طارق يمكن الاستغناء عن الدالة Sumproduct =MAX(($A$2:$A$16=E1)*($B$2:$B$16)) المعادلة صفيف أي يجب أن يتم الضغط على Ctrl + Shift + Enter ولكني أفضل معادلة الباشمهندس لأن معادلات الصفيف لا تعجبني كثيراً

رمضان كريم اليك هذا الحل وأضغط افضل اجابة اذا كان كذلك فصل القياس.rar

اشرقَت وانورَت والله لك وحشة ومكانة استاذ ياسر اسأل الله العظيم أن ييسر امرك ويردك الى ديارك سالما غانما ما اردت

اخوي سلمان اليك بعض الملاحظات 1- الملف الصوتي يكون على صيغة wav 2- الملف الصوتي وقته اكبر من توقيت التايمر لذا يجب تغيير التوقيت داخل التايمر وسيكون الاجراء عند تحقق الشرط هو تغير التوقيت الى خمس ثواني بدلا من ثانية ويستمر الملف الصوتي بالعمل ، حتى يتم الايقاف اليدوي او بدء لعبة جديدة تشغيل الصوت2.rar

اكتب في الخلية F20 هذه المعادلة و اسحب نزولاً =IF('بيانات التلاميذ'!D21<>"",'بيانات التلاميذ'!D21,"")

الحمد لله على سلامتك أستاذنا ياسر خليل

لجعل العمود صف أو العكس تأمل الصورة المرفقة و ستعرف كيف تفعلها وحدك حيث نستخدم من قائمة Paste TRANSPOSE و كل سنة و أنت طيب و لا تنس السلام أولا .

السلام عليكم تفضل اكبر قيمة2.rar

السّلام عليكم و رحمة الله و بركاته أساتذتي الأفاضل .. سادتي و أحبّتي من أعضاء و مشرفين .. هديّة بسيطة منّي بمناسبة حلول شهر رمضان المعظّم أعاده الله علينا و على الأمّة الاسلاميّة جمعاء بالخير و اليمن و البركات أعرف مسبّقًا أنه عمل تافه بالنسبة لكم و لكن كوني مبتدئًا أعتبر نفسي قد صنعت صاروخًا بفضلكم أعزائي دون استثناء جزاكم الله خيرًا و زادها بميزان حسناتكم رمضان كريم كل سنة و أنتم طيّبون أخوكم : عبد العزيز البسكري كون حجم الملف كبير قليلا رفعته على رابط خارجي ..شكرًا لتفهّمكم : http://www.gulfup.com/?ce2rYr

كل عام وانتم بالف خير

جزاك الله خيرا اخي عبد العزيز وكل عام وان والجميع بخير عمل رائع وشكرا ---- بارك الله فيك

عمل رائع وكل عام وأنتم بخير جزاك الله خيرا

بارك الله لك وتقبل الله منا ومنكم صالح الأعمال

ما شاء الله ، عمل رائع و ممتع و فكرة جميلة .. جزاك الله خيرا .

كل العام و الجميع بالف خير

طيب ضع الحل هنا للافادة

الحلقة الرابعة عشر ***************** السلام عليكم ورحمة الله وبركاته وحشتكم !! أكيد لا .. لأني لو وحشتكم كنتو فتحتوا الباب وسألتوا عليا .. عموما إنتو وحشتوني ، وعشان وحشتوني هاقدم لكم حلقة جديدة يمكن تفتكروني. النهاردة هتكلم عن حاجة ناس كتير شرحوها ، وشرحوها بشكل ممتاز ، ودا خلاني مش عارف أشرح إزاي ، لأن اللي شرحوها وفوا شرحها صراحة .. هنتكلم عن الحلقات (بس مش حلقات افتح الباب) الحلقات اللي هنتكلم عنها الحلقات التكرارية ، ومن اسمها هي عبارة عن حلقات بتتكرر (إضافة عظيمة!) اسمها بالإنجليزي Loops ودي مهمة جداً في عالم الأكواد ، محدش يقدر يستغنى عنها تقريباً .. نفترض إني دخلت الفصل (بما إني معلم) ولسه دي أول مرة أتعرف على الطلبة اللي في الفصل ..يا ترى أنا عندي استعداد أخلى طالب طالب يقوم وأنا أقوله قول اسمك والطالب اللي بعديه قول اسمك .. أعتقد إن ريقي هينشف ودماغي هتصدع ودا طبعا مش يرضيكم (مش كدا ولا ايه) ..أنا من النوع الكسول فكل اللي هعمله هعمل تكرار من أول طالب في الفصل لآخر طالب ، وأعطي الأمر مرة واحدة .. من أول طالب إلى آخر طالب قووووول اسمك يا حبيبي الطالب التالي هو دا شكل الحلقة التكرارية .. نبرمجها بلغة الـ VBA ... هنقول إن الفصل فيه 60 طالب (معلش دا واقع الفصول في مصر) .. نقطة مهمة مننساش إن الطالب متغير مش ثابت ، فنرمز للطالب المتغير بالرمز X مثلاً ... Sub Loops() Dim X As Long For X = 1 To 60 'Say your name Next X End Sub طبعاً الكود دا شوية له علاقة بالبرمجة وشوية هتش .. ايه اللي هنعمله ..زي ما اتعودنا (دايما) إننا نعرف المتغير .. ونركز في السطر الثاني بدأ بكلمة For متبوعة باسم المتغير اللي هو X وبعدين علامة يساوي عشان نحدد قيمة X المتغيرة (أو الطالب المتغير) وهنا القيمة ليها بداية وليها نهاية (كل شيء له بداية ونهاية) وبيفصل بين البداية والنهاية حرف الجر To وفي آخر الحلقة التكرارية جملة Next X وممكن نقول Next ونسكت ، ومحرر الأكواد هيفهم لوحده .. بس أنا تقليدي شويتين فخلينا نكتب المتغير ، عشان الكود ممكن يكون فيه أكتر من حلقة تكرارية .. الجزء المهم هو الجزء اللي بين السطرين ، وهو دا الأمر المطلوب تكراره ، السطر اللي هنا مجرد تعليق وهتش وملوش علاقة بالبرمجة .. بس حبيت أقرب لكم الفكرة بأسلوب جديد.. كدا لما أنفذ الكود اللي فات ، كل اللي عملته إني أعطيت الأمر مرة واحدة وبس (وأنا حاطط رجل على رجل ... الدورة تلف على طالب طالب ، ويقول اسمه ، ولما يخلص ، الدورة تنتقل للطالب اللي بعديه وهكذا إلى أن ينتهي الطلاب ، ولما الـ 60 طالب يخلصوا ..يتم إيقاف تنفيذ الكود... ناخد أول مثال بجد عشان نقدر نتعلم إزاي نستفيد من الحلقات التكرارية :: لنفترض أننا عايزين نرقم النطاق A1:A10 بالأرقام من 1 إلى 10يعني الخلية A1 = 1 والخلية A2=2 وهكذا ..طبعا الموضوع بسيط جدا Sub NumberRange() Range("A1").Value = 1 Range("A2").Value = 2 Range("A3").Value = 3 Range("A4").Value = 4 Range("A5").Value = 5 Range("A6").Value = 6 Range("A7").Value = 7 Range("A8").Value = 8 Range("A9").Value = 9 Range("A10").Value = 10 End Sub كود في منتهى الروعة .. شايف حسام بيضحك ويقولي عايزك ترقم النطاق من A1:A100 (وابتسم ابتسامة فيها شماته !!) نفكر شوية .. بقول نفكر شوية (بلاش تكمل الحلقة غير لما تبص في الكود وتفكر شوية .. فكر شوية واكسب التوفير في الوقت والجهد) ايه المشترك في أسطر الكود .. وايه المختلف .. المتشابه في كل الأسطر Range("A ").Value = والمختلف هو الرقم بعد حرف الـ A ، والقيمة اللي بعد علامة يساوي .. في السطر الأول الرقم اللي بعد حرف الـ A هو 1 ، والقيمة بعد علامة يساوي بردو 1 ، ونفس الكلام مع السطر رقم 2 ، ورقم 3 وهكذا يبقا أول حاجة تفكر فيها إنك المختلف أو المتغير أو الشيء الغير ثابت تضعه في متغير ، ودا لأنه مش ثابت ومتغير .. فنضع متغير باسم X مثلاً ونعمل حلقة تكرارية من 1 إلى 10 (دي القيم اللي هيحملها المتغير) Sub NumberRange() Dim X As Long For X = 1 To 10 Range("A" & X).Value = X Next X End Sub نفس الكود اللي شرحناه من شوية ، الاختلاف في السطر اللي بين سطري التكرار .. الحلقة هتدور 10 مرات ، وفي كل مرة المتغير X بيحمل قيمة مختلفة (نرررررركز في الجزئية اللي جاية لأنها مهمة جداً جداً ) مش هنفذ الكود مرة واحدة .. سنقوم بعملية التنفيذ واحدة واحدة ، اللي مستعجل يروح ينفذ الكود مرة واحدة ، واللي مش مستعجل أنا معاه ..عشان يعرف حاجة مش هيعرفها الأخ المستعجل ... ضع مؤشر الماوس في أي مكان في الكود .. جميل >> اضغط F8 من لوحة المفاتيح ، وجمد قلبك وقول يا رب .. لاحظت ايه يا عبد المحسن؟ عبد المحسن ناااااااام مني (الله يسامحك) ..عبد المحسن : شايف الدنيا صفرا ليه ، هو فيه عاصفة النهاردة كمان؟ .. رديت عليه : لا يا عبد المحسن كمل نومك ، السطر الأصفر اللي ظهر ده سببه إننا ضغطنا F8 .. ودا فايدته إننا هنقوم بعملية التنفيذ واحدة واحدة .. سطر سطر .. السطر الأصفر على أول سطر في الكود Sub NumberRange() اضغط F8 مرة تانية ، ايه اللي حصل انتقل السطر الأصفر للسطر التالت ، طيب والسطر التاني يا معلم .. ملوش لازمة !!! أكبر خطأ إنك تعتقد إنه ملوش لازمة ، لما ضغطنا F8 للمرة التانية ، محرر الأكواد خزن في الذاكرة كل المتغيرات الموجودة في الكود عايز تتأكد من كلامي ، حرك مؤشر الماوس اللي على شكل حرف I (فيه شرطة فوق وشرطة تحت) حرك الماوس من غير ما تدوس كليك .. واقف على المتغير X هتلاقي تلميح في مستطيل صغير بيقولك المتغير X=0 ، دي كدا القيمة المبدئية للمتغير ... لما تضغط F8 للمرة التالتة ، روح شوف قيمة X مرة تانية هتلاقي قيمة X=1 (ايه اللي خلاها 1 مش كانت صفر من لحظة ) اللي حصل إننا انتقلنا من السطر For X = 1 To 10 والسطر دا هيبدأ في عمل الحلقة التكرارية اللي بنقول عليها ، والحلقة بدايتها 1 زي ما حددنا (وطبعاً ممكن نغير نقطة البداية يا شباب .. مش شرط 1) حرك مؤشر الماوس من غير ما تدوس على المتغير X في السطر المظلل بالأصفر Range("A" & X).Value = X هنلاقي زي ما قلت إن X =1 يعني محرر الأكواد هيعمل ايه دلوقتي ، هيشيل كل X ويحط مكانه القيمة 1 ، فيصبح السطر في الذاكرة بهذا الشكل Range("A1").Value = 1 لحد كدا تمام التمام ، صغر محرر الأكواد بحيث تكون ورقة العمل ظاهرة بالنسبة لك واتأكد إن النطاق A1:A10 فارغ ليس به أي بيانات ، وركز في ورقة العمل ، واضغط F8 عشان تنقل السطر الأصفر إلى هذا السطر ، ولاحظ ورقة العمل Next X لاحظت يا منصور الخلية A1 وضعت فيها القيمة 1 ، نخلي بالنا إن السطر الأصفر بيتم تنفيذه بعد الخروج منه ، فلما خرجنا من السطر تم تنفيذ الأمر وأعطى القيمة 1 للخلية A1 .. اضغط F8 مرة أخرى ، ونلاحظ إن السطر الأصفر انتقل للسطر اللي قبليه ، مش لبداية الحلقة التكرارية ، يعني ببساطة السطر اللي بيحدد بداية الحلقة ونهايتها بيعدي عليه مرة واحدة فقط .. أما سطر الأمر والسطر اللي فيه كلمة Next بيبدل السطر الأصفر عليهم... نبص دلوقتي على قيمة المتغير X هنلاقيها بقت 2 فيتم تنفيذ السطر بمجرد الضغط على F8 ويضع القيمة 2 في الخلية A2 وهكذا ..جرب واضغط F8 وفي كل مرة شوف قيمة المتغير X وشوف النطاق A1:A10 في كل مرة أول ما توصل قيمة المتغير X إلى الرقم 10 تتوقف الحلقة التكرارية ، وينتقل السطر الأصفر لجملة End Sub .. وينتهي عمل الكود .. عارف إني طولت في النقطة اللي فاتت ، بس كان لازم أطول فيها ، عشان أنا فاضي ومفيش ورايا شغل ، فقلت أصدعكم شوية!! ننتقل لمثال آخر --------------- عشان نقدر نفهم إزاي نستفيد من الحلقات التكرارية .. عايزين نعد الاسم (أحمد) في النطاق A1:A10 نفترض إني عندي الأسماء دي في النطاق A1:A10 أحمد ياسر سليم حسام عيسى أحمد أحمد خليل عبد الله أحمد المطلوب : نشوف الاسم (أحمد) كم مرة تم تكراره .. المعطيات : استعن بالله ثم بالحلقة التكرارية .. الفكرة : هنعمل اختبار صغير بقاعدة IF وهنقول لو قيمة الخلية بتساوي "أحمد" .. زود المتغير Counter بقيمة واحد Sub CountName() Dim X As Long Dim Counter As Long For X = 1 To 10 If Range("A" & X).Value = "أحمد" Then Counter = Counter + 1 Next X MsgBox Counter End Sub عملنا متغير جديد باسم Counter عشان لما يتحقق الشرط ويلاقي الاسم "أحمد" يقوم يخلي المتغير Counter يساوي نفسه + 1 طيب ليه يساوي نفسه ، عشان في كل مرة يلاقي أحمد قيمته هتتغير فلازم نضيف واحد لكل Counter جديد النتيجة في الآخر هتظهر في رسالة ، وهي 4 .. طيب نجرب نشيل الواحد في هذا السطر Counter = Counter + 1 لو شيلنا الواحد هتكون النتيجة 0 ، لأن المتغير قيمته المبدئية صفر ، فلما يتحقق الشرط مش هيزيد المتغير إلا لما نضيف واحد في كل مرة يتحقق الشرط. هناخد مثال آخر ---------------- عندنا درجات في النطاق A6:A15 ، عايزين نكتب ناجح أوراسب في الخلية المجاورة للدرجة ، لو الدرجة أكبر من أو يساوي 50 يبقا ناجح ، مكانش يكون راسب ... نخلي بالنا أنا غيرت بداية النطاق عشان الحلقة التكرارية بردو هتتغير بدايتها ونهايتها طبقاً للصفوف الجديدة 58 41 88 40 50 40 98 94 60 35 نجرب الكود التالي .. Sub LoopsTest() Dim X As Long For X = 6 To 15 If Cells(X, 1).Value >= 50 Then Cells(X, 2).Value = "ناجح" Else Cells(X, 2).Value = "راسب" End If Next X End Sub نلاحظ الحلقة التكرارية بدأت من 6 إلى 15 (ودا متغير للصفوف من الصف رقم 6 إلى الصف رقم 15) ووضعنا الشرط بين سطري الحلقة التكرارية ، لو الخلية اللي في الصف X والعمود الأول أكبر من أو يساوي 50 يقوم يعمل ايه؟ يضع القيمة النصية "ناجح" في الخلية اللي في العمود الثاني والصف X (نفس الصف بالطبع لأن قيمة X في الحالة دي هي هي نفس القيمة لأننا في نفس اللفة) .. إذا لم يتحقق الشرط قام بتنفيذ الجزء الثاني بأن يكتب النص "راسب" ثم إغلاق جملة IF بالجملة End IF ومننساش القفلة زي ما اتعودنا.. ننتقل لآخر مثال في الحلقة دي (عشان أنا تعبت وإنتو كمان أكيد تعبتو) في الأمثلة اللي فاتت عملنا حلقات تكرارية للصفوف .. واحد بيقولي طيب والأعمدة ملهاش نصيب في الدوخة اللي إحنا فيها دي .. أقوله أكيد ليها نصيب .. المطلوب إننا في الصف الرابع ، نكتب معادلة =COLUMN() بس في الأعمدة من العمود رقم 1 إلى العمود رقم 15 (A To O) نعقدها شوية ونقول في الأعمدة اللي رقمها فردي بس (الأعمدة اللي رقمها زوجي مش محتاجينها) يعني ببساطة عايزين نحط المعادلة في الأعمدة A C E G I K M O Sub ColumnsLoop() Dim X As Long For X = 1 To 15 Step 2 Cells(4, X).Formula = "=COLUMN()" Next X End Sub الحلقة التكرارية بدأت من العمود الأول حتى العمود رقم 15 (البداية والنهاية) معلومة جديدة Step 2 (دي معناها إننا هنقفز ..والقفز هيكون بمقدار 2 أي خطوتين) بدأنا بـ 1 فلما نقفز بمقدار 2 ، هنروح لرقم 3 ، أي أن المتغير سيكون رقم فردي في كل مرة 1 ، 3 ، 5 ، 7 ، 9 ، 11 ، 13 ، 15 (وهو دا المطلوب بالضبط) سطر الأمر فيه الخاصية Formula ودي عشان نقدر نضع معادلة من خلالها .. والمعادلة ببساطة زي ما شفناها من شوية بس بتكون بين أقواس تنصيص .. طيب الجزء الأول من السطر نلاحظ إننا استخدمنا Cells ودي بتكون متبوعة بقوسين ، وبين القوسين رقم الصف ثم فاصلة ثم رقم العمود ، وبما إن رقم الصف ثابت اللي هو رقم 4 ، فكتبناه زي ما هو .. اما رقم العمود فمتغير فوضعنا رقم العمود X ... جرب الكود وشوف النتيجة بنفسك أرجو أن أكون قد وفقت في توصيل المعلومة بأسلوب مبسط كان معكم أخوكم أبو البراء من تراك أوفيسنا (لف على الحلقات من الحلقة رقم 1 إلى الحلقة رقم 14 .. لو عايز تتعلم الـ VBA) ويا رب ميكونش فيه حد جاله دووووووووخة من كتر اللف .. والله أنا اللي دوخت أستودعكم الله .. دمتم في رعاية الله تقبلوا تحياتي .. دمتم بود